| ᠪᠤᠷᠢᠶᠠᠳ ᠶᠠᠰᠤᠳᠡᠨ ᠪᠤᠯ ᠮᠤᠩᠭᠤᠯ ᠢᠵᠠᠭᠤᠷ ᠤᠨ ᠬᠦᠮᠤᠰ ᠪᠥᠭᠡᠳ ᠲᠡᠳᠡᠨ ᠤ ᠡᠪᠦᠭᠡ ᠲᠡᠭᠡᠳᠥᠰ ᠨᠢ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠠᠷᠤ ᠦᠪᠤᠷ᠂ ᠪᠠᠷᠠᠭᠤᠨ ᠵᠡᠬᠦᠨ | ᠲᠠᠯᠠ ᠪᠠᠷ ᠤᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠡᠷᠳᠡᠨ ᠤ ᠠᠩᠴᠢᠨ᠂ ᠬᠦᠷᠥᠭᠡᠴᠢᠨ᠂ ᠪᠤᠯᠠᠭᠠᠴᠢᠨ᠂ ᠭᠡᠷᠡᠮᠤᠴᠢᠨ᠂ ᠤᠢ ᠶᠢᠨ ᠢᠷᠭᠡᠳ ᠠᠴᠠ ᠡᠬᠦᠰᠥᠯ ᠲᠠᠢ ᠶᠤᠮ᠃ | ᠲᠤᠬᠠᠢᠢᠯᠠᠪᠡᠯ ᠡᠷᠳᠡᠨ ᠤ ᠦᠶᠠ ᠳᠤ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠤᠷᠴᠢᠮ ᠵᠦᠯᠭᠡ ︵ᠯᠧᠨᠠ︶ ᠮᠥᠷᠡᠨ ᠪᠡ ᠬᠢᠶᠤᠯᠭᠠ ᠮᠥᠷᠡᠨ ᠤ ᠰᠠᠪᠠ ᠭᠠᠵᠠᠷ᠂ ᠰᠡᠯᠡᠩᠭᠡ ᠮᠥᠷᠡᠨ ᠤ | ᠠᠳᠠᠭ ᠢᠶᠠᠷ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠰᠠᠨ ᠬᠤᠷᠢᠬᠠᠨ ︵ᠬᠤᠷᠢ ᠲᠦᠮᠡᠳ︶ ᠠᠶᠢᠮᠠᠭ᠂ ᠪᠠᠷᠭᠤᠵᠢᠨ ᠲᠥᠬᠦᠮ ᠳᠤ ᠠᠵᠤ ᠲᠥᠷᠥᠳᠡᠭ ᠪᠠᠷᠭᠤᠳ ᠠᠶᠢᠮᠠᠭ ᠵᠡᠷᠭᠡ ᠮᠤᠩᠭᠤᠯ | ᠤᠭᠰᠠᠭᠠ ᠶᠢᠨ ᠠᠶᠢᠮᠠᠭ ᠤᠳ ᠨᠢ ᠲᠡᠳᠡᠨ ᠤ ᠲᠡᠭᠡᠳᠤ ᠦᠶᠠ ᠶᠢᠨ ᠠᠶᠢᠮᠠᠭ ᠤᠳ ᠪᠢᠯᠡ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ 13 ᠳ᠋ᠤᠭᠠᠷ ᠵᠠᠭᠤᠨ ᠠᠴᠠ ᠡᠮᠤᠨᠠ ︵1100 — 1200 ᠤᠨ ᠤ ᠦᠶᠠ ᠳᠤ︶ ᠲᠥᠷᠤ ᠬᠦᠷᠤᠨ ᠤ ᠲᠤᠳᠤᠷᠬᠠᠢ ᠬᠠᠷᠢᠶᠠᠯᠠᠯ | ᠦᠭᠡᠢ᠂ ᠬᠤᠶᠢᠳᠤ ᠵᠦᠭ ᠤᠨ ᠤᠯᠠᠨ ᠤᠭᠰᠠᠭᠠ ᠠᠶᠢᠮᠠᠭ ᠤᠳ ᠲᠠᠢ ᠬᠠᠮᠳᠤ ᠪᠠᠷ ᠠᠯᠢ ᠨᠢᠭᠡᠨ ᠤ ᠬᠢᠨᠢ ᠬᠦᠴᠤᠨ ᠶᠡᠭᠡ ᠪᠤᠯ ᠲᠠᠬᠦᠨ ᠤ ᠬᠠᠷᠢᠶᠠ ᠳᠤ ᠪᠠᠭᠳᠠᠵᠤ᠂ | ᠦᠪᠡᠷᠰᠡᠳ ᠤᠨ ᠠᠶᠢᠮᠠᠭ ᠤᠪᠤᠭ ᠢᠶᠠᠷ ᠢᠶᠠᠨ ᠠᠡᠭ ᠬᠦᠷᠥᠭᠡ᠂ ᠵᠢᠭᠠᠰᠤᠨ ᠤ ᠠᠵᠢᠯ ᠪᠤᠯᠤᠨ ᠮᠠᠯ ᠲᠠᠵᠢᠭᠡᠬᠦ ᠠᠵᠢᠯ ᠵᠡᠷᠭᠡ ᠶᠢ ᠡᠷᠬᠢᠯᠡᠨ ᠪᠠᠶᠢᠭᠰᠠᠨ ᠪᠥᠭᠡᠳ | ᠪᠤᠯᠠᠭᠠᠳ ᠢᠬᠢᠷᠡᠳ ᠠᠴᠠ ᠡᠬᠦᠰᠥᠯ ᠲᠠᠢ ᠪᠠᠷᠠᠭᠤᠨ ᠵᠦᠭ ᠤᠨ ᠪᠤᠷᠢᠶᠠᠳ ᠤᠳ ᠨᠢ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠠᠷᠤ ᠪᠤᠯᠤᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠪᠠᠶᠢᠷᠢᠯᠡᠵᠤ᠂ ᠠᠡᠭ | ᠬᠦᠷᠥᠭᠡ᠂ ᠵᠢᠭᠠᠰᠤᠨ ᠤ ᠠᠵᠢᠯ ᠢ ᠡᠷᠬᠢᠯᠡᠵᠤ ᠪᠠᠶᠢᠭᠰᠠᠨ ᠠᠴᠠ ᠰᠡᠬᠦᠯᠳᠡᠵᠤ᠂ ᠮᠠᠯ ᠲᠠᠷᠢᠶᠠ ᠶᠢ ᠬᠤᠤᠰᠯᠠᠭᠤᠯᠤᠨ ᠡᠷᠬᠢᠯᠡᠬᠦ ᠪᠤᠯᠤᠭᠰᠠᠨ ᠶᠤᠮ᠃ ᠡᠷᠳᠡᠨ ᠤ ᠬᠤᠷᠢ | ᠲᠦᠮᠡᠳ ᠠᠴᠠ ᠡᠬᠦᠰᠥᠯ ᠲᠠᠢ ᠬᠤᠷᠢ ᠶᠢᠨ ᠪᠤᠷᠢᠶᠠᠳ ᠤᠳ ᠨᠢ ᠪᠠᠶᠢᠭᠠᠯ ᠨᠠᠭᠤᠷ ᠠᠴᠠ ᠵᠡᠬᠦᠡᠰᠢ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠬᠦᠯᠳᠡᠵᠤ ᠨᠡᠬᠦᠳᠡᠯ ᠤᠨ ᠮᠠᠯ ᠠᠵᠤ | ᠠᠬᠤᠢ ᠶᠢ ᠡᠷᠬᠢᠯᠡᠬᠦ ᠪᠤᠯᠵᠤ᠂ ᠵᠡᠬᠦᠡᠰᠢ ᠪᠤᠯᠤᠨ ᠡᠮᠥᠨᠡᠰᠢ ᠪᠠᠨ ᠰᠡᠯᠡᠩᠭᠡ᠂ ᠦᠳᠡ᠂ ᠢᠡᠭᠬᠢᠳᠡᠢ ᠳᠤ ᠬᠦᠷᠴᠤ ᠤᠯᠠᠮ ᠵᠡᠬᠦᠡᠰᠢᠯᠡᠵᠤ ᠤᠨᠤᠨ᠂ ᠠᠭᠠ᠂ ᠪᠤᠤᠷᠵᠢ᠂ | ᠡᠷᠬᠦᠨᠠ ᠵᠡᠷᠭᠡ ᠭᠤᠤᠯ ᠮᠥᠷᠡᠨ ᠨᠦᠭᠦᠳ ᠤᠨ ᠰᠠᠪᠡ ᠭᠠᠵᠠᠷ ᠢᠶᠠᠷ ᠨᠡᠬᠦᠳᠡᠯᠯᠡᠨ ᠪᠠᠶᠢᠷᠢᠰᠢᠬᠤ ᠪᠤᠯᠤᠭᠰᠠᠨ ᠪᠢᠯᠡ᠃ | 13 ᠳ᠋ᠤᠭᠠᠷ ᠵᠡᠭᠤᠨ ᠤ ᠡᠬᠢᠨ ᠤ ᠦᠶᠠ ᠳᠤ ᠴᠢᠩᠬᠢᠰ ᠬᠠᠭᠠᠨ᠂ ᠪᠥᠬᠦ ᠮᠤᠩᠭᠤᠯ ᠤᠭᠰᠠᠭᠠ ᠶᠢᠨ ᠤᠯᠠᠨ ᠠᠶᠢᠮᠠᠭ ᠤᠳ ᠢ ᠨᠢᠭᠡᠳᠭᠡᠨ ᠮᠤᠩᠭᠤᠯ ᠤᠨ | ᠬᠠᠭᠠᠡᠳᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠪᠤᠷᠢᠶᠠᠳ ᠪᠠᠷᠭᠤ ᠠᠶᠢᠮᠠᠭ ᠤᠳ ᠲᠠᠬᠦᠨ ᠤ ᠪᠥᠷᠢᠯᠳᠥᠬᠦᠨ ᠪᠤᠯᠵᠤ᠂ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ | ᠲᠠᠤᠭᠡ ᠶᠢᠨ ᠶᠠᠪᠤᠴᠡ ᠶᠢ ᠦᠡᠭᠭᠡᠷᠡᠭᠡᠬᠦ ᠳᠡᠭᠡᠨ ᠡᠬᠢᠯᠡᠭᠡᠳ ᠴᠢᠩᠬᠢᠰ ᠬᠠᠭᠠᠨ ᠤ ᠶᠡᠭᠡ ᠬᠥᠤ ᠵᠦᠴᠢ ᠶᠢᠨ ᠬᠠᠷᠢᠶᠠᠳᠤ ᠪᠠᠶᠢᠵᠤ᠂ ᠰᠡᠬᠦᠯᠡᠷ ᠨᠢ ᠴᠢᠩᠬᠢᠰ ᠬᠠᠭᠠᠨ ᠤ | ᠤᠳᠬᠤᠨ ᠬᠦᠤ ᠲᠤᠯᠤᠢ ᠶᠢᠨ ᠢᠵᠠᠭᠤᠷ ᠤᠨ ᠬᠠᠨ ᠬᠦᠪᠡᠬᠦᠳ ᠤᠨ ᠬᠠᠷᠢᠶᠠᠳᠤ ᠪᠤᠯᠵᠤ᠂ ᠰᠡᠬᠦᠯᠡᠷ ᠨᠢ ᠲᠥᠷᠪᠡᠨ ᠤᠢᠢᠷᠠᠳ ᠤᠨ ᠬᠤᠯᠪᠤᠭᠠ ᠳᠤ ᠪᠠᠷᠭᠤ | ᠪᠤᠷᠢᠶᠠᠳ ᠤᠳ ᠲᠠᠬᠦᠨ ᠤ ᠬᠤᠯᠪᠤᠭᠠ ᠶᠢᠨ ᠨᠢᠭᠡᠨ ᠪᠥᠷᠢᠯᠳᠥᠬᠦᠨ ᠪᠤᠯᠵᠤ ᠤᠷᠤᠭᠠᠳ᠂ ᠤᠢᠢᠷᠠᠳ ᠤᠳ ᠪᠠᠷᠠᠭᠤᠡᠰᠢ ᠨᠡᠬᠦᠬᠦ ᠳᠤ 15 ᠳ᠋ᠤᠭᠠᠷ ᠵᠡᠭᠤᠨ ᠤ ᠦᠶᠠ ᠳᠤ | ᠵᠡᠬᠦᠨ ᠮᠤᠩᠭᠤᠯ ᠤᠨ ᠬᠠᠷᠢᠶᠠ ᠳᠤ ᠦᠯᠡᠳᠡᠭᠡᠳ ᠬᠠᠯᠬᠠ ᠶᠢᠨ ᠤᠷᠢᠶᠠᠩᠬᠠᠢ ᠲᠦᠮᠡᠨ ᠤ ᠪᠥᠷᠢᠯᠳᠥᠬᠦᠨ ᠳᠤ ᠪᠠᠭᠳᠠᠵᠤ᠂ ᠪᠠᠶᠢᠭᠠᠯ ᠨᠠᠭᠤᠷ᠂ ᠰᠡᠯᠡᠩᠭᠡ ᠮᠦᠷᠡᠨ᠂ | ᠤᠨᠤᠨ ᠭᠤᠤᠯ ᠠᠴᠠ ᠬᠢᠨᠭ᠍ᠭᠠᠨ ᠲᠠᠪᠠᠭᠠ ᠬᠦᠷᠳᠡᠯᠠ ᠨᠤᠳᠤᠭᠯᠠᠨ ᠰᠠᠭᠤᠵᠤ ᠪᠠᠶᠢᠯᠠ᠃ | ᠪᠠᠰᠠ ᠨᠢᠭᠡ ᠭᠡᠰᠡᠭ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ 13 ᠳ᠋ᠤᠭᠠᠷ ᠵᠡᠭᠤᠨ ᠤ ᠡᠬᠢ ᠪᠠᠷ ᠬᠠᠳᠤᠨ ᠭᠤᠤᠯ ᠠᠴᠠ ᠪᠠᠷᠠᠭᠤᠡᠰᠢ ᠬᠦᠭᠡᠨᠠᠭᠤᠷ ᠬᠦᠷᠴᠤ ᠠᠮᠢᠳᠤᠷᠠᠵᠤ | ᠪᠠᠶᠢᠭᠰᠠᠨ ᠢᠶᠠᠨ 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠠ ᠳᠤ ᠲᠦᠮᠡᠳ ᠤᠨ ᠠᠯᠳᠠᠨ ᠬᠠᠭᠠᠨ ᠤ ᠬᠦᠡᠭᠵᠤ ᠪᠠᠯᠵᠢᠨ ᠢᠶᠠᠨ ᠰᠤᠯᠤᠩᠭᠤᠳ ᠠᠶᠢᠮᠠᠭ ᠤᠨ ᠪᠥᠪᠡᠢ ᠪᠠᠶᠢᠯᠠ | ᠬᠠᠭᠠᠨ ᠤ ᠬᠦᠪᠡᠬᠦᠨ ᠳ᠋ᠠᠢ ᠬᠤᠨᠭ᠌ ᠲᠠᠶᠢᠵᠢ ᠳᠤ ᠬᠠᠳᠤᠨ ᠪᠤᠯᠭᠠᠨ ᠦᠭᠬᠦ ᠳᠤ ᠨᠢᠭᠡ ᠪᠥᠯᠦᠭ ᠬᠤᠷᠢ ᠲᠥᠮᠡᠳ ᠪᠤᠷᠢᠶᠠᠳ ᠨᠠᠷ ᠢ ᠪᠠᠯᠵᠢᠨ ᠬᠠᠳᠤᠨ ᠤ ᠢᠡᠵᠢ | ᠪᠤᠯᠭᠠᠨ ᠦᠭᠬᠦᠭᠰᠡᠨ ᠠᠴᠠ ᠡᠳᠡ ᠨᠠᠷ ᠡᠷᠬᠦᠨᠠ ᠭᠤᠤᠯ᠂ ᠬᠦᠯᠦᠨ ᠪᠤᠶᠢᠷ ᠲᠤ ᠡᠷᠬᠢᠨ ᠢᠷᠡᠵᠤ ᠨᠤᠳᠤᠭᠯᠠᠬᠤ ᠪᠤᠯᠤᠭᠰᠠᠨ ᠭᠡᠳᠡᠭ᠃ ᠶᠠᠷᠤ ᠨᠢ ᠪᠤᠷᠢᠶᠠᠳ | ᠮᠤᠩᠭᠤᠯᠴᠤᠳ ᠮᠤᠩᠭᠤᠯ ᠤᠨ ᠨᠢᠭᠡᠳᠥᠭᠰᠡᠨ ᠬᠠᠭᠠᠡᠳᠤ ᠤᠯᠤᠰ ᠤᠨ ᠦᠶᠠ᠂ ᠶᠤᠸᠠᠨ ᠤᠯᠤᠰ ᠤᠨ ᠦᠶᠠ ᠪᠤᠯᠤᠨ ᠲᠠᠬᠦᠨ ᠠᠴᠠ ᠬᠤᠶᠢᠰᠢᠬᠢ ᠠᠷᠤ ᠭᠠᠵᠠᠷ ᠤᠨ | ᠤᠯᠠᠨ ᠬᠠᠭᠠᠳ ᠤᠨ ᠦᠶᠠ ᠳᠠᠬᠢ ᠮᠠᠰᠢ ᠤᠷᠳᠤ ᠬᠤᠭᠤᠴᠠᠭᠠᠨ ᠳᠤ ᠡᠯᠳᠡᠪ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ᠂ ᠡᠷᠳᠡᠨ ᠤ ᠨᠤᠳᠤᠭ ᠤᠷᠤᠨ ᠠᠴᠠ ᠪᠠᠨ | ᠨᠡᠬᠦᠳᠡᠯᠯᠡᠨ ᠬᠤᠯᠠ ᠤᠢᠢᠷᠠ᠂ ᠠᠳᠡ ᠲᠠᠡᠳᠡ ᠤᠯᠠᠨ ᠭᠠᠵᠠᠷ ᠤᠷᠤᠨ ᠢᠶᠠᠷ ᠲᠠᠷᠬᠠᠨ ᠪᠤᠳᠠᠷᠠᠵᠤ ᠰᠠᠭᠤᠵᠤ ᠦᠡᠭᠭᠡᠷᠡᠭᠰᠡᠨ ᠪᠡ 15 ᠳ᠋ᠤᠭᠠᠷ ᠵᠡᠭᠤᠨ ᠤ ᠰᠡᠬᠦᠯᠴᠢ᠂ | 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢ ᠠᠴᠠ ᠠᠬᠢᠭᠠᠳ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠲᠤᠭᠤᠷᠢᠨ ᠪᠤᠯᠤᠨ ᠰᠡᠯᠡᠩᠭᠡ᠂ ᠪᠠᠷᠭᠤᠵᠢᠨ᠂ ᠤᠨᠤᠨ᠂ ᠡᠷᠬᠦᠨᠠ᠂ ᠬᠦᠯᠦᠨ ᠪᠤᠶᠢᠷ᠂ | ᠬᠢᠨᠭ᠍ᠭᠠᠨ ᠬᠦᠷᠳᠡᠯᠡᠬᠢ ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠤ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠡᠷᠬᠢᠯᠡᠨ ᠲᠤᠭᠳᠠᠪᠤᠷᠢᠵᠢᠨ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠶᠤᠮ᠃ | 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠠ ᠠᠴᠠ ᠮᠤᠩᠭᠤᠯ ᠤᠷᠤᠨ᠂ ᠮᠠᠡᠵᠤ ᠴᠢᠩ ᠤᠯᠤᠰ ᠤᠨ ᠬᠠᠷᠢᠶᠠᠯᠠᠯ ᠳᠤ ᠤᠷᠤᠵᠤ᠂ ᠨᠢᠭᠡ ᠪᠦᠯᠦᠭ ᠨᠢ ᠪᠠᠷᠠᠭᠤᠡᠰᠢ ᠪᠡ ᠬᠤᠶᠢᠰᠢ | ᠵᠠᠶᠢᠯᠠᠨ ᠭᠠᠷᠴᠤ᠂ ᠮᠤᠩᠭᠤᠯ ᠤᠨ ᠨᠢᠭᠡᠳᠥᠮᠡᠯ ᠪᠠᠶᠢᠳᠠᠯ ᠠᠯᠳᠠᠭᠳᠠᠵᠤ᠂ ᠬᠠᠮᠤᠭ ᠤᠨ ᠬᠤᠶᠢᠳᠤ ᠲᠠᠯᠠ ᠳᠤ ᠪᠠᠶᠢᠬᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠨᠢᠭᠡᠨ ᠦᠶᠠ ᠳᠤ | ᠲᠤᠳᠤᠷᠬᠠᠢ ᠬᠠᠷᠢᠶᠠᠯᠠᠯ ᠦᠭᠡᠢ ᠪᠤᠯᠪᠡ᠃ ᠶᠠᠭ ᠲᠡᠷᠡ ᠦᠶᠠ ᠳᠤ᠂ ᠬᠠᠭᠠᠡᠳᠤ ᠤᠷᠤᠰ ᠤᠯᠤᠰ ᠵᠡᠬᠦᠡᠰᠢ ᠬᠢᠯᠢ ᠪᠠᠨ ᠦᠷᠭᠡᠳᠭᠡᠭᠡᠳ ᠪᠥᠬᠦ ᠰᠢᠪᠧᠷᠢᠶᠠ ᠶᠢ ᠡᠵᠡᠯᠡᠨ | ᠡᠵᠡᠮᠰᠢᠵᠤ᠂ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠨᠤᠳᠤᠭ ᠲᠤ ᠨᠢᠪᠴᠥ᠋ ᠶᠢᠨ ᠴᠠᠶᠢᠵᠠ᠂ ᠡᠷᠺᠦ ᠶᠢᠨ ᠴᠠᠶᠢᠵᠠ ᠵᠡᠷᠭᠡ ᠶᠢ ᠪᠠᠶᠢᠭᠤᠯᠤᠨ ᠨᠡᠬᠦᠳᠡᠯ ᠠᠷᠠᠳ ᠤᠳ ᠢ | ᠬᠤᠷᠢᠶᠠᠨ ᠤᠷᠤᠭᠤᠯᠬᠤ ᠶᠢᠨ ᠬᠠᠮᠳᠤ ᠴᠡᠷᠢᠭ ᠢᠶᠠᠷ ᠵᠠᠬᠢᠷᠬᠤ ᠲᠢᠭᠯᠢᠮ ᠪᠠᠶᠢᠭᠤᠯᠬᠤ ᠳᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠥᠴᠢᠭᠡᠳ ᠤᠨ ᠠᠴᠠ | ᠬᠤᠶᠢᠰᠢ ᠤᠳᠠᠭᠠ ᠲᠠᠷᠠᠭᠠ ᠪᠠᠷ ᠤᠷᠤᠰ ᠤᠨ ᠴᠠᠭᠠᠨ ᠬᠠᠭᠠᠨ ᠤ ᠬᠠᠷᠢᠶᠠ ᠳᠤ ᠤᠷᠤᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ︵1727︶ ᠳᠤ ᠬᠠᠭᠠᠡᠳᠤ ᠤᠷᠤᠰ ᠤᠯᠤᠰ ᠪᠤᠯᠤᠨ ᠮᠠᠡᠵᠤ ᠴᠢᠩ ᠤᠯᠤᠰ ᠲᠤᠮᠳᠠ ᠪᠠᠨ ᠬᠢᠯᠢ ᠬᠢᠵᠠᠭᠠᠷ ᠢ | ᠵᠢᠷᠤᠭᠯᠠᠨ ᠲᠤᠭᠳᠠᠭᠠᠬᠤ ᠦᠶᠠ ᠳᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠤᠷᠤᠰᠢᠨ ᠰᠠᠭᠤᠵᠤ ᠪᠥᠬᠦᠢ ᠭᠠᠵᠠᠷ ᠨᠤᠳᠤᠭ ᠤᠳ ᠪᠥᠬᠦᠯᠢ ᠪᠠᠷ ᠢᠶᠠᠨ ᠤᠷᠤᠰ ᠤᠯᠤᠰ ᠤᠨ | ᠬᠠᠷᠢᠶᠠ ᠭᠠᠵᠠᠷ ᠲᠤ ᠬᠤᠪᠢᠶᠠᠭᠳᠠᠨ ᠤᠷᠤᠪᠡ᠃ ᠢᠡᠭᠬᠢᠭᠰᠡᠨ ᠠᠴᠠ ᠪᠤᠷᠢᠶᠠᠳᠴᠤᠳ ᠨᠤᠳᠤᠭ ᠤᠰᠤ᠂ ᠬᠦᠮᠤᠨ ᠠᠷᠠᠳ ᠲᠠᠢ ᠪᠠᠨ ᠤᠷᠤᠰ ᠤᠨ ᠴᠠᠭᠠᠨ ᠬᠠᠭᠠᠨ ᠤ | ᠮᠡᠳᠡᠯ ᠳᠤ ᠤᠷᠤᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠬᠠᠯᠬᠠ ᠤᠷᠤᠨ ᠪᠤᠶᠤ ᠬᠦᠯᠦᠨ ᠪᠤᠶᠢᠷ ᠨᠤᠳᠤᠭ ᠲᠤ ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠨᠢᠭᠡ ᠪᠥᠯᠦᠭ ᠪᠠᠷᠭᠤ ᠪᠤᠷᠢᠶᠠᠳ ᠤᠳ | ᠬᠢᠯᠢ ᠶᠢᠨ ᠡᠮᠤᠨᠠ ᠲᠠᠯᠠ ᠳᠤ ᠦᠯᠡᠳᠡᠭᠭᠰᠡᠨ ᠲᠤᠯᠠ ᠬᠢᠯᠢ ᠶᠢᠨ ᠬᠤᠶᠢᠳᠤ ᠲᠠᠯᠠ ᠳᠤ ᠪᠠᠶᠢᠬᠤ ᠨᠤᠳᠤᠭ ᠤᠷᠤᠨ᠂ ᠠᠬᠠ ᠲᠠᠬᠦᠤ ᠰᠠᠳᠤᠨ ᠢᠶᠠᠨ ᠰᠠᠨᠠᠭᠠᠯᠵᠠᠨ ᠬᠢᠯᠢ | ᠲᠠᠪᠠᠵᠤ ᠭᠠᠷᠬᠤ ᠶᠢ ᠬᠦᠰᠡᠪᠡᠴᠤ ᠠᠷᠭᠠ ᠦᠭᠡᠢ ᠪᠤᠯᠵᠤ᠂ ᠲᠡᠷᠡ ᠭᠠᠵᠠᠷ ᠤᠷᠤᠨ ᠳᠠᠭᠠᠨ ᠨᠤᠳᠤᠭᠰᠢᠨ ᠰᠠᠭᠤᠭᠰᠠᠨ ᠶᠤᠮ ᠭᠡᠳᠡᠭ᠃ ᠬᠠᠷᠢᠨ ᠠᠯᠪᠠᠳᠤ | ᠠᠷᠠᠳ ᠢᠶᠠᠨ ᠲᠠᠭᠠᠭᠤᠯᠤᠨ ᠬᠢᠯᠢ ᠲᠠᠪᠠᠵᠤ ᠭᠠᠷᠬᠤ ᠶᠢ ᠤᠷᠤᠯᠳᠤᠭᠰᠠᠨ ᠭᠠᠯᠵᠤᠳ ᠤᠪᠤᠭ ᠤᠨ ᠰᠢᠯᠳᠡᠢ ︵ᠬᠢᠯᠢᠳᠡᠢ ᠭᠡᠬᠦ ᠴᠤ ᠪᠤᠢ︶ ᠵᠠᠩᠬᠢ ᠭᠡᠮᠡᠬᠦ ᠬᠦᠮᠤᠨ ᠬᠢᠯᠢ | ᠲᠡᠭᠡᠷᠠ ᠪᠠᠷᠢᠭᠳᠠᠵᠤ ᠴᠠᠭᠠᠵᠠ ᠪᠠᠷ ᠰᠢᠳᠭᠡᠭᠳᠡᠵᠤ ᠦᠷᠡᠭᠳᠡᠭᠰᠡᠨ ᠦᠯᠢᠭᠡᠷ ᠤᠳᠤ ᠬᠦᠷᠳᠡᠯᠠ ᠠᠷᠠᠳ ᠤᠯᠠᠨ ᠤ ᠲᠤᠳᠤᠷᠠ ᠲᠡᠤᠭᠡ ᠶᠢᠨ ᠲᠤᠮᠤᠭ ᠶᠠᠷᠢᠶᠠ ᠪᠤᠯᠤᠨ | ᠦᠯᠡᠳᠡᠵᠠᠢ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠠᠩᠬᠠᠨ ᠳᠠᠭᠠᠨ ᠪᠤᠯᠠᠭᠠᠳ᠂ ᠢᠬᠢᠷᠡᠳ᠂ ᠬᠤᠷᠢ ᠲᠦᠮᠡᠳ ᠵᠠᠷᠭᠡ ᠦᠡᠳᠤᠰᠤᠨ ᠭᠡᠳᠤᠨ ᠠᠶᠢᠮᠠᠭ ᠪᠥᠯᠦᠭ ᠪᠠᠶᠢᠵᠤ᠂ ᠪᠤᠯᠠᠭᠠᠳ᠂ | ᠢᠬᠢᠷᠡᠳ ᠵᠡᠷᠭᠡ ᠨᠢ ᠪᠠᠶᠢᠭᠠᠯ ᠨᠠᠭᠤᠷ ᠠᠴᠠ ᠪᠠᠷᠠᠭᠤᠡᠰᠢ ᠪᠤᠶᠤ ᠪᠠᠷᠠᠭᠤᠨ ᠡᠮᠥᠨᠡᠰᠢ ᠭᠠᠵᠠᠷ ᠤᠳ ᠢᠶᠠᠷ ᠪᠠᠶᠢᠭᠰᠠᠨ ᠤᠴᠢᠷ ᠠᠴᠠ ᠪᠠᠷᠠᠭᠤᠨ ᠪᠤᠷᠢᠶᠠᠳ ᠭᠡᠮᠡᠭᠳᠡᠵᠤ᠂ | ᠪᠠᠷᠭᠤ᠂ ᠬᠤᠷᠢ ᠲᠦᠮᠡᠳ ᠨᠢ ᠪᠠᠶᠢᠭᠠᠯ ᠨᠠᠭᠤᠷ ᠠᠴᠠ ᠵᠡᠬᠦᠡᠰᠢ ᠪᠤᠶᠤ ᠵᠡᠬᠦᠨ ᠡᠮᠥᠨᠡᠬᠢ ᠨᠤᠳᠤᠭ ᠤᠳ ᠲᠤ ᠪᠠᠶᠢᠭᠰᠠᠨ ᠢᠶᠠᠷ ᠵᠡᠬᠦᠨ ᠪᠤᠷᠢᠶᠠᠳ ᠭᠡᠮᠡᠭᠳᠡᠵᠤ᠂ | ᠰᠡᠬᠦᠯ ᠳᠤᠨᠢ ᠤᠷᠤᠰᠢᠨ ᠰᠠᠭᠤᠭᠰᠠᠨ ᠨᠤᠳᠤᠭ ᠤᠷᠤᠨ ᠢᠶᠠᠷ ᠨᠢ ᠡᠷᠺᠦ ᠶᠢᠨ ᠪᠤᠷᠢᠶᠠᠳ᠂ ᠪᠤᠤᠬᠠᠨ ᠤ ᠪᠤᠷᠢᠶᠠᠳ᠂ ᠲᠥᠡᠭᠭᠡᠨᠠ ᠶᠢᠨ ᠪᠤᠷᠢᠶᠠᠳ᠂ ᠪᠠᠷᠭᠤᠵᠢᠨ ᠤ | ᠪᠤᠷᠢᠶᠠᠳ᠂ ᠰᠡᠯᠡᠩᠭᠡ ᠶᠢᠨ ᠪᠤᠷᠢᠶᠠᠳ᠂ ᠬᠤᠷᠢ ᠶᠢᠨ ᠪᠤᠷᠢᠶᠠᠳ᠂ ᠠᠭᠠ ᠶᠢᠨ ᠪᠤᠷᠢᠶᠠᠳ ᠭᠡᠮᠡᠨ ᠨᠤᠳᠤᠭ ᠤᠷᠤᠨ ᠤ ᠨᠠᠷᠠ ᠪᠠᠷ ᠨᠡᠷᠡᠶᠢᠳᠬᠦ ᠪᠤᠯᠤᠭᠰᠠᠨ ᠨᠢ ᠪᠠᠷᠤᠭ | ᠯᠡ 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠠ ᠪᠢᠯᠡ᠃ ᠡᠳᠡᠭᠡᠷ ᠪᠥᠬᠦ ᠭᠠᠵᠠᠷ ᠤᠷᠤᠨ ᠨᠤᠭᠤᠳ ᠤᠳᠤ ᠴᠥᠮ ᠤᠷᠤᠰ ᠤᠯᠤᠰ ᠤᠨ ᠬᠠᠷᠢᠶᠠ ᠳᠤ ᠪᠠᠶᠢᠬᠤ ᠪᠥᠭᠡᠳ | ᠪᠠᠷᠭᠤᠵᠢᠨ᠂ ᠲᠥᠡᠭᠭᠡᠨᠠ᠂ ᠰᠡᠯᠡᠩᠭᠡ ᠪᠤᠯᠤᠨ ᠬᠤᠷᠢ ᠶᠢᠨ ᠪᠤᠷᠢᠶᠠᠳ ᠤᠳ ᠨᠢ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠤ ᠪᠤᠷᠢᠶᠠᠳ ᠤᠨ ᠪᠥᠬᠦᠳᠠ ᠨᠠᠶᠢᠷᠠᠮᠳᠠᠬᠤ ᠤᠯᠤᠰ ᠲᠤ | ᠪᠠᠶᠢᠵᠤ᠂ ᠡᠷᠺᠦ ᠶᠢᠨ ᠪᠤᠷᠢᠶᠠᠳ ᠨᠢ ᠮᠦᠨ ᠯᠡ ᠤᠷᠤᠰ ᠤᠨ ᠡᠷᠺᠦ ᠮᠤᠵᠢ ᠶᠢᠨ ᠤᠰᠤᠳᠤ ᠤᠷᠳᠠ ᠶᠢᠨ ᠪᠤᠷᠢᠶᠠᠳ ᠤᠨ ᠦᠡᠳᠤᠰᠤᠳᠡᠨ ᠤ ᠲᠤᠭᠤᠷᠢᠭ ᠲᠤ ᠪᠠᠶᠢᠳᠠᠭ᠃ | ᠠᠭᠠ ᠶᠢᠨ ᠪᠤᠷᠢᠶᠠᠳ ᠨᠢ ᠮᠦᠨ ᠤᠷᠤᠰ ᠤᠨ ᠴᠢᠲ᠋ᠠ ᠮᠤᠵᠢ ᠶᠢᠨ ᠠᠭᠠ ᠶᠢᠨ ᠪᠤᠷᠢᠶᠠᠳ ᠤᠨ ᠦᠡᠳᠤᠰᠤᠳᠡᠨ ᠤ ᠲᠤᠭᠤᠷᠢᠭ ᠪᠤᠯᠤᠨ ᠴᠢᠲ᠋ᠠ ᠮᠤᠵᠢ ᠶᠢᠨ ᠤᠨᠤᠨ | ᠪᠤᠤᠷᠵᠢ ᠤᠯᠪᠢᠶᠠᠨᠠ ᠵᠠᠷᠭᠡ ᠭᠡᠳᠤ ᠭᠡᠳᠤᠨ ᠨᠤᠳᠤᠭ ᠤᠷᠤᠨ ᠢᠶᠠᠷ ᠲᠠᠷᠬᠠᠵᠤ ᠪᠠᠶᠢᠳᠠᠭ᠃ | ᠬᠦᠮᠤᠨ ᠠᠮᠠ ᠶᠢᠨ ᠲᠠᠯᠠ ᠠᠴᠠ ᠦᠵᠡᠬᠦ ᠳᠤ᠂ ᠤᠷᠤᠰ ᠤᠯᠤᠰ ᠤᠨ ᠬᠠᠷᠢᠶᠠ ᠳᠤ ᠪᠠᠶᠢᠬᠤ ᠪᠥᠬᠦ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ 42 ᠲᠦᠮᠡ ᠭᠠᠷᠤᠢ ᠪᠠᠶᠢᠬᠤ | ᠪᠥᠭᠡᠳ ᠮᠤᠩᠭᠤᠯ ᠤᠯᠤᠰ ᠤᠨ ᠭᠡᠨᠳᠡᠢ᠂ ᠲᠤᠷᠤᠨᠠᠳᠤ᠂ ᠰᠡᠯᠡᠩᠭᠡ ᠵᠡᠷᠭᠡ ᠶᠢᠨ ᠠᠶᠢᠮᠠᠭ ᠤᠳ ᠲᠤ 4 ᠲᠦᠮᠡ ᠭᠠᠷᠤᠢ ᠬᠦᠮᠤᠨ ᠪᠠᠶᠢᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ | 1920 ᠤᠨ ᠤ ᠦᠶᠠ ᠪᠠᠷ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠦᠯᠦᠨ ᠪᠤᠶᠢᠷ ᠤᠨ ᠨᠤᠳᠤᠭ ᠲᠠᠭᠠᠨ ᠡᠷᠬᠢᠨ ᠢᠷᠡᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠠᠷᠢᠶᠠᠳᠤ ᠪᠤᠯᠤᠭᠰᠠᠨ | 6000 ᠭᠠᠷᠤᠢ ᠪᠤᠷᠢᠶᠠᠳ ᠤᠳ ᠪᠠᠶᠢᠨᠠ᠃ ᠢᠡᠭᠬᠢᠭᠡᠳ ᠪᠥᠬᠦ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠲᠤᠭᠠ ᠪᠠᠷᠤᠭ 50 ᠰᠢᠬᠠᠮ ᠲᠦᠮᠡᠨ ᠬᠦᠮᠤᠨ ᠠᠮᠠ ᠪᠠᠶᠢᠨᠠ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭ ᠨᠢ ᠮᠦᠨ ᠴᠤ ᠪᠤᠰᠤᠳ ᠤᠯᠠᠨ ᠮᠤᠩᠭᠤᠯᠴᠤᠳ ᠲᠠᠢ ᠠᠳᠠᠯᠢᠬᠠᠨ ᠤᠯᠠᠨ ᠪᠠᠶᠢᠳᠠᠭ᠃ ᠤᠳᠤ ᠶᠢᠨ ᠲᠠᠤᠭᠡᠴᠢᠳ | ᠡᠷᠳᠡᠮᠳᠡᠳ ᠤᠨ ᠨᠤᠳᠠᠯᠠᠭᠰᠠᠨ ᠢᠶᠠᠷ ᠡᠷᠳᠡᠨ ᠤ ᠪᠤᠯᠠᠭᠠᠴᠢᠨ᠂ ᠭᠡᠷᠡᠮᠥᠴᠢᠨ ᠠᠴᠠ ᠦᠡᠳᠥᠰᠥ ᠲᠠᠢ ᠪᠤᠯᠠᠭᠠᠳ ᠤᠨ 7 ᠤᠪᠤᠭ᠂ ᠲᠤᠬᠠᠢᠢᠯᠠᠪᠡᠯ᠄ ᠠᠯᠭᠤᠢ᠂ | ᠬᠤᠷᠤᠮᠴᠢ᠂ ᠠᠰᠢᠪᠠᠭᠠᠳ᠂ ᠢᠡᠭᠬᠦᠳ᠂ ᠬᠦᠯᠢᠮᠢᠳ᠂ ᠬᠦᠰᠥᠯ᠂ ᠪᠥᠤᠪᠡᠢ ᠵᠡᠷᠭᠡ 7 ᠤᠪᠤᠭ ᠲᠠᠢ᠃ ᠮᠦᠨ ᠪᠤᠯᠠᠭᠠᠴᠢᠨ᠂ ᠭᠡᠷᠡᠮᠥᠴᠢᠨ ᠠᠴᠠ ᠦᠡᠳᠥᠰᠥ ᠲᠠᠢ | ᠢᠬᠢᠷᠡᠳ ᠤᠨ 8 ᠤᠪᠤᠭ᠂ ᠲᠤᠬᠠᠢᠢᠯᠠᠪᠡᠯ᠄ ᠠᠪᠵᠠᠢ᠂ ᠴᠢᠨᠤᠰ᠂ ᠴᠢᠨ᠋ᠸᠠ᠂ ᠦᠵᠦᠩ᠂ ᠬᠠᠨᠭ᠍ᠬᠢᠯᠳᠠᠷ᠂ ᠪᠠᠰᠠᠢ᠂ ᠪᠤᠤᠷᠠ᠂ ᠡᠮᠬᠢᠨᠢᠳ᠂ ᠪᠠᠭ᠋ᠠᠵᠠᠢ ᠵᠠᠷᠭᠡ 8 | ᠤᠪᠤᠭᠳᠠᠢ᠃ ᠮᠦᠨ ᠡᠷᠳᠡᠨ ᠤ ᠬᠤᠷᠢ ᠲᠦᠮᠡᠳ ᠠᠴᠠ ᠡᠬᠦᠰᠥᠯ ᠲᠠᠢ ᠬᠤᠷᠢ ᠶᠢᠨ 11 ᠤᠪᠤᠭ ᠪᠠᠶᠢᠵᠤ᠂ ᠡᠳᠡᠭᠡᠷ ᠨᠢ ᠭᠠᠯᠵᠤᠳ᠂ ᠬᠤᠸᠠᠰᠠᠢ᠂ ᠬᠦᠪᠳᠡᠬᠦᠳ᠂ | ᠱᠠᠷᠠᠶᠢᠳ᠂ ᠭᠤᠴᠢᠳ᠂ ᠬᠠᠷᠠᠭᠠᠨᠠ᠂ ᠬᠤᠳᠠᠢ᠂ ᠪᠤᠳᠤᠩᠭᠤᠳ᠂ ᠪᠠᠳᠤᠨᠠᠢ᠂ ᠴᠠᠭᠠᠡᠭᠭᠤᠳ᠂ ᠬᠠᠯᠪᠢᠨ ᠵᠡᠷᠭᠡ ᠶᠢᠨ 11 ᠤᠪᠤᠭ ᠪᠢᠯᠡ᠃ | 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠦᠶᠠ ᠳᠤ ᠬᠠᠯᠬᠠ ᠮᠤᠩᠭᠤᠯ ᠪᠤᠯᠤᠨ ᠤᠢᠢᠷᠠᠳ ᠮᠤᠩᠭᠤᠯ ᠤᠨ ᠬᠤᠭᠤᠷᠤᠡᠳᠤ ᠬᠢᠮᠤᠷᠠᠯᠳᠤᠭᠠᠨ ᠲᠠᠶᠢᠨ ᠪᠤᠯᠵᠤ᠂ ᠲᠠᠷᠡ ᠬᠦ | ᠲᠠᠶᠢᠨ ᠤ ᠬᠦᠯ ᠠᠴᠠ ᠵᠠᠶᠢᠯᠠᠵᠤ ᠨᠠᠯᠢᠶᠡᠳ ᠲᠤᠭᠠᠨ ᠤ ᠬᠠᠯᠬᠠ ᠪᠤᠯᠤᠨ ᠤᠢᠢᠷᠠᠳ ᠤᠨ ᠠᠷᠠᠳ ᠤᠳ ᠪᠤᠷᠢᠶᠠᠳ ᠤᠨ ᠨᠤᠳᠤᠭ ᠤᠷᠤᠭᠤ ᠤᠷᠤᠵᠤ᠂ ᠬᠠᠭᠤᠴᠢᠨ ᠤ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠲᠠᠢ ᠨᠠᠶᠢᠯᠡᠵᠤ ᠰᠠᠭᠤᠭᠰᠠᠨ ᠢᠶᠠᠷ ᠰᠡᠯᠡᠩᠭᠡ ᠶᠢᠨ ᠪᠤᠷᠢᠶᠠᠳ ᠭᠡᠮᠡᠭᠳᠡᠵᠤ᠂ ᠡᠳᠡ ᠨᠠᠷ ᠨᠢ ᠬᠠᠯᠬᠠ ᠤᠢᠢᠷᠠᠳ ᠤᠨ ᠭᠠᠷᠤᠯᠳᠠᠢ 18 | ᠤᠪᠤᠭ ᠤᠨ ᠴᠤᠩᠭᠤᠤᠯ ᠤᠳ ᠠᠵᠢ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠷᠠ ᠬᠠᠯᠬᠠ ᠮᠤᠩᠭᠤᠯ ᠪᠤᠯᠤᠨ ᠦᠪᠤᠷ ᠮᠤᠩᠭᠤᠯ᠂ ᠬᠠᠮᠨᠢᠭᠠᠨ | ︵ᠲᠦᠡᠭᠬᠦᠰ︶ ᠤᠪᠤᠭ ᠤᠳ ᠮᠠᠰᠢ ᠤᠯᠠᠨ ᠪᠠᠶᠢᠬᠤ ᠠᠴᠠ ᠦᠵᠡᠬᠦ ᠳᠤ ᠤᠯᠠᠨ ᠭᠠᠵᠠᠷ ᠤᠨ ᠮᠤᠩᠭᠤᠯᠴᠤᠳ᠂ ᠪᠠᠷᠭᠤ ᠪᠤᠷᠢᠶᠠᠳ ᠤᠳ ᠪᠤᠯᠤᠨ ᠬᠠᠮᠨᠢᠭᠠᠨ ᠴᠦᠮ | ᠨᠡᠬᠦᠳᠡᠯᠴᠢᠨ ᠤᠭᠰᠠᠭᠠᠳᠠᠨ ᠪᠠᠶᠢᠭᠰᠠᠨ ᠤᠴᠢᠷ ᠠᠴᠠ ᠤᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ ᠳᠤ ᠬᠠᠷᠢᠯᠴᠠᠨ ᠨᠠᠶᠢᠯᠡᠵᠤ ᠰᠠᠯᠵᠤ ᠬᠤᠳᠬᠤᠯᠳᠤᠵᠤ ᠪᠠᠶᠢᠭᠰᠠᠨ ᠭᠡᠳᠡᠭ ᠢ | ᠲᠤᠳᠤᠷᠬᠠᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠶᠤᠮ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠤᠷᠤᠨ ᠨᠤᠳᠤᠭ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠠᠮᠢᠶᠠᠷᠤᠯᠳᠠ ᠨᠢ ᠠᠶᠢᠮᠠᠭ ᠤᠭᠰᠠᠭᠠ ᠶᠢᠨ ᠲᠤᠳᠤᠷᠠ ᠤᠪᠤᠭ ᠲᠥᠷᠤᠯ ᠤᠨ | ᠭᠡᠯᠪᠡᠷᠢ ᠪᠠᠷ ᠪᠠᠷᠤᠭ ᠯᠡ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠬᠦᠷᠳᠡᠯᠠ ᠶᠠᠪᠤᠭᠳᠠᠵᠤ ᠢᠷᠡᠭᠰᠡᠨ ᠶᠤᠮ᠃ ᠲᠤᠬᠠᠢᠢᠯᠠᠪᠡᠯ᠄ ᠤᠳᠤᠭ ︵ᠤᠪᠤᠭ ᠢ ᠪᠤᠷᠢᠶᠠᠳ ᠤᠳ | ᠤᠳᠤᠭ ᠭᠡᠵᠤ ᠨᠠᠷᠡᠯᠡᠳᠡᠭ︶ ᠪᠥᠷᠢ ᠳᠤ ᠵᠠᠶᠢᠰᠠᠩ ᠭᠡᠮᠡᠬᠦ ᠠᠬᠠᠯᠠᠬᠤ ᠨᠤᠶᠠᠨ ᠲᠠᠢ᠂ ᠲᠠᠬᠦᠨ ᠤ ᠲᠤᠤᠷᠠ ᠭᠡᠳᠤᠨ ᠬᠤᠳᠠ ᠠᠶᠢᠯ ᠢ ᠲᠠᠭᠠᠭᠠᠭᠰᠠᠨ ᠵᠠᠰᠠᠭᠤᠯ ᠭᠡᠮᠡᠬᠦ | ᠲᠤᠰᠢᠶᠠᠯᠳᠠᠨ ᠲᠠᠢ᠂ ᠮᠦᠨ ᠵᠠᠶᠢᠰᠠᠩ ᠨᠤᠶᠠᠨ ᠤ ᠲᠤᠰᠠᠯᠠᠭᠴᠢ ᠱᠥᠯᠡᠩᠭᠡ ᠭᠡᠮᠡᠬᠦ ᠲᠤᠰᠢᠶᠠᠯᠳᠠᠨ ᠨᠤᠭᠤᠳ ᠲᠠᠢ ᠪᠠᠶᠢᠵᠤ ᠤᠯᠠᠨ ᠤᠳᠤᠭ ︵ᠤᠪᠤᠭ︶ ᠤᠳ ᠢ | ᠶᠠᠷᠥᠩᠭᠡᠶᠢᠯᠡᠨ ᠬᠠᠮᠢᠶᠠᠷᠬᠤ ᠠᠬᠠᠯᠠᠭᠴᠢ ᠵᠠᠶᠢᠰᠠᠩ ᠤᠨ ᠤᠷᠤᠨ ᠳᠤ ᠲᠠᠶᠢᠱᠠ ᠭᠡᠮᠡᠬᠦ ᠨᠤᠶᠠᠨ ᠤ ᠵᠡᠷᠭᠡ ᠭᠠᠷᠴᠤ᠂ ᠲᠤᠤᠷᠠ ᠪᠠᠨ ᠭᠡᠳᠤ ᠭᠡᠳᠤᠨ ᠤᠷᠤᠯᠠᠭᠴᠢ ᠲᠠᠢ | ᠪᠠᠶᠢᠵᠤ ᠪᠥᠬᠦ ᠤᠳᠤᠭ ᠤᠳ ᠢ ᠶᠠᠷᠥᠩᠭᠡᠶᠢᠯᠡᠨ ᠵᠠᠬᠢᠷᠴᠤ ᠪᠠᠶᠢᠪᠡ᠃ | 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ᠠᠴᠠ ᠬᠠᠭᠠᠡᠳᠤ ᠤᠷᠤᠰ ᠤᠯᠤᠰ ᠨᠢ᠂ ᠪᠥᠬᠦ ᠪᠤᠷᠢᠶᠠᠳ ᠤᠷᠤᠨ ᠳᠤ ︽ᠲᠠᠯᠠ ᠨᠤᠳᠤᠭ ᠤᠨ ᠳ᠋ᠥᠮᠠ︾ ᠭᠡᠮᠡᠬᠦ | ᠭᠠᠵᠠᠷ ᠤᠷᠤᠨ ᠤ ᠵᠠᠬᠢᠷᠭᠠ ᠪᠤᠯᠬᠤ ᠪᠠᠶᠢᠭᠤᠯᠤᠮᠵᠢ ᠶᠢ ᠤᠷᠢᠳ ᠬᠤᠵᠢᠳ 12 ᠢ ᠪᠠᠶᠢᠭᠤᠯᠵᠤ᠂ ᠲᠥᠡᠭᠭᠡᠨᠠ᠂ ᠬᠤᠳᠤ ᠪᠤᠤᠬᠠᠨ᠂ ᠪᠧᠷᠬᠤᠯᠧᠨ᠂ ᠢᠳᠡᠡᠴᠡ ᠵᠡᠷᠭᠡ | ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠳ᠋ᠥᠮᠠ ᠨᠦᠭᠦᠳ ᠢ ᠡᠷᠺᠦ ᠮᠤᠵᠢ ᠶᠢᠨ ᠵᠠᠬᠢᠷᠭᠠᠨ ᠳᠤ ᠵᠡᠬᠢᠷᠤᠭᠤᠯᠤᠨ ᠰᠡᠯᠡᠩᠭᠡ᠂ ᠬᠤᠷᠢ᠂ ᠬᠤᠳᠠᠷᠢ᠂ ᠪᠠᠷᠭᠤᠵᠢᠨ᠂ ᠵᠠᠺᠠᠮᠧᠨ᠂ ᠠᠭᠠ ᠵᠡᠷᠭᠡ | ᠵᠡᠬᠦᠨ ᠭᠡᠰᠡᠭ ᠤᠨ ᠳ᠋ᠥᠮᠠ ᠨᠦᠭᠦᠳ ᠢ ᠨᠢᠪᠴᠥ᠋ ᠶᠢᠨ ᠵᠠᠬᠢᠷᠭᠠᠨ ᠳᠤ ᠬᠠᠮᠢᠶᠠᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠲᠥᠴᠢᠭᠡᠳ ᠤᠨ ᠤ ᠡᠬᠢᠨ ᠳᠤ | ᠪᠤᠷᠢᠶᠠᠳᠴᠤᠳ ᠤᠨ ᠬᠠᠮᠤᠭ ᠤᠨ ᠵᠡᠬᠦᠨ ᠲᠠᠯᠠ ᠶᠢᠨ ᠨᠤᠳᠤᠭ ᠤᠨ ᠵᠠᠬᠢᠷᠭᠠ ᠪᠤᠯᠬᠤ ᠠᠭᠠ ᠶᠢᠨ ᠳ᠋ᠦ᠋ᠮᠠ ᠶᠢ ᠪᠠᠶᠢᠭᠤᠯᠵᠤ᠂ ᠬᠤᠷᠢ ᠶᠢᠨ ᠳ᠋ᠥᠮᠠ ᠶᠢᠨ ᠵᠠᠬᠢᠷᠭᠠᠨ ᠳᠤ | ᠪᠠᠶᠢᠭᠰᠠᠨ ᠠᠭᠠ ᠶᠢᠨ ᠪᠤᠷᠢᠶᠠᠳ ᠤᠨ ᠨᠢᠭᠡ ᠭᠡᠰᠡᠭ ᠢ ᠬᠤᠷᠢ ᠶᠢᠨ ᠳ᠋ᠥᠮᠠ ᠠᠴᠠ ᠰᠠᠯᠭᠠᠵᠤ ᠠᠭᠠ ᠶᠢᠨ ᠳ᠋ᠥᠮᠠ ᠶᠢᠨ ᠵᠠᠬᠢᠷᠭᠠᠨ ᠳᠤ ᠤᠷᠤᠭᠤᠯᠵᠤ ᠪᠥᠬᠦᠳᠡ | ᠠᠮᠤᠷᠵᠢᠨ ᠰᠠᠭᠤᠭᠰᠠᠨ ᠶᠤᠮ᠃ | 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠ ᠦᠶᠠ ᠳᠤ ᠬᠤᠷᠢ ᠶᠢᠨ ᠪᠤᠷᠢᠶᠠᠳ ᠤᠨ ᠬᠦᠮᠤᠨ ᠠᠮᠠ ᠨᠢ 25000 ᠳ᠋ᠥᠰᠢ ︵18 ᠨᠠᠰᠤᠨ ᠠᠴᠠ 50 ᠨᠠᠰᠤ ᠬᠦᠷᠳᠡᠯᠡᠬᠢ | ᠡᠷᠡᠭᠳᠡᠢ ᠬᠦᠮᠤᠨ︶ ᠪᠠᠶᠢᠵᠤ᠂ ᠪᠥᠬᠦ ᠬᠥᠮᠤᠨ ᠠᠮᠠ ᠨᠢ ᠪᠠᠷᠤᠭ 10 ᠲᠦᠮᠡ ᠰᠢᠬᠠᠮ ᠪᠠᠶᠢᠭᠰᠠᠨ ᠠᠴᠠ ᠰᠡᠬᠦᠯᠡᠷ ᠨᠢ ᠠᠭᠠ ᠶᠢᠨ ᠳ᠋ᠥᠮᠠ ᠶᠢᠨ ᠮᠠᠳᠠᠯ ᠳᠤ | ᠤᠷᠤᠭᠰᠠᠨ ᠨᠢ 8000 ᠳ᠋ᠥᠰᠢ᠃ ᠪᠠᠷᠤᠭ 3 ᠲᠦᠮᠡ ᠰᠢᠬᠠᠮ ᠬᠦᠮᠤᠨ ᠠᠮᠠ ᠪᠠᠶᠢᠪᠡ᠃ ᠡᠨᠡ ᠬᠦ ᠠᠭᠠ ᠶᠢᠨ ᠪᠤᠷᠢᠶᠠᠳ ᠤᠨ ᠬᠤᠷᠢ ᠶᠢᠨ ᠪᠤᠷᠢᠶᠠᠳ ᠠᠴᠠ | ᠰᠠᠯᠤᠭᠰᠠᠨ ᠤᠴᠢᠷ ᠭᠡᠪᠡᠯ᠄ 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ᠳᠤ ᠬᠠᠭᠠᠡᠳᠤ ᠤᠷᠤᠰ ᠤᠯᠤᠰ ᠪᠤᠯᠤᠨ ᠮᠠᠡᠵᠤ ᠴᠢᠩ ᠤᠯᠤᠰ ᠤᠨ ᠬᠢᠯᠢ ᠲᠤᠭᠳᠠᠭᠠᠬᠤ | ᠦᠶᠠ ᠠᠴᠠ ᠬᠤᠶᠢᠰᠢ ᠨᠢᠭᠡ ᠪᠥᠯᠦᠭ ᠪᠤᠷᠢᠶᠠᠳ ᠤᠳ ᠠᠯᠬᠤᠨᠠ᠂ ᠠᠭᠠ᠂ ᠤᠨᠤᠨ᠂ ᠪᠤᠤᠷᠵᠢ᠂ ᠦᠯᠢᠷᠡᠩᠭᠡ ᠬᠦᠷᠳᠡᠯᠠ ᠨᠤᠳᠤᠭᠯᠠᠨ ᠰᠠᠭᠤᠷᠢᠰᠢᠬᠤ ᠪᠤᠯᠵᠤ᠂ | ᠲᠡᠷᠡ ᠭᠠᠵᠠᠷ ᠤᠳ ᠲᠤ ᠤᠤᠯ ᠤᠨ ᠪᠠᠶᠢᠭᠰᠠᠨ ᠪᠤᠷᠢᠶᠠᠳ ᠤᠳ ︵ᠪᠠᠯᠵᠢᠨ ᠬᠠᠳᠤᠨ ᠤ ᠢᠡᠵᠢ ᠢᠷᠭᠡᠳ︶ ᠤᠨ ᠦᠯᠡᠳᠡᠪᠤᠷᠢ ᠪᠡ ᠬᠠᠮᠨᠢᠭᠠᠨ ᠲᠠᠷᠡᠴᠢᠯᠡᠨ ᠬᠠᠯᠬᠠ | ᠮᠤᠩᠭᠤᠯ ᠤᠨ 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠠᠷ ᠨᠡᠬᠦᠵᠤ ᠭᠠᠷᠤᠭᠰᠠᠨ ᠮᠤᠩᠭᠤᠯ ᠤᠳᠤᠮ ᠤᠨ ᠬᠠᠮᠨᠢᠭᠠᠳ ᠲᠠᠢ ᠨᠠᠶᠢᠯᠡᠨ ᠰᠠᠭᠤᠬᠤ ᠪᠤᠯᠵᠤ᠂ ᠡᠨᠡ ᠨᠢ ᠠᠭᠠ | 8 ᠤᠪᠤᠭ ᠤᠨ ᠪᠤᠷᠢᠶᠠᠳ ᠭᠡᠮᠡᠭᠳᠡᠵᠤ᠂ ᠬᠤᠷᠢ ᠨᠤᠳᠤᠭ ᠠᠴᠠ ᠲᠡᠩᠳᠡᠬᠦᠤ ᠬᠤᠯᠠ ᠠᠯᠤᠰᠯᠠᠵᠤ ᠪᠠᠶᠢᠬᠰᠠᠨ ᠠᠴᠠ ᠬᠠᠮᠢᠶᠠᠷᠤᠨ ᠵᠠᠬᠢᠷᠬᠤ ᠳᠤ ᠮᠠᠰᠢ ᠲᠥᠬᠦᠮ ᠦᠭᠡᠢ | ᠲᠤᠯᠠ ᠲᠤᠰᠬᠠᠢᠢᠯᠠᠨ ᠠᠭᠠ ᠨᠤᠳᠤᠭ ᠲᠤ ᠳ᠋ᠥᠮᠠ ᠪᠠᠶᠢᠭᠤᠯᠤᠨ ᠵᠠᠬᠢᠷᠤᠭᠰᠠᠨ ᠠᠵᠢ᠃ ᠠᠭᠠ ᠨᠤᠳᠤᠭ ᠲᠤ ᠲᠠᠰᠤᠷᠠᠵᠤ ᠢᠷᠡᠭᠰᠡᠨ ᠭᠤᠴᠢᠳ᠂ ᠬᠤᠳᠠᠢ᠂ ᠪᠠᠳᠤᠨᠠᠢ | 3 ᠤᠪᠤᠭ ᠠᠴᠠ ᠪᠤᠰᠤ ᠨᠦᠬᠦᠭᠡ 8 ᠤᠪᠤᠭ ᠤᠳ ᠤᠨ ᠤᠯᠠᠩᠬᠢ ᠨᠢ ᠬᠤᠷᠢ ᠨᠤᠳᠤᠭ ᠲᠠᠭᠠᠨ ᠦᠯᠡᠳᠡᠵᠤ᠂ ᠴᠥᠭᠡᠨ ᠭᠡᠰᠡᠭ ᠨᠢ ᠠᠭᠠ ᠨᠤᠳᠤᠭ ᠲᠤ ᠢᠷᠡᠵᠤ | ᠦᠨᠢᠷᠵᠢᠭᠰᠡᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠤᠯ ᠠᠴᠠ ᠠᠡᠭ ᠬᠦᠷᠥᠭᠡ᠂ ᠵᠢᠭᠠᠰᠤᠨ ᠤ ᠠᠵᠢᠯ ᠵᠡᠷᠭᠡ ᠶᠢ ᠡᠷᠬᠢᠯᠡᠨ ᠰᠡᠬᠦᠯ ᠳᠤᠨᠢ ᠮᠠᠯ ᠲᠠᠵᠢᠭᠡᠵᠤ ᠮᠠᠯᠵᠢᠬᠤ ᠪᠤᠯᠤᠭᠰᠠᠨ | ᠪᠥᠭᠡᠳ 18 ᠳ᠋ᠤᠭᠠᠷ ᠵᠠᠭᠤᠨ ᠠᠴᠠ ᠤᠷᠤᠰ ᠤᠳ ᠤᠨ ᠨᠦᠯᠦᠭᠡ ᠪᠠᠷ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠡᠬᠢᠯᠡᠨ ᠪᠠᠶᠢᠰᠢᠩ ︵ᠮᠤᠳᠤᠨ ᠪᠠᠶᠢᠰᠢᠩ︶ ᠪᠠᠷᠢᠵᠤ ᠰᠠᠭᠤᠷᠢᠰᠢᠬᠤ᠂ | ᠮᠦᠨ ᠤᠷᠤᠰ ᠤᠳ ᠭᠠᠵᠠᠷ ᠨᠤᠳᠤᠭ ᠤᠨ ᠰᠠᠶᠢᠬᠠᠨ᠂ ᠮᠠᠯ ᠤᠨ ᠪᠠᠯᠴᠢᠭᠡᠷ ᠢ ᠨᠢ ᠬᠠᠭᠠᠯᠪᠤᠷᠢᠯᠠᠨ ᠲᠠᠷᠢᠶᠠ ᠲᠠᠷᠢᠭᠰᠠᠨ ᠠᠴᠠ ᠠᠷᠭᠠ ᠪᠤᠰᠤ ᠲᠠᠷᠢᠶᠠᠨ ᠠᠵᠢᠯ ᠡᠷᠬᠢᠯᠡᠨ | ᠮᠠᠯ ᠲᠠᠷᠢᠶᠠ ᠶᠢ ᠬᠤᠤᠰᠯᠠᠭᠤᠯᠬᠤ ᠪᠤᠯᠵᠤ ᠢᠷᠡᠭᠰᠡᠨ ᠪᠡ ᠰᠡᠯᠡᠩᠭᠡ᠂ ᠬᠤᠷᠢ ᠶᠢᠨ ᠪᠤᠷᠢᠶᠠᠳ ᠤᠳ ᠨᠢ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠲᠤᠮᠳᠠ ᠦᠶᠠ ᠠᠴᠠ ᠬᠤᠶᠢᠰᠢ | ᠰᠠᠭᠤᠷᠢᠰᠢᠬᠤ ᠪᠤᠯᠤᠭᠰᠠᠨ᠂ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠠ ᠳᠤ ᠡᠪᠡᠰᠤ ᠪᠠᠯᠴᠢᠭᠡᠷ ᠤᠨ ᠦᠡᠭ ᠰᠢᠮᠡᠯᠢᠭ ᠢ ᠰᠤᠩᠭᠤᠨ ᠨᠡᠬᠦᠨ ᠠᠮᠢᠳᠤᠷᠠᠳᠠᠭ | ᠤᠳᠤᠮ ᠢᠶᠠᠷ ᠢᠶᠠᠨ ᠤᠯᠠᠮ ᠴᠤ ᠬᠤᠯᠠ ᠨᠡᠬᠦᠵᠤ ᠤᠳᠤᠷᠯᠠᠬᠤ ᠶᠢᠨ ᠬᠠᠮᠳᠤ ᠰᠠᠭᠤᠷᠢᠨ ᠪᠠᠶᠢᠭᠤᠯᠵᠤ᠂ ᠡᠪᠡᠰᠤ ᠬᠠᠳᠤᠯᠠᠩ ᠡᠷᠬᠢᠯᠡᠨ ᠤᠳᠤᠷ ᠰᠠᠭᠤᠷᠢᠨ ᠢ | ᠤᠶᠠᠯᠳᠤᠭᠤᠯᠬᠤ ᠪᠤᠯᠪᠡ᠃ ᠮᠠᠯ ᠴᠥᠭᠡᠨ ᠶᠠᠳᠠᠭᠤ ᠪᠤᠶᠤ ᠶᠠᠳᠠᠭᠤᠪᠳᠤᠷ ᠨᠠᠯᠢᠶᠡᠳ ᠤᠯᠠᠨ ᠬᠦᠮᠤᠰ ᠨᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠤᠷᠤᠰ ᠤᠳ ᠤᠨ ᠮᠠᠯ ᠢ ᠲᠠᠭᠠᠭᠠᠴᠢᠯᠡᠨ | ᠬᠠᠷᠠᠵᠤ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠶᠢᠨ ᠬᠠᠮᠳᠤ ᠮᠦᠨ ᠲᠠᠳᠡᠨ ᠤ ᠮᠠᠯ ᠲᠠᠵᠢᠭᠡᠪᠤᠷᠢ ᠶᠢᠨ ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠠᠵᠢᠯ ᠢ ᠬᠢᠬᠦ᠂ ᠡᠪᠡᠰᠤ ᠬᠠᠳᠤᠯᠠᠩ᠂ ᠭᠠᠵᠠᠷ | ᠲᠠᠷᠢᠶᠠ ᠪᠤᠯᠤᠨ ᠤᠢ ᠮᠤᠳᠤᠨ ᠤ ᠠᠵᠢᠯ ᠢ ᠬᠦᠷᠳᠡᠯᠠ ᠬᠢᠭᠰᠡᠨ ᠠᠴᠠ ᠲᠡᠷᠡ ᠴᠠᠭ ᠦᠶᠠ ᠶᠢᠨ ᠤᠷᠤᠰ ᠤᠳ ᠤᠨ ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠠᠷᠭᠠ | ᠮᠠᠷᠭᠡᠵᠢᠯ ᠢ ᠨᠠᠯᠢᠶᠡᠳ ᠡᠵᠡᠮᠰᠢᠨ᠂ ᠡᠪᠡᠰᠤ ᠬᠠᠳᠤᠯᠠᠩ ᠤᠨ ᠠᠵᠢᠯ ᠢ ᠶᠡᠭᠡ ᠪᠠᠷ ᠡᠷᠬᠢᠯᠡᠬᠦ᠂ ᠲᠠᠷᠢᠶᠠ ᠲᠦᠮᠥᠰᠤ ᠲᠠᠷᠢᠬᠤ ᠪᠤᠯᠤᠨ ᠮᠠᠯ ᠤᠨ ᠡᠬᠦᠯᠳᠡᠷ ᠤᠭᠰᠠᠭᠠ ᠶᠢ | ᠰᠠᠶᠢᠵᠢᠷᠠᠭᠤᠯᠬᠤ᠂ ᠬᠢᠵᠢᠭ ᠭᠡᠮ ᠢ ᠰᠡᠷᠭᠡᠶᠢᠯᠡᠬᠦ᠂ ᠲᠠᠷᠭᠡ ᠤᠨᠤᠯᠭᠠ ᠶᠢᠨ ᠲᠡᠭᠡᠭᠡᠪᠤᠷᠢ ᠬᠢᠬᠦ ᠮᠠᠷᠭᠡᠵᠢᠯ ᠴᠢᠳᠠᠪᠤᠷᠢ ᠨᠤᠭᠤᠳ ᠢ ᠰᠤᠷᠴᠤ ᠭᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ | ᠪᠠᠶᠢᠨᠠ᠃ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠪᠤᠯᠬᠤ ᠳᠤ ᠤᠷᠤᠰ ᠮᠠᠶ᠋ᠢᠭ ᠤᠨ ᠮᠤᠳᠤᠨ ᠪᠠᠶᠢᠰᠢᠩ ᠭᠡᠷ ᠪᠠᠷᠢᠵᠤ ᠰᠠᠭᠤᠬᠤ ᠪᠡ ᠡᠪᠡᠰᠤ ᠬᠠᠳᠤᠬᠤ ᠪᠠᠷ ᠮᠤᠷᠢᠨ | ᠬᠦᠴᠥᠨ ᠤ ᠪᠤᠷᠳᠤᠭᠠᠨ ᠮᠠᠰᠢᠨ ᠭᠡᠷᠡᠭᠯᠡᠬᠦ᠂ ᠰᠥ᠋ ᠶᠢᠨ ᠲᠤᠰᠤ ᠢᠯᠭᠠᠬᠤ ᠭᠠᠷ ᠮᠠᠰᠢᠨ᠂ ᠤᠶᠤᠳᠠᠯ ᠤᠨ ᠭᠠᠷ ᠮᠠᠰᠢᠨ ᠵᠡᠷᠭᠡ ᠶᠢ ᠡᠵᠡᠮᠰᠢᠨ ᠭᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ | ᠪᠠᠶᠢᠨᠠ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠡᠷᠳᠡ ᠲᠡᠭᠡᠳᠤ ᠦᠶᠠ ᠠᠴᠠ ᠬᠤᠶᠢᠰᠢ ᠪᠥᠭᠡ ᠶᠢᠨ ᠮᠦᠷᠬᠦᠯ ︵ᠱᠠᠰᠢᠨ︶ ᠲᠠᠢ ᠪᠠᠶᠢᠪᠡ᠂ ᠭᠡᠪᠡᠴᠤ ᠰᠢᠷᠠ ᠶᠢᠨ ᠱᠠᠰᠢᠨ ︵ | ᠪᠤᠳ᠋ᠳ᠋ᠾᠠ︶ ᠮᠤᠩᠭᠤᠯ ᠭᠠᠵᠠᠷ ᠲᠤ ᠲᠡᠯᠭᠡᠷᠡᠬᠦ ᠶᠢ ᠲᠠᠭᠠᠯᠳᠤᠨ ᠰᠡᠯᠡᠩᠭᠡ᠂ ᠬᠤᠷᠢ᠂ ᠠᠭᠠ ᠵᠡᠷᠭᠡ ᠶᠢᠨ ᠪᠤᠷᠢᠶᠠᠳ ᠤᠷᠤᠨ ᠨᠤᠭᠤᠳ ᠲᠤ ᠴᠤ ᠲᠠᠯᠭᠡᠷᠡᠨ᠂ 18 | ᠳ᠋ᠤᠭᠠᠷ ᠵᠠᠭᠤᠨ ᠪᠡ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠬᠤᠭᠤᠴᠠᠭᠠᠨ ᠳᠤ ᠮᠠᠰᠢ ᠶᠡᠭᠡ ᠲᠠᠯᠭᠡᠷᠡᠪᠡ᠃ ᠠᠩᠬᠠ 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠳᠤ ᠲᠥᠪᠡᠳ ᠪᠤᠯᠤᠨ ᠮᠤᠩᠭᠤᠯ | ᠭᠠᠵᠠᠷ ᠤᠨ ᠯᠠᠮᠠ ᠨᠠᠷ ᠰᠡᠯᠡᠩᠭᠡ ᠪᠤᠯᠤᠨ ᠬᠤᠷᠢ ᠶᠢᠨ ᠪᠤᠷᠢᠶᠠᠳ ᠤᠳ ᠤᠨ ᠲᠤᠳᠤᠷᠠ ᠱᠠᠰᠢᠨ ᠤ ᠬᠦᠳᠡᠯᠭᠡᠭᠡᠨ ᠦᠷᠨᠢᠬᠦᠯᠵᠤ ᠡᠬᠢᠯᠡᠭᠰᠡᠨ ᠪᠥᠭᠡᠳ ᠨᠠᠯᠢᠶᠡᠳ ᠤᠯᠠᠨ | ᠭᠠᠵᠠᠷ ᠲᠤ ᠢᠰᠡᠭᠡᠢ ᠭᠡᠷ ᠢᠶᠠᠷ ᠲᠤᠭᠠᠡᠭ ᠬᠢᠵᠤ ᠬᠤᠷᠠᠯ ᠮᠦᠷᠬᠦᠯ ᠭᠢᠳᠡᠭ ᠪᠠᠶᠢᠭᠰᠠᠨ ᠢᠶᠠᠨ ᠤᠳᠠᠯ ᠦᠭᠡᠢ ᠮᠤᠳᠤ ᠪᠠᠷ ᠳ᠋ᠠᠴᠠᠩ ᠰᠦᠮᠠ ᠪᠠᠷᠢᠵᠤ ᠡᠬᠢᠯᠡᠪᠡ᠃ 18 | ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠪᠠᠷ ᠠᠩᠬᠠᠨ ᠤ ᠮᠤᠳᠤᠨ ᠳ᠋ᠠᠴᠠᠩ ᠢ ᠰᠡᠯᠡᠩᠭᠡ ᠶᠢᠨ ᠴᠤᠩᠭᠤᠤᠯ ᠨᠤᠳᠤᠭ ᠲᠤ ᠪᠠᠶᠢᠭᠤᠯᠵᠤ᠂ ᠲᠠᠬᠦᠨ ᠠᠴᠠ ᠬᠤᠶᠢᠰᠢ ᠵᠡᠬᠦᠨ | ᠪᠤᠷᠢᠶᠠᠳ ᠤᠨ ᠭᠠᠵᠠᠷ ᠪᠥᠬᠦᠨ ᠳᠤ ᠰᠥᠮᠠ ᠭᠡᠶᠢᠳ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠯᠠᠮᠠ ᠨᠠᠷ ᠤᠯᠠᠨ ᠪᠤᠯᠵᠤ ᠰᠢᠷᠠ ᠶᠢᠨ ᠱᠠᠰᠢᠨ ᠶᠡᠭᠡ ᠪᠠᠷ ᠲᠠᠯᠭᠡᠷᠡᠪᠡ᠃ 19 ᠳ᠋ᠤᠭᠡᠷ | ᠵᠠᠭᠤᠨ ᠳᠤ ᠤᠯᠠᠮ ᠲᠥᠷᠭᠡᠳᠤᠨ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠪᠤᠯᠬᠤ ᠳᠤ ᠪᠥᠬᠦ ᠪᠤᠷᠢᠶᠠᠳ ᠨᠤᠳᠤᠭ ᠤᠳ ᠲᠤ ᠨᠠᠶᠢᠳᠠ 30 ᠭᠠᠷᠤᠢ ᠰᠥᠮᠠ ᠭᠡᠶᠢᠳ ᠲᠠᠢ᠂ | ᠭᠡᠳᠤᠨ ᠮᠢᠩᠭᠠᠨ ᠯᠠᠮᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠪᠡ᠃ ᠠᠭᠠ ᠨᠤᠳᠤᠭ ᠲᠤ 1816 ᠤᠨ ᠳᠤ ᠠᠭᠠ ᠶᠢᠨ ᠳ᠋ᠠᠴᠠᠩ ᠭᠡᠵᠤ ᠰᠦᠮᠠ ᠪᠠᠶᠢᠭᠤᠯᠤᠨ᠂ 1834 ᠤᠨ ᠳᠤ | ᠴᠦᠭᠡᠯ ᠭᠡᠮᠡᠬᠦ ᠳ᠋ᠠᠴᠠᠩ ᠪᠠᠶᠢᠭᠤᠯᠤᠨ ᠡᠨᠡ ᠬᠤᠶᠠᠷ ᠰᠦᠮᠠ ᠶᠢᠨ ᠯᠠᠮᠠ ᠨᠠᠷ 1000 ᠭᠠᠷᠤᠢ ᠪᠤᠯᠤᠭᠰᠠᠨ ᠪᠠᠶᠢᠪᠡ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠠᠭᠠ ᠨᠤᠳᠤᠭ ᠲᠤ | ᠵᠤᠭᠠᠯᠠᠢ᠂ ᠬᠦᠨᠡᠢ ᠭᠡᠬᠦ ᠮᠡᠳᠤ ᠶᠢᠨ ᠭᠡᠳᠤ ᠭᠡᠳᠤᠨ ᠵᠢᠵᠢᠭ ᠰᠦᠮᠠ ᠨᠦᠭᠦᠳ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠠᠶᠢᠪᠡ᠃ ᠱᠠᠰᠢᠨ ᠤ ᠰᠤᠷᠭᠠᠯ ᠲᠠᠯᠭᠡᠷᠡᠬᠦ ᠶᠢ ᠲᠠᠭᠠᠯᠳᠤᠨ᠂ | ᠡᠷᠳᠡᠮ ᠮᠡᠳᠡᠯᠭᠡ ᠲᠠᠢ ᠯᠠᠮᠠ ᠨᠠᠷ ᠤᠯᠠᠰᠢᠷᠠᠵᠤ᠂ ᠱᠠᠰᠢᠨ ᠳᠡᠯᠭᠡᠷᠡᠬᠦᠯᠬᠦ ᠶᠢᠨ ᠬᠠᠮᠳᠤ ᠮᠤᠩᠭᠤᠯ ᠳᠦᠪᠡᠳ ᠤᠨ ᠰᠤᠶᠤᠯ ᠳᠡᠯᠭᠡᠷᠡᠬᠦ ᠳᠤ ᠵᠤᠬᠢᠬᠤ ᠬᠤᠪᠢ ᠨᠡᠮᠡᠷᠢ | ᠦᠵᠡᠬᠦᠯᠪᠡ᠃ ᠵᠢᠱᠢᠶᠠ ᠨᠢ᠄ 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠠ ᠳᠤ ᠳᠠᠮᠪᠠᠳᠠᠷᠵᠠ ᠵᠠᠶᠠᠭᠠ ᠶᠢᠨ ᠪᠠ ᠠᠬᠸᠠᠩᠫᠤᠩᠰᠤᠭ ᠬᠠᠮᠪᠤ᠂ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠦᠶᠠ ᠳᠤ | ᠡᠮᠴᠢ ᠪᠠᠭᠰᠢ ᠰᠠᠬᠢᠶᠠ ︵ᠪᠤᠷᠢᠶᠠᠳ ᠤᠨ ᠳᠡᠤᠭᠡ ᠪᠢᠴᠢᠭᠰᠠᠨ︶ ᠴᠤᠷᠵᠢ ᠯᠠᠮᠠ ᠡᠷᠭᠡᠳᠤ᠂ ᠠᠬᠸᠠᠩᠳᠤᠷᠵᠢ ᠬᠠᠮᠪᠤ ᠵᠡᠷᠭᠡ ᠶᠢᠨ ᠨᠠᠷᠠᠳᠠᠢ ᠯᠠᠮᠠ ᠨᠠᠷ ᠭᠠᠷᠪᠠ᠃ ᠳᠡᠷᠡ | ᠴᠠᠭ ᠦᠶᠠ ᠠᠴᠠ ᠬᠤᠶᠢᠰᠢ ᠮᠤᠩᠭᠤᠯ᠂ ᠤᠷᠤᠰ ᠤᠨ ᠰᠤᠶᠤᠯ ᠤᠨ ᠠᠩᠬᠠᠨ ᠤ ᠰᠠᠭᠤᠷᠢ ᠳᠠᠯᠪᠢᠭᠳᠠᠵᠤ᠂ 19 ᠳ᠋ᠤᠭᠡᠷ ᠵᠠᠭᠤᠨ ᠠᠴᠠ 20 ᠳ᠋ᠤᠭᠠᠷ ᠵᠠᠭᠤᠨ ᠤ | ᠡᠬᠢᠨ ᠤ ᠦᠶᠠ ᠪᠤᠯᠬᠤ ᠳᠤ ᠤᠷᠤᠰ᠂ ᠮᠤᠩᠭᠤᠯ ᠰᠤᠶᠤᠯ ᠲᠠᠢ ᠡᠷᠳᠡᠮ ᠮᠡᠳᠡᠯᠭᠡ ᠲᠠᠢ ᠬᠦᠮᠦᠰ ᠨᠡᠯᠢᠶᠠᠳ ᠤᠯᠠᠨ ᠭᠠᠷᠪᠠ᠃ ᠡᠷᠳᠡᠮᠳᠡᠨ ᠴᠤᠯᠠ ᠲᠠᠢ ᠨᠡᠷᠠ | ᠠᠯᠳᠠᠷᠰᠢᠭᠰᠠᠨ ᠪᠠᠨᠽᠠᠷ ᠤᠨ ᠳᠤᠷᠵᠢ᠂ ᠴᠡᠪᠡᠭ ᠤᠨ ᠭᠤᠮᠪᠤᠵᠠᠪ᠂ ᠷᠢᠨᠴᠢᠨ ᠤ ᠡᠯᠪᠡᠭᠳᠦᠷᠵᠢ᠂ ᠵᠠᠮᠰᠦ᠋ᠷᠦᠩ ᠤᠨ ᠴᠡᠸᠡᠩ᠂ ᠪᠠᠷᠠᠳᠢ ᠶᠢᠨ ᠪᠠᠽᠠᠷ ᠵᠡᠷᠭᠡ ᠶᠢᠨ | ᠡᠷᠳᠡᠮᠳᠡᠨ ᠬᠦᠮᠦᠰ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠠᠴᠠ ᠭᠠᠳᠠᠨᠠ ᠤᠷᠤᠰ᠂ ᠮᠤᠩᠭᠤᠯ ᠭᠡᠯᠡᠨ ᠤ ᠰᠤᠶᠤᠯ ᠮᠡᠳᠡᠯᠭᠡ ᠲᠠᠢ ᠰᠡᠭᠡᠭᠡᠷᠡᠭᠰᠡᠨ ᠬᠦᠮᠦᠰ ᠤᠯᠠᠨ ᠭᠠᠷᠪᠠ᠃ | ᠳᠡᠷᠡ ᠦᠶᠠ ᠶᠢᠨ ᠤᠷᠤᠨ ᠨᠤᠳᠤᠭ ᠤᠨ ᠨᠤᠶᠠᠳ ᠳᠠᠭᠠᠭᠠᠮᠠᠯ ᠤᠳ᠂ ᠵᠠᠶᠢᠰᠠᠩ ᠭᠤᠯᠸᠠ ᠪᠤᠶᠤ ᠳᠠᠶᠢᠱᠠ ᠨᠠᠷ ᠤᠨ ᠤᠯᠠᠩᠬᠢ ᠨᠢ ᠤᠷᠤᠰ᠂ ᠮᠤᠩᠭᠤᠯ ᠭᠡᠯᠡᠨ ᠤ | ᠠᠩᠬᠠ ᠠᠯᠬᠤᠮ ᠤᠨ ᠰᠤᠶᠤᠯ ᠮᠡᠳᠡᠯᠭᠡ ᠲᠠᠢ ᠬᠦᠮᠦᠰ ᠪᠠᠶᠢᠭᠰᠠᠨ ᠶᠤᠮ᠃ ᠳᠤᠬᠠᠢᠢᠯᠠᠪᠠᠯ᠄ 19 ᠵᠠᠭᠤᠨ ᠤ ᠳᠤᠮᠳᠠᠴᠢ ᠪᠠᠷ ᠪᠤᠷᠢᠶᠠᠳ ︵ᠬᠤᠷᠢ︶ ᠤᠨ ᠳᠡᠤᠭᠡ ᠶᠢ | ᠪᠢᠴᠢᠭᠰᠡᠨ ᠵᠡᠬᠦᠨ ᠬᠤᠸᠠᠰᠠᠢ ᠤᠪᠤᠭ ᠤᠨ ᠵᠠᠶᠢᠰᠠᠩ᠂ ᠰᠡᠬᠦᠯᠡᠷ ᠨᠢ ᠠᠭᠠ ᠨᠤᠳᠤᠭ ᠤᠨ ᠳᠠᠶᠢᠱᠠ ᠨᠤᠶᠠᠨ ᠪᠤᠯᠤᠭᠰᠠᠨ ᠳᠤᠪᠤ ᠶᠢᠨ ᠳᠡᠬᠦᠯᠳᠡᠷ᠂ ᠴᠠᠭᠠᠡᠭᠭᠤᠳ | ᠤᠪᠤᠭ ᠤᠨ ᠵᠠᠶᠢᠰᠠᠩ ᠪᠠᠶᠢᠭᠰᠠᠨ ︵ᠭᠤᠯᠸᠠ︶ ᠶᠦᠮᠰᠡᠨ ᠤ ᠸᠠᠩᠳᠤᠨ᠂ ᠭᠠᠯᠵᠤᠳ ᠤᠪᠤᠭ ᠤᠨ ᠵᠠᠶᠢᠰᠠᠩ ᠬᠤᠪᠢᠳᠤ ᠶᠢᠨ ᠰᠢᠷᠡᠪᠨᠢᠩᠪᠤ᠂ ᠴᠤᠩᠭᠤᠤᠯ ᠬᠤᠷᠠᠮᠰᠠᠢ | ᠤᠪᠤᠭ ᠤᠨ ᠬᠦᠮᠦᠨ ᠪᠦᠭᠡᠳ ᠰᠠᠯᠠᠩᠭᠡ ᠶᠢᠨ ᠳᠠᠶᠢᠱᠠ ᠪᠠᠶᠢᠭᠰᠠᠨ ᠯᠤᠮᠪᠤᠴᠡᠷᠡᠨ ᠤ ᠳᠠᠮᠪᠢᠵᠠᠯᠰᠠᠨ ︵ᠰᠡᠯᠡᠩᠭᠡ ᠶᠢᠨ ᠪᠤᠷᠢᠶᠠᠳ ᠤᠨ ᠳᠡᠤᠭᠡ ᠪᠢᠴᠢᠭᠰᠡᠨ︶᠂ ᠮᠦᠨ | ᠪᠠᠷᠭᠤᠵᠢᠨ ᠤ ᠪᠤᠷᠢᠶᠠᠳ ᠤᠨ ᠳᠡᠤᠭᠡ ᠶᠢ ᠪᠢᠴᠢᠭᠰᠡᠨ ᠴᠠᠬᠠᠷ ᠤᠨ ᠴᠠᠳᠠᠪᠵᠠᠪ ᠳᠠᠶᠢᠱᠠ ᠵᠡᠷᠭᠡ ᠨᠢ ᠴᠦᠮ ᠳᠡᠷᠡ ᠴᠠᠭ ᠤᠨ ᠡᠷᠳᠡᠮ ᠲᠠᠢ ᠬᠦᠮᠦᠰ ᠪᠠᠶᠢᠭᠰᠠᠨ ᠶᠤᠮ᠃ | ᠪᠤᠷᠢᠶᠠᠳ ᠨᠤᠳᠤᠭ ᠲᠤ ᠠᠩᠬᠠ ᠰᠤᠷᠭᠠᠭᠤᠯᠢ ᠪᠤᠢ ᠪᠤᠯᠤᠭᠰᠠᠨ ᠨᠢ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠦᠶᠠ ᠪᠤᠯᠬᠤ ᠶᠤᠮ᠃ ᠡᠯᠠ ᠭᠠᠵᠠᠷ ᠤᠨ ᠳ᠋ᠦᠮᠠ ᠶᠢᠨ | ᠳᠡᠷᠭᠡᠳᠡ ᠤᠷᠤᠰ᠂ ᠮᠤᠩᠭᠤᠯ ᠪᠢᠴᠢᠭ ᠢ ᠬᠤᠤᠰᠯᠠᠭᠤᠯᠤᠨ ᠰᠤᠷᠬᠤ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠪᠠᠶᠢᠭᠤᠯᠤᠭᠳᠠᠵᠤ ᠡᠬᠢᠯᠡᠭᠰᠡᠨ ᠪᠦᠭᠡᠳ ᠳᠡᠬᠦᠨ ᠠᠴᠠ ᠡᠮᠤᠨᠠ | ᠴᠢᠳᠠᠯ ᠲᠠᠢ ᠬᠦᠮᠦᠰ ᠤᠨ ᠭᠡᠤᠭᠡᠳ ᠤᠷᠤᠰ ᠳᠤᠰᠬᠤᠨ ᠨᠤᠭᠤᠳ ᠤᠨ ᠰᠤᠷᠭᠠᠭᠤᠯᠢ ᠪᠤᠶᠤ ᠱᠠᠰᠢᠨ ᠤ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠤ ᠰᠤᠷᠤᠯᠴᠠᠳᠠᠭ ᠪᠠᠶᠢᠪᠠ᠃ | ᠡᠰᠡᠪᠡᠯ ᠤᠢᠢᠷᠠᠯᠴᠠᠭᠠ ᠬᠤᠳᠠ ᠠᠶᠢᠯ ᠤᠨ ᠳᠤᠮᠳᠠ ᠪᠢᠴᠢᠭ ᠮᠡᠳᠡᠳᠡᠭ ᠬᠦᠮᠦᠨ ᠢᠶᠠᠷ ᠮᠤᠩᠭᠤᠯ ᠪᠢᠴᠢᠭ ᠵᠢᠭᠠᠯᠭᠠᠬᠤ᠂ ᠮᠦᠨ ᠳ᠋ᠠᠴᠠᠩ ᠰᠦᠮᠠ ᠳᠤ ᠤᠴᠢᠵᠤ ᠯᠠᠮᠠ | ᠨᠡᠷ ᠢᠶᠠᠷ ᠪᠢᠴᠢᠭ ᠵᠢᠭᠠᠯᠭᠠᠬᠤ ᠮᠡᠳᠤ ᠪᠠᠷ ᠤᠷᠤᠯᠳᠤᠵᠤ ᠠᠩᠬᠠᠨ ᠤ ᠰᠤᠶᠤᠯ ᠤᠨ ᠰᠠᠭᠤᠷᠢ ᠶᠢ ᠳᠠᠯᠪᠢᠭᠰᠠᠨ ᠶᠤᠮ᠃ | 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠠᠷ ᠪᠤᠷᠢᠶᠠᠳ ᠮᠤᠩᠭᠤᠯ ᠤᠷᠤᠨ ᠤ ᠳ᠋ᠦᠮᠠ ᠨᠦᠭᠦᠳ ᠪᠠ ᠤᠪᠤᠭ ︵ᠤᠳᠤᠭ︶ ᠤᠨ ᠵᠠᠬᠢᠷᠭᠠ ᠨᠤᠭᠤᠳ ᠨᠢ ᠤᠷᠤᠰ ᠤᠨ | ᠮᠤᠵᠢ᠂ ᠳᠤᠭᠤᠷᠢᠭ ᠤᠳ ᠤᠨ ︽ᠤᠪᠯᠤᠰᠲ︾ ᠭᠡᠮᠡᠬᠦ ᠵᠠᠬᠢᠷᠭᠠ ᠪᠠ ᠡᠯᠠ ᠭᠠᠵᠠᠷ ᠤᠨ ︽ᠪᠤᠰᠤ ᠳᠦᠷᠦᠯᠳᠡᠨ ᠤ ᠵᠠᠬᠢᠷᠭᠠ︾ ᠭᠡᠮᠡᠭᠳᠡᠬᠦ ᠤᠷᠤᠰ ᠵᠠᠬᠢᠷᠭᠠᠨ ᠤ | ᠮᠡᠳᠡᠯ ᠳᠤ ᠤᠷᠤᠭᠠᠳ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠪᠤᠯᠬᠤ ᠳᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠨᠢ ᠤᠷᠤᠰ ᠤᠨ ᠬᠠᠭᠠᠨᠳᠤ ᠵᠠᠰᠠᠭ ᠤᠨ ᠬᠠᠷᠢᠶᠠᠳᠤ ᠤᠯᠠᠨ ᠪᠠᠭᠠ | ᠪᠠᠭᠤᠷᠠᠢ ᠦᠨᠳᠤᠰᠤᠳᠡᠨ ᠤ ᠨᠢᠭᠡ ᠨᠢ ᠪᠤᠯᠵᠤ᠂ ᠦᠨᠳᠤᠰᠤᠳᠡᠨ ᠤ ᠪᠠ ᠨᠡᠶᠢᠭᠡᠮ ᠤᠨ ᠳᠤᠤᠷᠠ ᠱᠠᠳᠤᠨ ᠤ ᠪᠠᠶᠢᠷᠢ ᠳᠠᠬᠢ ᠬᠤᠴᠤᠷᠥᠩᠭᠤᠢ ᠤᠭᠰᠠᠭᠠᠳᠠᠨ ᠳᠤ | ᠳᠤᠭᠠᠴᠠᠭᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 20 ᠳ᠋ᠤᠭᠠᠷ ᠵᠠᠭᠤᠨ ᠳᠤ ᠤᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠤᠷᠤᠰ ᠤᠷᠤᠨ ᠤ ᠪᠠᠶᠢᠳᠠᠯ ᠳᠤ ᠮᠠᠰᠢ ᠶᠡᠭᠡ ᠬᠤᠪᠢᠷᠠᠯᠳᠠ ᠨᠤᠭᠤᠳ ᠤᠳᠠᠭᠠ ᠳᠠᠷᠠᠭᠠ ᠪᠠᠷ ᠭᠠᠷᠪᠠ᠃ | 1905 ᠤᠨ ᠤ ᠤᠷᠤᠰ ᠤᠨ ᠬᠤᠪᠢᠰᠬᠠᠯ ᠪᠠ ᠳᠡᠬᠦᠨ ᠤ ᠳᠠᠷᠤᠭᠳᠠᠯ᠂ 1917 ᠤᠨ ᠤ ᠳᠡᠯᠡᠭᠡᠢ ᠶᠢᠨ ᠨᠢᠭᠡᠳᠤᠭᠡᠷ ᠳᠠᠶᠢᠨ ᠵᠡᠷᠭᠡ ᠨᠢ ᠪᠦᠬᠦ ᠤᠷᠤᠰ ᠤᠨ ᠠᠷᠠᠳ | ᠳᠦᠡᠮᠨ ᠳᠤ ᠶᠡᠭᠡᠭᠡᠨ ᠰᠡᠩᠭᠡᠷᠡᠬᠦᠯᠦᠯ ᠪᠤᠯᠬᠤ ᠶᠢᠨ ᠬᠠᠮᠳᠤ ᠬᠠᠭᠠᠨᠳᠤ ᠵᠠᠰᠠᠭ ᠳᠦᠷᠦ ᠶᠢᠨ ᠳᠤᠷᠦ᠋ᠢᠳᠠᠯ ᠢ ᠳᠦᠷᠭᠡᠳᠭᠡᠪᠡ᠃ ᠡᠨᠡ ᠨᠢ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ | ᠳᠤᠳᠤᠷᠠ ᠮᠦᠨ ᠶᠡᠭᠡᠭᠡᠨ ᠰᠡᠷᠡᠭᠳᠡᠯ ᠦᠭᠴᠤ᠂ ᠨᠤᠶᠠᠳ ᠳᠦᠰᠢᠮᠡᠳ᠂ ᠱᠠᠰᠢᠨ ᠤ ᠳᠦᠷᠦᠬᠦᠴᠤᠳ ᠳᠡᠷᠢᠬᠦᠯᠡᠨ ᠴᠠᠭ ᠳᠦᠷᠦ ᠶᠢᠨ ᠬᠤᠪᠢᠰᠤᠯ᠂ ᠱᠠᠰᠢᠨ | ᠳᠦᠷᠦ ᠶᠢᠨ ᠢᠷᠡᠭᠡᠳᠤᠢ ᠶᠢᠨ ᠳᠤᠬᠠᠢ ᠪᠤᠳᠤᠯᠬᠢᠯᠬᠠᠤ ᠭᠡᠮᠵᠢᠶᠠ ᠳᠤ ᠬᠦᠷᠪᠡ᠃ ᠨᠡᠩ ᠴᠤ 1917 ᠤᠨ ᠤ ᠤᠷᠤᠰ ᠤᠨ ᠤᠺᠲ᠋ᠢᠶᠠᠪᠠᠷ ᠤᠨ ᠬᠤᠪᠢᠰᠬᠠᠯ ᠠᠴᠠ | ᠬᠤᠶᠢᠰᠢ ᠤᠷᠤᠰ ᠤᠷᠤᠨ ᠳᠠᠶᠠᠭᠠᠷ ᠲᠤ ᠪᠠᠶᠢᠳᠠᠯ ᠳᠤᠭᠳᠠᠭᠤᠨ ᠪᠤᠰᠤ᠂ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠦᠢᠮᠡᠭᠡᠨ ᠳᠡᠭᠳᠡᠭᠡᠭᠴᠢᠳ ᠤᠯᠠᠨ ᠪᠤᠯᠵᠤ᠂ ᠡᠯᠳᠡᠪ ᠤᠨ | ᠳᠡᠭᠡᠷᠡᠮ ᠬᠤᠯᠠᠭᠠᠢ ᠰᠠᠮᠠᠭᠤᠷᠠᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠤᠷᠤᠨ ᠨᠤᠳᠤᠭ ᠲᠤ ᠤᠨᠴᠠᠭᠠᠢᠢᠯᠠᠨ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠳᠠᠭᠠᠤ ᠪᠠᠶᠢᠬᠤ ᠨᠡᠬᠦᠳᠡᠯᠴᠢᠨ | ᠮᠠᠯᠴᠢᠳ ᠤᠨ ᠠᠵᠤ ᠠᠮᠢᠳᠤᠷᠠᠯ ᠳᠤ ᠶᠡᠭᠡᠭᠡᠨ ᠬᠤᠬᠢᠷᠠᠯ ᠤᠴᠠᠷᠠᠬᠤ ᠪᠤᠯᠤᠭᠰᠠᠨ ᠠᠴᠠ 1910 ᠊ᠭᠠᠳ ᠤᠨ ᠤ ᠰᠡᠬᠦᠯᠴᠢ 1920 ᠊ᠭᠠᠳ ᠤᠨ ᠤ ᠡᠬᠢᠨ ᠢᠶᠠᠷ | ᠨᠠᠯᠢᠶᠠᠳ ᠭᠡᠰᠡᠭ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠳᠠᠶᠢᠪᠤᠡᠭ ᠴᠢᠯᠦᠭᠡᠳᠡᠢ ᠠᠮᠢᠳᠤᠷᠠᠬᠤ ᠨᠤᠳᠤᠭ ᠤᠷᠤᠨ ᠢ ᠡᠷᠢᠨ᠂ ᠦᠪᠡᠷᠰᠡᠳ ᠤᠨ ᠨᠤᠳᠤᠭ ᠤᠷᠤᠨ ᠠᠴᠠ | ᠨᠡᠬᠦᠳᠡᠯᠯᠡᠨ ᠭᠠᠷᠴᠤ᠂ ᠰᠠᠶ᠋ᠢᠬᠠᠨ ᠳᠤᠰᠠᠭᠠᠷ ᠳᠤᠭᠳᠠᠨᠢᠯ ᠢᠶᠠᠨ ᠤᠯᠤᠭᠠᠳ ᠪᠠᠶᠢᠭᠰᠠᠨ ᠮᠤᠩᠭᠤᠯ ᠤᠯᠤᠰ ᠪᠤᠯᠤᠨ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠦᠯᠦᠨ ᠪᠤᠶᠢᠷ ᠲᠤ | ᠤᠷᠤᠵᠤ ᠳᠤᠭᠳᠠᠨᠢᠨ ᠰᠠᠭᠤᠷᠢᠰᠢᠭᠰᠠᠨ ᠶᠠᠪᠤᠳᠠᠯ ᠤᠳ ᠭᠠᠷᠪᠠ᠃ ᠳᠤᠬᠠᠢᠢᠯᠠᠪᠠᠯ᠄ ᠳᠦᠡᠭᠭᠡᠨᠠ᠂ ᠰᠡᠯᠡᠩᠭᠡ ᠶᠢᠨ ᠪᠤᠷᠢᠶᠠᠳ ᠤᠨ ᠨᠢᠭᠡ ᠪᠦᠯᠦᠭ ᠨᠢ ᠮᠤᠩᠭᠤᠯ ᠤᠨ | ᠬᠦᠪᠰᠤᠬᠦᠯ᠂ ᠰᠡᠯᠡᠩᠭᠡ ᠠᠶᠢᠮᠠᠭ ᠤᠷᠤᠭᠤ ᠤᠷᠤᠭᠰᠠᠨ᠂ ᠮᠦᠨ ᠠᠭᠠ ᠶᠢᠨ ᠪᠤᠷᠢᠶᠠᠳ ᠤᠳ ᠠᠴᠠ ᠪᠠᠰᠠ ᠨᠢᠭᠡ ᠪᠦᠯᠦᠭ ᠨᠢ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠦᠯᠦᠨ | ᠪᠤᠶᠢᠷ ᠤᠷᠤᠭᠤ ᠤᠷᠢᠳ ᠬᠤᠵᠢᠳ ᠤᠯᠠᠨ ᠴᠦᠭᠡᠨ ᠠᠳᠠᠯᠢ ᠦᠭᠡᠢ ᠪᠠᠷ ᠨᠡᠬᠦᠳᠡᠯᠯᠡᠨ ᠤᠷᠤᠭᠰᠠᠨ ᠪᠠᠶᠢᠨᠠ᠃ | ᠮᠤᠩᠭᠤᠯ ᠤᠯᠤᠰ ᠲᠤ ᠤᠴᠢᠭᠰᠠᠨ ᠨᠢ 1920 ᠤᠨ ᠠᠴᠠ 1923 ᠤᠨ ᠬᠦᠷᠳᠡᠯᠠ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠷᠢᠶᠠᠳᠤ ᠪᠤᠯᠤᠨ ᠲᠠᠭᠠᠷᠠ ᠤᠷᠤᠭᠠᠳ | ᠰᠡᠯᠡᠩᠭᠡ ᠶᠢᠨ ᠬᠤᠰᠢᠭᠤ᠂ ᠮᠠᠯᠠᠭᠠᠡᠷ ᠠᠭᠤᠯᠠ ᠶᠢᠨ ᠬᠤᠰᠢᠭᠤ᠂ ᠶᠡᠷᠥᠭᠡ ᠭᠤᠤᠯ᠂ ᠤᠨᠤᠨ ᠭᠤᠤᠯ᠂ ᠤᠯᠵᠠ ᠭᠤᠤᠯ ᠤᠨ ᠬᠤᠰᠢᠭᠤ᠂ ᠬᠠᠯᠬᠠ ᠭᠤᠤᠯ ᠤᠨ | ᠬᠤᠰᠢᠭᠤ ︵ᠨᠦᠮᠤᠷᠭᠡ ᠶᠢᠨ ᠭᠤᠤᠯ︶ ᠭᠡᠮᠡᠨ 6 ᠪᠤᠷᠢᠶᠠᠳ ᠭᠤᠰᠢᠭᠤ ᠪᠤᠯᠤᠨ ᠪᠠᠶᠢᠭᠤᠯᠤᠭᠳᠠᠵᠤ ᠲᠦᠪᠬᠢᠨᠡᠭᠰᠡᠨ ᠪᠥᠭᠡᠳ ᠨᠠᠶᠢᠳᠠ 4600 ᠭᠠᠷᠤᠢ ᠡᠷᠥᠭᠡ᠂ | 16000 ᠭᠠᠷᠤᠢ ᠬᠦᠮᠤᠨ ᠠᠮᠠ ᠪᠠᠶᠢᠪᠡ᠃ ᠠᠭᠠ ᠶᠢᠨ ᠬᠠᠷᠢᠶᠠ ᠤᠨᠤᠨ᠂ ᠪᠤᠤᠷᠵᠢ᠂ ᠲᠠᠷᠢ᠂ ᠦᠯᠢᠷᠡᠩᠭᠡ ᠨᠤᠳᠤᠭ ᠤᠳ ᠤᠨ ᠨᠢᠭᠡ ᠪᠦᠯᠦᠭ ᠪᠤᠷᠢᠶᠠᠳ ᠤᠳ | 1910 ᠊ᠭᠠᠳ ᠤᠨ ᠤ ᠰᠡᠬᠦᠯᠴᠢ ᠪᠡ 1920 ᠊ᠭᠠᠳ ᠤᠨ ᠤ ᠬᠤᠭᠤᠷᠤᠡᠳᠤ ᠬᠢᠯᠢ ᠲᠠᠪᠠᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠦᠯᠦᠨ ᠪᠤᠶᠢᠷ ᠲᠤ ᠨᠡᠬᠦᠳᠡᠯᠯᠡᠨ ᠢᠷᠡᠵᠤ | ᠂ ᠠᠩᠬᠠᠨ ᠠᠴᠠ ᠪᠠᠨ ᠪᠤᠷᠢᠶᠠᠳ ᠤᠳ ᠲᠠᠢ ᠤᠳᠤᠮ ᠤᠭᠰᠠᠭᠠ ᠨᠢᠭᠡ ᠲᠠᠢ ᠤᠪᠤᠭ ᠬᠠᠯᠠ ᠪᠠᠷ ᠠᠳᠠᠯᠢ ᠬᠠᠭᠤᠴᠢᠨ᠂ ᠰᠢᠨᠠ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠲᠠᠮᠵᠢᠯᠭᠡ | ᠬᠠᠷᠠᠭᠠᠯᠵᠠᠯ ᠢ ᠬᠦᠷᠳᠡᠵᠤ᠂ 1921 ᠤᠨ ᠳᠤ ᠰᠢᠨᠡᠭᠡᠨ ᠭᠤᠤᠯ᠂ ᠢᠮᠢᠨ ᠭᠤᠤᠯ ᠲᠠᠭᠠᠤ ᠰᠠᠭᠤᠷᠢᠰᠢᠨ᠂ ᠲᠤᠮᠳᠠᠳᠤ ᠶᠢᠨ ᠬᠠᠷᠢᠶᠠᠳᠤ ᠪᠤᠯᠵᠤ᠂ ᠰᠢᠨᠡᠭᠡᠨ | ᠪᠤᠷᠢᠶᠠᠳ ᠬᠤᠰᠢᠭᠤ ᠭᠡᠮᠡᠨ ᠪᠠᠶᠢᠭᠤᠯᠤᠭᠳᠠᠵᠤ᠂ ᠤᠤᠯ ᠤᠨ ᠰᠠᠭᠤᠭᠠᠯᠢ ᠲᠠᠭᠤᠷ᠂ ᠦᠭᠡᠯᠡᠳ᠂ ᠡᠸᠡᠩᠬᠢ ᠶᠢᠨ ᠠᠷᠠᠳ ᠲᠦᠮᠡᠨ ᠤ ᠲᠠᠮᠵᠢᠯᠭᠡ ᠲᠤᠰᠠᠯᠠᠮᠵᠢ ᠪᠠᠷ | ᠲᠠᠳᠡᠨ ᠲᠠᠢ ᠪᠦᠯᠬᠦᠮᠳᠠᠨ ᠬᠠᠮᠳᠤ ᠪᠠᠷ ᠨᠤᠳᠤᠭᠰᠢᠨ ᠰᠠᠭᠤᠵᠤ᠂ ᠰᠢᠨᠡᠭᠡᠨ ᠤ ᠪᠤᠷᠢᠶᠠᠳ ᠭᠡᠮᠡᠨ ᠨᠡᠷᠡᠶᠢᠳᠥᠭᠳᠡᠵᠤ 90 ᠭᠠᠷᠤᠢ ᠵᠢᠯ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | | | ᠵᠣᠬᠢᠶᠠᠭᠴᠢ᠄ ᠬᠤᠸᠠᠰᠠᠢ ᠊ ᠴᠤᠭᠳᠤ ᠶᠢᠨ ᠵᠠᠮᠰᠤ |