| ᠬᠦᠯᠤᠨ ᠪᠤᠶᠢᠷ ᠬᠤᠳᠠ ᠶᠢᠨ ᠪᠠᠷᠭᠤᠴᠤᠳ ᠢ ᠬᠦᠯᠤᠨ ᠪᠤᠶᠢᠷ ᠲᠤ 1732 ᠤᠨ ᠳᠤ ᠢᠷᠡᠭᠰᠡᠨ ᠢ ᠨᠢ ᠬᠠᠭᠤᠴᠢᠨ ᠪᠠᠷᠭᠤ ᠭᠡᠵᠤ᠂ 1734 ᠤᠨ ᠳᠤ | ᠢᠷᠡᠭᠰᠡᠨ ᠢ ᠨᠢ ᠰᠢᠨᠡ ᠪᠠᠷᠭᠤ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠮᠠᠨ ᠤ ᠤᠷᠤᠨ ᠤ ᠭᠤᠤᠯ ᠴᠤᠬᠴᠠ ᠪᠤᠯᠬᠤ ᠦᠨᠳᠤᠰᠤᠳᠡᠨ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ | ᠪᠤᠯᠤᠨᠠ᠃ ᠲᠡᠭᠡᠪᠡᠯ ᠬᠦᠯᠤᠨ ᠪᠤᠶᠢᠷ ᠤᠨ ᠭᠤᠤᠯ ᠴᠤᠭᠴᠠ ᠦᠨᠳᠤᠰᠤᠳᠡᠨ ᠶᠠᠰᠤᠳᠠᠨ ᠤ ᠲᠤᠪᠤᠶᠢᠬᠰᠠᠨ ᠤᠨᠴᠠᠯᠢᠬ ᠢ ︽ᠲᠦᠷᠪᠡᠨ ᠴᠦᠬᠡᠨ ᠲᠤᠭᠠᠳᠤ | ᠦᠨᠳᠤᠰᠤᠳᠡᠨ ᠭᠤᠷᠪᠠᠨ ᠶᠠᠰᠤᠳᠠᠨ︾ ᠭᠡᠵᠤ ᠲᠤᠪᠴᠢᠯᠠᠨ ᠲᠡᠮᠳᠡᠭᠯᠡᠵᠤ ᠪᠤᠯᠤᠨᠠ᠃ | ᠭᠤᠷᠪᠠᠨ ᠶᠠᠰᠤᠳᠠᠨ ᠤ ᠭᠤᠤᠯ ᠴᠤᠭᠴᠠ ᠪᠤᠯᠬᠤ ᠪᠠᠷᠭᠤ ᠶᠠᠰᠤᠳᠠᠨ 33423 ᠬᠦᠮᠤᠨ ᠠᠮᠠ ᠲᠠᠢ ᠪᠢᠯᠡ᠃ ᠡᠭᠦᠨ ᠤ ᠲᠤᠳᠤᠷᠠ ᠰᠢᠨᠡ ᠪᠠᠷᠭᠤ ᠶᠢᠨ ᠬᠦᠮᠤᠨ | ᠠᠮᠠ ᠨᠢ 25250 ᠪᠠᠶᠢᠬᠤ ᠪᠦᠭᠡᠳ ᠡᠳᠡᠭᠡᠷ ᠬᠦᠮᠤᠰ ᠨᠢ 1734 ᠤᠨ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠪᠠᠶᠢᠰᠠ ᠵᠠᠩᠴᠢᠪᠳᠤᠷᠵᠢ᠂ ᠬᠦᠡᠭ ᠱᠠᠬᠳᠠᠷᠵᠠᠪ᠂ | ᠪᠠᠶᠢᠰᠠ ᠸᠠᠩᠵᠢᠯ᠂ ᠸᠠᠩ ᠲᠤᠷᠵᠢᠵᠠᠯ ᠨᠠᠷ ᠤᠨ ᠬᠤᠰᠢᠭᠤᠨ ᠠᠴᠠ ᠨᠡᠭᠦᠵᠤ ᠢᠷᠡᠭᠰᠡᠨ 2400 ᠴᠡᠷᠢᠭ ᠡᠷᠡᠰ ᠪᠤᠯᠤᠨ ᠲᠡᠳᠡᠨ ᠤ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠤ ᠦᠷᠡ | ᠬᠤᠶᠢᠴᠢᠰ ᠪᠤᠯᠤᠨᠠ᠃ ᠡᠳᠡᠭᠡᠷ ᠵᠤᠨ ᠤ ᠲᠡᠭᠡᠳᠤᠰ ᠨᠢ ︽ᠪᠠᠶᠢᠭᠠᠯ ᠨᠠᠭᠤᠷ᠂ ᠤᠢᠢᠬᠤᠨ ᠠᠷᠠᠯ ᠤᠷᠴᠢᠮ ᠢᠶᠠᠷ ᠪᠠᠶᠢᠬᠰᠠᠨ ᠤᠭ ᠨᠤᠳᠤᠭ ᠠᠴᠠ ᠪᠠᠨ ᠤᠷᠤᠰ ᠤᠨ | ᠲᠦᠷᠢᠯᠳᠡ ᠠᠴᠠ ᠪᠤᠯᠵᠤ ᠬᠠᠯᠬᠠ ᠶᠢᠨ ᠰᠡᠴᠡᠨ ᠬᠠᠨ ᠤ ᠨᠤᠳᠤᠭ ᠲᠤ 1660 ᠊ᠭᠠᠳ ᠤᠨ ᠳᠤ ᠢᠷᠡᠵᠤ ᠰᠠᠭᠤᠭᠠᠳ ᠪᠠᠰᠠ ᠬᠤᠶᠢᠰᠢ ᠪᠠᠨ ᠤᠷᠤᠰ ᠤᠨ | ᠰᠢᠨᠡ ᠪᠠᠷ ᠪᠠᠷᠢᠬᠰᠠᠨ ᠰᠢᠪᠡᠭᠡ ᠰᠠᠭᠤᠷᠢᠨ ᠳᠤ ᠠᠯᠪᠠ ᠦᠭᠴᠤ ᠡᠬᠢᠯᠡᠭᠰᠡᠨ ᠢ ᠳ᠋ᠠᠢ ᠬᠤᠨᠭ᠌ ᠲᠠᠶᠢᠵᠢ ᠪᠤᠶᠤ ᠱᠤᠯᠤᠢ ᠶᠢᠨ ᠬᠦᠤ ᠠᠨᠠᠨᠳᠠ᠂ ᠡᠷᠬᠡ ᠲᠠᠯᠠᠢ ᠶᠢᠨ ᠬᠤᠨᠭ᠌ | ᠲᠠᠶᠢᠵᠢ ᠶᠢᠨ ᠬᠦᠤ ᠭᠤᠨᠭ᠍ᠭᠤᠷ ᠳ᠋ᠠᠢ ᠬᠤᠨᠭ᠌ ᠲᠠᠶᠢᠵᠢ ᠨᠠᠷ ᠬᠤᠷᠢᠶᠠᠨ ᠠᠪᠤᠬᠰᠠᠨ᠃ ᠮᠦᠨ ᠤᠳᠠᠯ ᠦᠭᠡᠢ 1675 ᠤᠨ ᠳᠤ ᠪᠤᠴᠠᠵᠤ ᠤᠷᠤᠰ ᠲᠤ ᠲᠠᠭᠠᠨ | ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠬᠤᠶᠠᠷ ᠲᠠᠯᠠ ᠪᠠᠷ ᠰᠠᠭᠤᠬᠤ ᠪᠤᠯᠤᠬᠰᠠᠨ᠃ 1692 ᠤᠨ ᠳᠤ ᠲᠠᠬᠢᠨ ᠲᠠᠯᠠᠢ ᠬᠤᠨᠭ᠌ ᠲᠠᠶᠢᠵᠢ ᠪᠤᠶᠤ ᠠᠨᠠᠨᠳᠠ ᠳᠤ ᠲᠠᠭᠠᠵᠤ ᠵᠠᠬᠢᠷᠤᠬᠳᠠᠬᠤ | ᠪᠤᠯᠤᠬᠰᠠᠨ ᠵᠡᠷᠭᠡ ᠪᠠᠷ ᠪᠠᠷᠭᠤ ᠰᠡᠭᠦᠯᠳᠡᠵᠤ ᠢᠷᠡᠭᠡᠳ ᠤᠷᠤᠰ — ᠴᠢᠩ ᠤᠯᠤᠰ ᠤᠨ ᠬᠤᠭᠤᠷᠤᠨᠳᠤ ᠭᠤᠶᠢᠪᠢᠵᠤ ᠶᠡᠬᠡᠬᠡᠨ ᠨᠡᠭᠦᠳᠡᠯ ᠬᠦᠳᠡᠯᠭᠡᠭᠡᠨ ᠲᠠᠢ | ᠪᠠᠶᠢᠬᠰᠠᠨ ᠢ ᠮᠡᠳᠡᠵᠤ ᠪᠤᠯᠬᠤ ᠪᠠᠶᠢᠨᠠ᠃︾ ︵1︶ ᠭᠡᠵᠤ ᠲᠡᠮᠳᠡᠭᠯᠡᠭᠰᠡᠨ ᠠᠴᠠ ᠰᠢᠨᠡ ᠪᠠᠷᠭᠤᠴᠤᠳ ᠤᠨ ᠲᠡᠭᠡᠳᠤᠰ ᠪᠠᠶᠢᠭᠠᠯ ᠨᠠᠭᠤᠷ ᠤᠷᠤᠨ ᠠᠴᠠ ᠰᠠᠯᠤᠬᠰᠠᠨ | ᠴᠠᠬ ᠬᠤᠭᠤᠴᠠᠭᠠ᠂ ᠰᠡᠴᠡᠨ ᠬᠠᠨ ᠳᠤ ᠤᠷᠤᠵᠤ ᠭᠠᠷᠴᠤ ᠪᠠᠶᠢᠬᠰᠠᠨ ᠪᠠ ᠤᠷᠤᠰᠢᠨ ᠰᠠᠭᠤᠬᠰᠠᠨ ᠴᠠᠬ ᠬᠤᠭᠤᠴᠠᠭᠠ ᠶᠢ ᠮᠡᠳᠡᠵᠤ ᠪᠤᠯᠤᠨᠠ᠃ | ᠰᠢᠨᠡ ᠪᠠᠷᠭᠤ ᠶᠢᠨ ᠲᠡᠭᠡᠳᠤᠰ ᠬᠠᠯᠬᠠ ᠶᠢᠨ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠨᠤᠳᠤᠭ ᠲᠤ ᠤᠷᠤᠰᠢᠨ ᠰᠠᠭᠤᠬᠤ ᠳᠠᠭᠠᠨ ᠲᠦᠷᠪᠡᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠬᠳᠠᠨ | ᠠᠵᠤ ᠲᠦᠷᠤᠨ ᠠᠮᠢᠳᠤᠷᠠᠵᠤ ᠪᠠᠶᠢᠬᠰᠠᠨ ᠠᠵᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ︽ᠲᠠᠶᠢᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ 1691 ᠤᠨ ᠤ 5 ᠰᠠᠷᠠ ᠶᠢᠨ 1 ᠤ ᠡᠳᠤᠷ᠂ ᠦᠪᠤᠷ ᠮᠤᠩᠭᠤᠯ ᠤᠨ | ᠲᠤᠯᠤᠨ ᠨᠠᠭᠤᠷ ᠲᠤ ᠴᠢᠭᠤᠯᠭᠠᠨ ᠬᠢᠪᠡ᠃ ᠡᠨᠡᠬᠦ ᠴᠢᠭᠤᠯᠭᠠᠨ ᠲᠡᠭᠡᠷᠡ ᠬᠠᠯᠬᠠ ᠶᠢ ᠪᠠᠰᠠ ᠦᠪᠤᠷ ᠮᠤᠩᠭᠤᠯ ᠤᠨ 49 ᠬᠤᠰᠢᠭᠤ ᠲᠠᠢ ᠠᠳᠠᠯᠢ ᠪᠠᠷ ᠴᠢᠭᠤᠯᠭᠠᠨ᠂ | ᠬᠤᠰᠢᠭᠤ᠂ ᠰᠤᠮᠤ ᠬᠤᠪᠢᠶᠠᠭᠠᠳ 30 ᠬᠤᠰᠢᠭᠤ ᠵᠠᠰᠠᠬ ᠪᠠᠶᠢᠭᠤᠯᠤᠨ ᠲᠤᠰ ᠲᠤᠰ ᠲᠤᠨᠢ ᠵᠠᠰᠠᠬ ᠤᠨ ᠨᠤᠶᠠᠨ ᠲᠤᠮᠢᠯᠠᠵᠤ᠂ ᠤᠯᠠᠮᠵᠢᠯᠠᠯ ᠪᠦᠬᠦᠢ ᠬᠠᠭᠤᠴᠢᠨ | ᠬᠡᠷᠬᠡᠮ ᠴᠤᠯᠠ ᠶᠢ ᠦᠭᠡᠷᠡᠴᠢᠯᠡᠨ ᠸᠠᠩ᠂ ᠪᠠᠶᠢᠯᠠ᠂ ᠪᠠᠶᠢᠰᠠ᠂ ᠬᠦᠡᠭ ᠭᠡᠵᠤ ᠲᠠᠭᠤᠳᠠᠬᠤ ᠪᠤᠯᠪᠠ᠃ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠲᠠᠷᠠᠭᠠ ᠨᠠᠶᠢᠷᠠᠯᠳᠤ ᠲᠦᠪ | ᠬᠠᠭᠠᠨ ᠪᠤᠯᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ ᠬᠠᠭᠠᠨ ᠤ ᠦᠶᠡ ᠳᠤ ᠬᠠᠯᠬᠠ ᠶᠢᠨ ᠬᠤᠰᠢᠭᠤ ᠵᠠᠰᠠᠬ ᠢ ᠲᠠᠬᠢᠨ ᠲᠠᠬᠢᠨ ᠨᠡᠮᠡᠵᠤ ᠪᠠᠶᠢᠭᠤᠯᠤᠬᠰᠠᠭᠠᠷ 86 ᠬᠤᠰᠢᠭᠤ ᠪᠤᠯᠭᠠᠵᠤ | 4 ᠴᠢᠭᠤᠯᠭᠠᠨ ᠳᠤ ᠪᠠᠭᠳᠠᠭᠠᠪᠠ᠃ ᠬᠠᠨ ᠠᠭᠤᠯᠠ ᠶᠢᠨ ᠴᠢᠭᠤᠯᠭᠠᠨ ᠳᠤ᠄ ᠲᠦᠰᠢᠶᠡᠳᠤ ᠬᠠᠨ ᠠᠶᠢᠮᠠᠬ ᠤᠨ 20 ᠬᠤᠰᠢᠭᠤ ᠶᠢ ᠪᠠᠭᠳᠠᠭᠠᠵᠤ᠂ ᠬᠠᠯᠬᠠ ᠶᠢᠨ | ᠤᠮᠠᠷᠠᠳᠤ ᠵᠠᠮ ᠭᠡᠵᠤ ᠨᠡᠷᠡᠶᠢᠳᠪᠡ᠃ ᠴᠡᠴᠡᠷᠯᠢᠭ ᠤᠨ ᠴᠢᠭᠤᠯᠭᠠᠨ ᠳᠤ᠄ ᠰᠠᠶᠢᠨ ᠨᠤᠶᠠᠨ ᠬᠠᠨ ᠠᠶᠢᠮᠠᠬ 24 ᠬᠤᠰᠢᠭᠤ ᠶᠢ ᠪᠠᠭᠳᠠᠭᠠᠵᠤ᠂ ᠬᠠᠯᠬᠠ ᠶᠢᠨ ᠲᠤᠮᠳᠠᠳᠤ | ᠵᠠᠮ ᠭᠡᠵᠤ ᠨᠡᠷᠡᠶᠢᠳᠪᠠ᠃ ᠬᠡᠷᠤᠯᠤᠨ ᠤ ᠪᠠᠷᠰ ᠬᠤᠳᠠᠨ ᠤ ᠴᠢᠭᠤᠯᠭᠠᠨ ᠳᠤ᠄ ᠵᠠᠰᠠᠬᠳᠤ ᠬᠠᠨ ᠠᠶᠢᠮᠠᠬ ᠤᠨ 19 ᠬᠤᠰᠢᠭᠤ ᠶᠢ ᠪᠠᠭᠳᠠᠭᠠᠵᠤ᠂ ᠬᠠᠯᠬᠠ ᠶᠢᠨ | ᠦᠷᠤᠨᠠᠳᠤ ᠵᠠᠮ ᠭᠡᠵᠤ ᠨᠡᠷᠡᠶᠢᠳᠪᠡ︾ ︵2︶ ᠭᠡᠰᠡᠨ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠯ ᠪᠤᠢ᠃ ᠲᠡᠭᠡᠪᠡᠯ᠂ ᠬᠠᠯᠬᠠ ᠶᠢᠨ ᠡᠨᠡᠬᠦ 86 ᠬᠤᠰᠢᠭᠤᠨ ᠤ ᠲᠤᠳᠤᠷᠠ ᠠᠴᠠ ᠰᠢᠨᠡ | ᠪᠠᠷᠭᠤ ᠶᠢᠨ ᠲᠡᠭᠡᠳᠤᠰ ᠤᠨ ᠵᠠᠬᠢᠷᠤᠬᠳᠠᠵᠤ ᠪᠠᠶᠢᠬᠰᠠᠨ 4 ᠬᠤᠰᠢᠭᠤ ᠶᠢ ᠲᠤᠳᠤᠷᠬᠠᠢᠢᠯᠠᠨ ᠢᠯᠭᠠᠵᠤ ᠲᠠᠶᠢᠯᠪᠤᠷᠢᠯᠠᠪᠠᠯ ᠲᠤᠤᠷᠠᠬᠢ ᠮᠡᠳᠤ᠄ | ᠨᠢᠭᠡ᠂ ᠲᠤᠷᠤᠨᠠ ᠵᠠᠮ ᠤᠨ ᠲᠤᠮᠳᠠᠳᠤ ᠡᠮᠤᠨᠡᠳᠤ ᠬᠤᠰᠢᠭᠤ | ᠲᠤᠰ ᠬᠤᠰᠢᠭᠤ ᠮᠠᠨᠵᠤ ᠶᠢᠨ ᠨᠤᠶᠠᠷᠬᠠᠯ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠲᠤᠷᠤᠨᠠ ᠵᠠᠮ ᠤᠨ ᠲᠤᠮᠳᠠᠳᠤ ᠡᠮᠤᠨᠡᠳᠤ ᠬᠤᠰᠢᠭᠤ ᠭᠡᠳᠡᠭ ᠨᠡᠷᠡ ᠲᠠᠢ | ᠪᠠᠶᠢᠪᠠ᠃ ᠲᠤᠰ ᠬᠤᠰᠢᠭᠤ ︽ᠪᠤᠬᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠴᠢᠩ ᠠᠴᠢᠳᠤ ᠪᠠᠶᠢᠰᠠ ᠶᠢᠨ ᠬᠤᠰᠢᠭᠤ | ᠨᠡᠷᠡ ᠲᠠᠢ ᠬᠡᠳᠤ ᠬᠡᠳᠤᠨ ᠰᠤᠮᠤ᠂ ᠤᠳᠤᠭ᠂ ᠪᠠᠭ ᠲᠤ ᠬᠤᠪᠢᠶᠠᠬᠳᠠᠳᠠᠬ ᠵᠡᠭᠦᠨ ᠬᠢᠵᠠᠭᠠᠷ ᠤᠨ ᠲᠤᠮᠤᠬᠠᠨ ᠬᠤᠰᠢᠭᠤ ᠪᠠᠶᠢᠵᠠᠢ᠃ ᠠᠷᠠᠳ ᠤᠨ ᠵᠠᠰᠠᠬ ᠤᠨ ᠡᠬᠢᠨ ᠤ | ᠵᠢᠯ ᠤᠳ ᠲᠤ ᠬᠠᠨ ᠬᠡᠨᠳᠠᠢ ᠠᠭᠤᠯᠠ ᠶᠢᠨ ᠠᠶᠢᠮᠠᠬ ᠤᠨ ᠪᠠᠶᠠᠨᠳᠦ᠋ᠮᠡᠨ ᠬᠠᠨ ᠠᠭᠤᠯᠠ ᠶᠢᠨ ᠬᠤᠰᠢᠭᠤ ᠬᠡᠮᠡᠨ ᠨᠡᠷᠡᠯᠡᠭᠳᠡᠨ᠂ ᠪᠠᠶᠠᠨᠮᠦ᠋ᠡᠭᠬᠡ᠂ ᠪᠤᠯᠠᠭᠠᠨ — ᠠᠭᠤᠯᠠ | ᠂ ᠪᠠᠶᠠᠨ — ᠦᠨᠳᠤᠷ᠂ ᠪᠠᠶᠠᠨᠳᠡᠯᠠᠪᠠᠢ᠂ ᠪᠠᠶᠠᠠᠨᠤᠷᠪᠤᠯᠢᠨ᠂ ᠪᠠᠶᠠᠨᠵᠢᠷᠭᠠᠯᠠᠩᠳᠤ᠂ ᠪᠠᠶᠠᠨᠪᠤᠯᠠᠬ᠂ ᠪᠠᠶᠠᠨᠳᠤᠩᠪᠠᠳᠤ᠂ ᠲᠡᠯᠭᠡᠷᠮᠦ᠋ᠷᠡᠨ᠂ ᠭᠡᠰᠢᠭᠳᠡᠯᠡᠪᠠᠢ᠂ ᠸᠴᠢᠷᠮᠦ᠋ᠡᠭᠬᠡ | — ᠠᠭᠤᠯᠠ ᠵᠡᠷᠭᠡ 11 ᠰᠤᠮᠤ ᠲᠠᠢ ᠪᠠᠶᠢᠵᠠᠢ᠃ ᠤᠳᠤ ᠲᠤᠷᠤᠨᠠᠳᠤ ᠠᠶᠢᠮᠠᠬ ᠤᠨ ᠪᠠᠶᠠᠨᠳᠦ᠋ᠮᠡᠨ᠂ ᠬᠡᠷᠤᠯᠤᠨ᠂ ᠪᠤᠯᠠᠭᠠᠨ᠂ ᠰᠡᠷᠭᠦᠯᠡᠩ᠂ ᠴᠦᠢᠪᠠᠯᠰᠠᠩ ᠵᠡᠷᠭᠡ | ᠰᠤᠮᠤᠨ ᠳᠤ ᠪᠦᠳᠤᠨ ᠢᠶᠠᠷ᠂ ᠴᠠᠭᠠᠨ ᠤᠪᠤᠭᠠ᠂ ᠪᠠᠶᠠᠨᠳᠤᠩ᠂ ᠪᠠᠶᠠᠨ — ᠠᠭᠤᠯᠠ ᠰᠤᠮᠤ ᠶᠢᠨ ᠵᠠᠷᠢᠮ ᠨᠤᠳᠤᠭ ᠬᠠᠭᠠᠰ ᠬᠠᠮᠢᠶᠠᠷᠴᠤ ᠪᠠᠶᠢᠨᠠ᠃ ᠬᠤᠰᠢᠭᠤᠨ ᠤ | ᠭᠠᠵᠠᠷ ᠨᠤᠳᠤᠭ ᠤᠨ ᠵᠠᠭᠠᠬ᠄ ᠬᠤᠰᠢᠭᠤ ᠨᠤᠳᠤᠭ ᠤᠨ ᠲᠡᠮᠳᠡᠭᠯᠡᠯ ᠳᠤ᠄ ︿ᠬᠤᠰᠢᠭᠤᠨ ᠤ ᠪᠠᠶᠢᠰᠠ ᠠᠨᠠᠨᠳᠠ ᠪᠠᠶᠠᠨᠮᠦ᠋ᠡᠭᠬᠡᠳᠤ ᠰᠢᠭᠧᠷ ᠬᠦᠳᠤᠯ ᠳᠤ ᠨᠤᠳᠤᠬᠯᠠᠨᠠ᠃ | ᠵᠡᠭᠦᠨ ᠮᠡᠷᠬᠡᠨ ᠬᠠᠮᠠᠷ᠂ ᠪᠠᠷᠠᠭᠤᠨᠰᠢ ᠰᠦᠨᠳᠡᠷᠳᠤ᠂ ᠡᠮᠤᠨᠡᠰᠢ ᠬᠦᠷᠡᠩ ᠬᠦᠬᠡ ᠲᠠᠷᠠᠰᠤ ᠬᠦᠷᠴᠠᠢ᠃ ᠬᠡᠷᠤᠯᠤᠨ ᠭᠤᠤᠯ ᠢ ᠬᠠᠪᠴᠢᠵᠤ ᠪᠤᠢ﹀᠂ ︿ᠵᠡᠭᠦᠨᠰᠢ ᠵᠠᠷᠭᠠ | ᠠᠭᠤᠯᠠ ᠬᠦᠷᠴᠠᠢ᠃ ᠬᠦᠯᠤᠨ ᠪᠤᠶᠢᠷ ᠯᠤᠭᠠ ᠵᠠᠬᠠ ᠨᠡᠶᠢᠯᠡᠨᠡ᠃ ᠡᠮᠤᠨᠡᠰᠢ ᠬᠠᠷᠠ ᠤᠪᠤᠭᠠ ᠬᠦᠷᠴᠠᠢ᠃ ᠦᠢᠽᠸᠡᠭ ᠬᠦᠡᠭ ᠤᠨ ᠬᠤᠰᠢᠭᠤᠨ ᠳᠤ ᠵᠠᠬᠠ ᠨᠡᠶᠢᠯᠡᠨᠡ | ᠃ ᠪᠠᠷᠠᠭᠤᠨᠰᠢ ᠲᠠᠶᠠᠩ ᠦᠨᠳᠤᠷ ᠬᠦᠷᠴᠠᠢ᠃ ᠰᠠᠷᠠᠭᠤᠯ ᠬᠦᠡᠭ ᠤᠨ ᠬᠤᠰᠢᠭᠤᠨ ᠳᠤ ᠵᠠᠬᠠ ᠨᠡᠶᠢᠯᠡᠨᠡ᠃ ᠬᠤᠶᠢᠰᠢ ᠤᠬᠳᠤᠮ ᠠᠭᠤᠯᠠ ᠬᠦᠷᠴᠠᠢ᠃ ᠬᠢᠯᠢ ᠶᠢᠨ | ᠬᠠᠷᠠᠭᠤᠯ ᠯᠤᠬᠠ ᠵᠠᠬᠠ ᠨᠡᠶᠢᠯᠡᠨᠡ᠃ ᠵᠡᠭᠦᠨ ᠬᠤᠶᠢᠰᠢ ᠬᠦᠬᠡ ᠨᠠᠭᠤᠷ ᠬᠦᠷᠤᠨᠠ᠃ ᠬᠦᠯᠤᠨ ᠪᠤᠶᠢᠷ᠂ ᠬᠢᠯᠢ ᠶᠢᠨ ᠬᠠᠷᠠᠭᠤᠯ ᠬᠦᠷᠴᠠᠢ᠃ ᠪᠠᠷᠠᠭᠤᠨ ᠬᠤᠶᠢᠰᠢ | ᠬᠤᠸᠠ ᠲᠤᠯᠤᠭᠠᠢ ᠬᠦᠷᠴᠠᠢ᠃ ᠰᠠᠷᠠᠭᠤᠯ ᠬᠦᠡᠭ ᠤᠨ ᠬᠤᠰᠢᠭᠤᠨ ᠳᠤ ᠵᠠᠬᠠ ᠨᠡᠶᠢᠯᠡᠨᠡ᠃ ᠵᠡᠭᠦᠨ ᠡᠮᠤᠨᠡᠰᠢ ᠡᠯᠡᠰᠤᠳᠤ ᠦᠨᠳᠤᠷ ᠬᠦᠷᠴᠠᠢ᠃ ᠪᠠᠷᠠᠭᠤᠨ ᠡᠮᠤᠨᠡ | ᠬᠤᠳᠠᠯᠠ ᠬᠤᠰᠢᠭᠤ ᠬᠦᠷᠴᠠᠢ᠃ ᠶᠤᠰᠤᠳᠤ ᠪᠠᠶᠢᠰᠠ ᠶᠢᠨ ᠬᠤᠰᠢᠭᠤᠨ ᠳᠤ ᠵᠠᠬᠠ ᠨᠡᠶᠢᠯᠡᠨᠡ﹀︾ ︵3︶ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠬ᠃ ᠬᠤᠰᠢᠭᠤᠨ ᠤ | ᠨᠤᠶᠠᠳ ᠤᠨ ᠤᠭ ᠡᠬᠢ ᠭᠡᠪᠡᠯ᠄ ᠪᠠᠶᠢᠰᠠ ᠠᠨᠠᠨᠳᠠ ︵1691 — 1696︶ — ᠲᠠᠶᠢᠵᠢ ᠭᠤᠨᠴᠤᠭ ︵1696 — 1705︶ — ᠬᠦᠡᠭ | ᠴᠡᠪᠡᠯᠷᠡᠪᠳᠡᠨ ︵1705 — 1706︶ — ᠪᠠᠶᠢᠰᠠ ᠵᠠᠩᠴᠢᠪᠳᠤᠷᠵᠢ ︵1706 — 1757︶ ᠁ ᠪᠢᠯᠡ᠃ ᠰᠢᠨᠡ ᠪᠠᠷᠭᠤ ᠶᠢᠨ ᠲᠡᠭᠡᠳᠤᠰ | ᠵᠠᠩᠴᠢᠪᠳᠤᠷᠵᠢ ᠶᠢᠨ ᠬᠤᠰᠢᠭᠤᠨ ᠤ ᠵᠠᠬᠢᠷᠭᠠ ᠪᠠᠶᠢᠬᠰᠠᠨ ᠦᠶᠡ ᠳᠤ ᠲᠡᠭᠦᠨ ᠤ ᠬᠤᠰᠢᠭᠤᠨ ᠠᠴᠠ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠭᠰᠡᠨ ᠪᠢᠯᠡ᠃ | ᠬᠤᠶᠠᠷ᠂ ᠲᠤᠷᠤᠨᠠ ᠵᠠᠮ ᠤᠨ ᠲᠤᠮᠳᠠᠳᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠤᠰᠢᠭᠤ | ᠲᠤᠰ ᠬᠤᠰᠢᠭᠤ ᠮᠠᠨᠵᠤ ᠶᠢᠨ ᠨᠤᠶᠠᠷᠬᠠᠯ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠲᠤᠷᠤᠨᠠ ᠵᠠᠮ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠬᠡᠳᠡᠭ ᠨᠡᠷᠡ ᠲᠠᠢ ᠪᠠᠶᠢᠪᠠ᠃ | ᠲᠤᠰ ᠬᠤᠰᠢᠭᠤ ︽ᠪᠤᠬᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠲᠠᠯᠠᠢ ᠲᠠᠷᠬᠠᠨ ᠬᠦᠡᠭ ᠤᠨ ᠬᠤᠰᠢᠭᠤ ᠭᠡᠵᠤ ᠨᠡᠷᠡᠯᠡᠭᠳᠡᠭᠰᠡᠨ | ᠴᠦᠬᠡᠨ ᠬᠦᠮᠤᠨ ᠠᠮᠠ ᠲᠠᠢ ᠪᠠᠭᠠ ᠬᠤᠰᠢᠭᠤ ᠶᠠᠪᠤᠵᠠᠢ᠃ ᠠᠷᠠᠳ ᠤᠨ ᠵᠠᠰᠠᠬ ᠤᠨ ᠡᠬᠢᠨ ᠤ ᠵᠢᠯ ᠤᠳ ᠲᠤ ᠬᠠᠨ ᠬᠡᠨᠳᠠᠢ ᠠᠭᠤᠯᠠ ᠶᠢᠨ ᠠᠶᠢᠮᠠᠬ ᠤᠨ ᠬᠠᠨ ᠬᠡᠨᠳᠠᠢ | ᠠᠭᠤᠯᠠ ᠶᠢᠨ ᠬᠤᠰᠢᠭᠤ ᠨᠡᠷᠡ ᠲᠠᠢ 1 ᠰᠤᠮᠤ ᠲᠠᠢ ᠶᠠᠪᠤᠬᠰᠠᠨ ᠪᠠᠶᠢᠨᠠ᠃ ᠤᠳᠤ ᠬᠡᠨᠳᠠᠢ ᠠᠶᠢᠮᠠᠬ ᠤᠨ ᠡᠮᠤᠨᠡᠳᠡᠯᠭᠡᠷ᠂ ᠴᠡᠩᠭᠡᠷᠮᠠᠨᠳᠠᠯ᠂ ᠲᠦᠪ ᠠᠶᠢᠮᠠᠬ ᠤᠨ | ᠮᠦᠡᠭᠭᠦᠨᠮᠤᠷᠢᠳᠤ ᠰᠤᠮᠤᠳ ᠤᠨ ᠵᠠᠯᠭᠠᠭᠠ ᠨᠤᠳᠤᠭ ᠲᠤ ᠪᠤᠢ᠃ ᠨᠤᠳᠤᠬᠯᠠᠨ ᠰᠠᠭᠤᠭᠰᠠᠨ ᠭᠠᠵᠠᠷ ᠤᠨ ᠲᠤᠬᠠᠢ᠄ ︿ᠬᠤᠰᠢᠭᠤ ᠨᠤᠳᠤᠭ ᠤᠨ ᠲᠡᠮᠳᠡᠭᠯᠡᠯ﹀ ᠳᠤ ︿ | ᠬᠡᠨᠳᠠᠢ ᠠᠭᠤᠯᠠ ᠶᠢᠨ ᠵᠡᠭᠦᠨᠳᠠᠢ ᠬᠡᠷᠤᠯᠤᠨ᠂ ᠤᠨᠤᠨ ᠬᠤᠶᠠᠷ ᠭᠤᠤᠯ ᠤᠨ ᠡᠬᠢᠨ ᠳᠤ ᠪᠤᠢ᠃ ᠵᠡᠭᠦᠨᠰᠢ ᠲᠡᠯᠭᠡᠷ ᠬᠠᠨ ᠠᠭᠤᠯᠠ ᠬᠦᠷᠴᠠᠢ᠃ ᠡᠮᠤᠨᠡᠰᠢ ᠪᠠᠶᠠᠨ | ᠠᠭᠤᠯᠠ ᠬᠦᠷᠴᠠᠢ᠃ ᠪᠠᠷᠠᠭᠤᠨᠰᠢ ᠲᠠᠭᠠᠨᠠᠳᠤ ᠭᠤᠤᠯ ᠬᠦᠷᠴᠠᠢ᠃ ᠬᠤᠶᠢᠰᠢ ᠬᠠᠳᠠᠷ ᠭᠤᠤᠯ ᠬᠦᠷᠴᠠᠢ᠃ ᠵᠡᠭᠦᠨ ᠬᠤᠶᠢᠰᠢ ᠲᠠᠷᠠᠳ ᠭᠤᠤᠯ ᠬᠦᠷᠴᠠᠢ᠃ ᠪᠠᠷᠠᠭᠤᠨ | ᠬᠤᠶᠢᠰᠢ ᠬᠡᠨᠳᠢ ᠠᠭᠤᠯᠠ ᠬᠦᠷᠴᠠᠢ᠃ ᠵᠡᠭᠦᠨ ᠡᠮᠤᠨᠡᠰᠢ ᠬᠦᠬᠡ ᠴᠢᠯᠠᠭᠤᠳᠤ ᠬᠦᠷᠴᠠᠢ᠃ ᠪᠠᠷᠠᠭᠤᠨ ᠡᠮᠤᠨᠡᠰᠢ ᠴᠡᠴᠡᠭᠳᠤ ᠨᠤᠭᠤ ᠬᠦᠷᠴᠠᠢ﹀ ᠭᠡᠵᠤ ᠪᠢᠴᠢᠭᠰᠡᠨ ᠪᠤᠢ︾ | ︵4︶ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠬ᠃ ᠬᠤᠰᠢᠭᠤᠨ ᠤ ᠨᠤᠶᠠᠳ ᠤᠨ ᠤᠭ ᠡᠬᠢ ᠭᠡᠪᠡᠯ᠄ ᠪᠠᠶᠢᠰᠠ ᠯᠤᠪᠰᠠᠩ ︵1697 — 1715︶ — ᠬᠦᠡᠭ | ᠱᠠᠬᠳᠠᠷᠵᠠᠪ ︵1715 — 1730︶᠂ ︵1736 — 1742︶ ᠁ ᠪᠢᠯᠡ ︵1730 — 1736 ᠤᠨ ᠳᠤ ᠱᠠᠬᠳᠠᠷᠵᠠᠪ ᠤᠨ ᠠᠬᠠᠮᠠᠳ | ᠬᠦᠪᠡᠭᠦᠨ ᠭᠧᠵᠡᠪᠡᠯ ᠵᠠᠯᠭᠠᠮᠵᠢᠯᠠᠪᠠ︶᠃ ᠰᠢᠨᠡ ᠪᠠᠷᠭᠤ ᠶᠢᠨ ᠲᠡᠭᠡᠳᠤᠰ ᠱᠠᠬᠳᠠᠷᠵᠠᠪ ᠤᠨ ᠬᠢᠨ ᠤ ᠬᠤᠰᠢᠭᠤᠨ ᠤ ᠵᠠᠬᠢᠷᠭᠠ ᠪᠠᠶᠢᠬᠰᠠᠨ ᠦᠶᠡ ᠳᠤ ᠲᠡᠭᠦᠨ ᠤ | ᠬᠤᠰᠢᠭᠤᠨ ᠠᠴᠠ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠭᠰᠡᠨ ᠪᠢᠯᠡ᠃ | ᠭᠤᠷᠪᠠ᠂ ᠲᠤᠷᠤᠨᠠ ᠵᠠᠮ ᠤᠨ ᠲᠤᠮᠳᠠᠳᠤ ᠠᠳᠠᠬ ᠬᠤᠰᠢᠭᠤ | ᠲᠤᠰ ᠬᠤᠰᠢᠭᠤ ᠮᠠᠨᠵᠤ ᠶᠢᠨ ᠨᠤᠶᠠᠷᠬᠠᠯ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠲᠤᠷᠤᠨᠠ ᠵᠠᠮ ᠤᠨ ᠲᠤᠮᠳᠠᠳᠤ ᠠᠳᠠᠬ ᠬᠤᠰᠢᠭᠤ ᠭᠡᠳᠡᠭ ᠨᠡᠷᠡ ᠲᠠᠢ | ᠪᠠᠶᠢᠪᠠ᠃ ᠲᠤᠰ ᠬᠤᠰᠢᠭᠤ ︽ᠪᠤᠬᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠪᠢᠰᠢᠷᠡᠯᠳᠤ ᠸᠠᠩ ᠤᠨ ᠬᠤᠰᠢᠭᠤ ᠭᠡᠵᠤ | ᠲᠤᠳᠤᠷᠠ ᠪᠠᠨ ᠰᠤᠮᠤ᠂ ᠤᠳᠤᠭ᠂ ᠪᠠᠭ ᠲᠤ ᠬᠤᠪᠢᠶᠠᠬᠳᠠᠵᠤ ᠶᠠᠪᠤᠪᠠ᠃ ᠠᠷᠠᠳ ᠤᠨ ᠵᠠᠰᠠᠬ ᠤᠨ ᠡᠬᠢᠨ ᠤ ᠵᠢᠯ ᠤᠳ ᠲᠤ ᠬᠠᠨ ᠬᠡᠨᠳᠠᠢ ᠠᠭᠤᠯᠠ ᠶᠢᠨ ᠭᠠᠯ ᠰᠢᠷᠠ | ᠠᠭᠤᠯᠠ ᠶᠢᠨ ᠬᠤᠰᠢᠭᠤ ᠭᠡᠵᠤ ᠨᠡᠷᠡᠯᠡᠭᠳᠡᠨ ᠪᠠᠶᠠᠨᠬᠠᠡᠭᠭᠠᠢ᠂ ᠪᠠᠶᠠᠨᠮᠦ᠋ᠡᠭᠭᠡ᠂ ᠪᠤᠳᠠᠷ᠂ ᠪᠠᠶᠠᠨᠳᠤᠪᠤᠯᠠᠬ᠂ ᠲᠡᠯᠭᠡᠷ — ᠠᠭᠤᠯᠠ᠂ ᠨᠤᠶᠠᠨ — ᠠᠭᠤᠯᠠ ᠭᠡᠭᠦ 6 | ᠰᠤᠮᠤ ᠲᠠᠢ ᠪᠠᠶᠢᠪᠠ᠃ ᠬᠡᠨᠳᠠᠢ ᠠᠶᠢᠮᠠᠬ ᠤᠨ ᠭᠠᠯ ᠰᠢᠷᠠ᠂ ᠪᠤᠶᠠᠨᠳᠤ ᠬᠤᠶᠠᠷ ᠰᠤᠮᠤ ᠪᠠᠶᠢᠭᠠᠳ ᠤᠳᠤ ᠨᠡᠶᠢᠯᠡᠭᠡᠳ ᠭᠠᠯ ᠰᠢᠷᠠ ᠰᠤᠮᠤ ᠪᠤᠯᠵᠠᠢ᠃ ᠬᠤᠰᠢᠭᠤ | ᠨᠤᠳᠤᠭ ᠤᠨ ᠬᠡᠴᠡ ᠵᠠᠭᠠᠭ ᠢ ᠬᠤᠰᠢᠭᠤ ᠨᠤᠳᠤᠭ ᠤᠨ ᠲᠡᠮᠳᠡᠭᠯᠡᠯ ᠳᠤ᠄ ᠳ᠋ᠠᠷᠢ ᠪᠤᠯᠪᠠᠰᠤ ᠦᠶᠡ ᠤᠯᠠᠷᠢᠨ ᠬᠡᠷᠤᠯᠤᠨ ᠭᠤᠤᠯ ᠤᠨ ᠡᠮᠤᠨᠡ ᠪᠤᠷᠤ ᠪᠤᠳᠠᠰ ᠭᠡᠭᠦ ᠭᠠᠵᠠᠷ | ᠨᠤᠳᠤᠭᠯᠠᠨ ᠰᠠᠭᠤᠵᠠᠢ᠃ ᠬᠤᠰᠢᠭᠤᠨ ᠤ ᠪᠠᠶᠢᠰᠠ ᠳ᠋ᠠᠷᠢ ᠴᠠᠭᠠᠨ ᠪᠤᠯᠠᠬ ᠲᠤ ᠨᠤᠳᠤᠭᠯᠠᠨᠠ᠃ ᠵᠡᠭᠦᠨᠰᠢ ᠪᠤᠷᠤ ᠶᠢᠨ ᠵᠠᠬᠠ ᠬᠢᠯᠢ᠂ ᠪᠠᠷᠠᠭᠤᠨᠰᠢ ᠰᠤᠮᠤᠨ ᠬᠠᠳᠠ᠂ | ᠡᠮᠤᠨᠡᠰᠢ ᠴᠠᠭᠠᠨ ᠤᠰᠤ ᠮᠠᠷᠰᠠᠳᠠᠢ᠂ ᠬᠤᠶᠢᠰᠢ ᠲᠠᠯᠠ ᠪᠤᠯᠠᠬ ᠬᠦᠷᠴᠠᠢ ᠭᠡᠭᠦ ᠪᠤᠶᠤ ᠪᠠᠰᠠ ᠦᠭᠡᠷᠡ ᠪᠠᠷ ᠵᠡᠭᠦᠨᠰᠢ ᠴᠠᠬᠤ ᠪᠤᠯᠠᠬ᠂ ᠡᠮᠤᠨᠡᠰᠢ ᠦᠨᠳᠤᠷ ᠬᠠᠷᠠ | ᠲᠤᠯᠤᠭᠠᠢ᠂ ᠪᠠᠷᠠᠭᠤᠨᠰᠢ ᠨᠡᠭᠦᠷᠡᠰᠤ ᠲᠠᠢ ᠤᠰᠤ᠂ ᠬᠤᠶᠢᠰᠢ ᠬᠦᠳᠡᠭᠡᠨ ᠡᠯᠢᠶᠡ ᠠᠭᠤᠯᠠ᠂ ᠵᠡᠭᠦᠨ ᠬᠤᠶᠢᠰᠢ ᠶᠡᠭᠡ ᠨᠡᠷᠡᠳᠤ ᠠᠭᠤᠯᠠ᠂ ᠪᠠᠷᠠᠭᠤᠨ ᠬᠤᠶᠢᠰᠢ ᠡᠷᠬᠢᠨᠡᠭ | ᠠᠭᠤᠯᠠ᠂ ᠵᠡᠭᠦᠨ ᠡᠮᠤᠨᠡᠰᠢ ᠠᠭᠤᠰᠬᠢ ᠶᠢᠨ ᠠᠭᠤᠯᠠ᠂ ᠪᠠᠷᠠᠭᠤᠨ ᠡᠮᠤᠨᠡᠰᠢ ᠴᠠᠭᠠᠨ ᠬᠦᠳᠤᠯ ᠬᠦᠷᠴᠠᠢ ᠭᠡᠵᠤ ᠪᠢᠴᠢᠭᠰᠡᠨ ᠪᠤᠢ︾ ︵5︶ ᠭᠡᠰᠡᠨ ᠲᠡᠮᠳᠡᠭᠯᠡᠯ | ᠪᠠᠶᠢᠳᠠᠬ᠃ ᠬᠤᠰᠢᠭᠤᠨ ᠤ ᠨᠤᠶᠠᠳ ᠤᠨ ᠤᠭ ᠡᠬᠢ ᠭᠡᠪᠡᠯ᠄ ᠪᠠᠶᠢᠰᠠ ᠳ᠋ᠠᠷᠢ ︵1691 — 1692︶ — ᠪᠠᠶᠢᠰᠠ ᠠᠬᠠᠢ ᠴᠧᠮᠪᠡᠯ ︵1692 — | 1701︶ — ᠪᠠᠶᠢᠰᠠ ᠷᠠᠪᠳᠠᠨ ︵1701 — 1732︶ — ᠪᠠᠶᠢᠰᠠ ᠸᠠᠩᠵᠢᠯ ︵1732 — 1762︶ ᠁ ᠪᠢᠯᠡ᠃ ᠰᠢᠨᠡ ᠪᠠᠷᠭᠤ ᠶᠢᠨ | ᠲᠡᠭᠡᠳᠤᠰ ᠸᠠᠩᠵᠢᠯ ᠤᠨ ᠬᠤᠰᠢᠭᠤᠨ ᠤ ᠵᠠᠬᠢᠷᠭᠠ ᠪᠠᠶᠢᠬᠰᠠᠨ ᠦᠶᠡ ᠳᠤ ᠲᠡᠭᠦᠨ ᠤ ᠬᠤᠰᠢᠭᠤᠨ ᠠᠴᠠ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠭᠰᠨᠨ ᠪᠢᠯᠡ᠃ | ᠲᠦᠷᠪᠡ᠂ ᠲᠤᠷᠤᠨᠠ ᠵᠠᠮ ᠤᠨ ᠵᠡᠭᠦᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ | ᠲᠤᠰ ᠬᠤᠰᠢᠭᠤ ᠮᠠᠨᠵᠤ ᠶᠢᠨ ᠨᠤᠶᠠᠷᠬᠠᠯ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠲᠤᠷᠤᠨᠠ ᠵᠠᠮ ᠤᠨ ᠵᠡᠭᠦᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠭᠡᠳᠡᠭ | ᠨᠡᠷᠡ ᠲᠠᠢ ᠪᠠᠶᠢᠪᠠ᠃ ᠲᠤᠰ ᠬᠤᠰᠢᠭᠤ ︽ᠪᠤᠬᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠦᠶᠡ ᠳᠤ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠬᠤᠱᠤᠢ ᠴᠢᠨ ᠸᠠᠩ ᠤᠨ ᠬᠤᠰᠢᠭᠤ | ᠭᠡᠵᠤ ᠨᠡᠷᠡᠯᠡᠭᠳᠡᠨ᠂ ᠰᠤᠮᠤ᠂ ᠤᠳᠤᠭ ᠲᠤ ᠬᠤᠪᠢᠶᠠᠬᠳᠠᠵᠤ ᠪᠠᠶᠢᠪᠠ᠃ ᠠᠷᠠᠳ ᠤᠨ ᠵᠠᠰᠠᠬ ᠤᠨ ᠡᠬᠢᠨ ᠤ ᠵᠢᠯ ᠤᠳ ᠲᠤ ᠬᠠᠨ ᠬᠡᠨᠳᠠᠢ ᠠᠶᠢᠮᠠᠬ ᠤᠨ ᠲᠦᠮᠡᠨᠴᠤᠬᠳᠤ | ᠠᠭᠤᠯᠠ ᠶᠢᠨ ᠬᠤᠰᠢᠭᠤ ᠭᠡᠵᠤ ᠨᠡᠷᠡᠯᠡᠭᠳᠡᠨ ᠵᠢᠪᠬᠤᠯᠠᠩ — ᠤᠪᠤᠭᠠ᠂ ᠴᠠᠭᠠᠨ — ᠤᠪᠤᠭᠠ ᠬᠤᠶᠠᠷ ᠰᠤᠮᠤ ᠲᠠᠢ ᠶᠠᠪᠤᠵᠤ ᠪᠠᠶᠢᠭᠠᠳ 1926 ᠤᠨ ᠳᠤ | ᠮᠦᠡᠭᠬᠡ ᠬᠠᠨ ᠠᠭᠤᠯᠠ ᠶᠢᠨ ᠬᠤᠰᠢᠭᠤᠨ ᠳᠤ ᠨᠡᠶᠢᠯᠠᠵᠠᠢ᠃ ᠤᠳᠤ ᠰᠦᠭᠡᠪᠠᠭᠠᠳᠤᠷ ᠠᠶᠢᠮᠠᠬ ᠤᠨ ᠲᠦᠮᠡᠨᠴᠤᠬᠳᠤ᠂ ᠬᠡᠨᠳᠠᠢ ᠠᠶᠢᠮᠠᠬ ᠤᠨ ᠪᠠᠶᠠᠨ — ᠤᠪᠤᠭᠠ᠂ | ᠨᠤᠷᠪᠤᠯᠢᠨ ᠰᠤᠮᠤ ᠶᠢᠨ ᠵᠠᠷᠢᠮ ᠭᠡᠰᠡᠭ ᠲᠤ ᠪᠤᠢ᠃ ᠬᠤᠰᠢᠭᠤ ᠨᠤᠳᠤᠭ ᠤᠨ ᠬᠡᠴᠡ ᠵᠠᠭᠠᠭ᠄ ᠵᠡᠭᠦᠨᠡ ᠪᠤᠭᠤᠨᠢ ᠬᠤᠰᠢᠭᠤ ᠠᠭᠤᠯᠠ ᠶᠢᠨ ᠡᠮᠤᠨᠡᠳᠤ ᠳᠤ ᠲᠤᠮᠳᠠ | ᠲᠦᠷᠢᠨ᠂ ᠪᠠᠷᠠᠭᠤᠨᠰᠢ ᠲᠡᠭᠡᠷᠡᠮᠳᠤ ᠠᠭᠤᠯᠠ᠂ ᠬᠤᠶᠢᠰᠢ ᠶᠡᠭᠡ ᠭᠠᠵᠠᠷ ᠬᠦᠷᠴᠠᠢ᠃ ᠵᠡᠭᠦᠨ ᠬᠤᠶᠢᠰᠢ ᠶᠡᠭᠡ ᠭᠠᠵᠠᠷ ᠤᠨ ᠵᠡᠭᠦᠨ ᠬᠦᠳᠤᠯ᠂ ᠪᠠᠷᠠᠭᠤᠨ ᠬᠤᠶᠢᠰᠢ | ᠲᠦᠮᠤᠰᠤᠳᠠᠢ᠂ ᠵᠡᠭᠦᠨ ᠡᠮᠤᠨᠡᠰᠢ ᠰᠢᠷᠠ ᠬᠠᠳᠠ᠂ ᠪᠠᠷᠠᠭᠤᠨ ᠡᠮᠤᠨᠡᠰᠢ ᠵᠠᠮ ᠤᠨ ᠱᠠᠩᠳᠤ ᠬᠦᠷᠴᠠᠢ ᠭᠡᠮᠡᠨ ᠬᠤᠰᠢᠭᠤ ᠨᠤᠳᠤᠭ ᠤᠨ ᠲᠡᠮᠳᠡᠭᠯᠡᠯ ᠳᠤ ᠪᠢᠴᠢᠭᠰᠡᠨ | ᠪᠠᠶᠢᠨᠠ︾ ︵6︶ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠬ᠃ ᠬᠤᠰᠢᠭᠤᠨ ᠤ ᠨᠤᠶᠠᠳ ᠤᠨ ᠤᠭ ᠡᠬᠢ ᠭᠡᠪᠡᠯ᠄ ᠴᠢᠨ ᠸᠠᠩ ᠨᠠᠮᠵᠢᠯ ︵1691 — 1721︶ — | ᠸᠠᠩ ᠲᠡᠮᠷᠢᠨᠳᠤᠷᠵᠢ ︵1721 — 1732︶ — ᠸᠠᠩ ᠲᠤᠷᠵᠢᠵᠠᠯ ︵1731 — 1740︶ ᠁ ᠪᠢᠯᠡ᠃ ᠰᠢᠨᠡ ᠪᠠᠷᠭᠤ ᠶᠢᠨ ᠲᠡᠭᠡᠳᠤᠰ | ᠲᠤᠷᠵᠢᠵᠠᠯ ᠤᠨ ᠬᠤᠰᠢᠭᠤᠨ ᠤ ᠵᠠᠬᠢᠷᠭᠠ ᠪᠠᠶᠢᠬᠰᠠᠨ ᠦᠶᠡ ᠳᠤ ᠲᠡᠭᠦᠨ ᠤ ᠬᠤᠰᠢᠭᠤᠨ ᠠᠴᠠ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠭᠰᠡᠨ ᠪᠢᠯᠡ᠃ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ | ᠲᠦᠷᠪᠡᠨ ᠬᠤᠰᠢᠭᠤᠨ ᠠᠴᠠ ᠬᠦᠯᠤᠨ ᠪᠤᠶᠢᠷ ᠲᠤ ᠨᠡᠭᠦᠵᠤ ᠢᠷᠡᠭᠰᠡᠨ ᠪᠠᠷᠭᠤᠴᠤᠳ ᠢ 1734 ᠤᠨ ᠳᠤ ᠬᠤᠶᠠᠷ ᠭᠠᠷ᠂ ᠨᠠᠢᠮᠠᠨ ᠬᠤᠰᠢᠭᠤ᠂ 40 ᠰᠤᠮᠤ ᠪᠤᠯᠭᠠᠨ | ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠪᠠᠷᠠᠭᠤᠨ ᠭᠠᠷ ᠢ ᠤᠷᠱᠤᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠤ᠂ ᠵᠡᠭᠦᠨ ᠲᠠᠯᠠ ᠳᠤ ᠲᠤᠰ ᠲᠤᠰ ᠨᠤᠳᠤᠬᠰᠢᠭᠤᠯᠵᠠᠢ᠃ ᠲᠡᠭᠦᠨ ᠤ ᠲᠠᠷᠠᠭᠠ | ᠨᠠᠢᠮᠠᠨ ᠵᠢᠯ ᠪᠤᠯᠤᠭᠠᠳ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ 1742 ᠤᠨ ᠳᠤ ᠬᠠᠷᠠᠮᠦ᠋ᠷᠡᠨ ᠤ ᠵᠠᠩᠵᠤᠨ ᠠᠴᠠ ᠠᠶᠢᠯᠠᠳᠬᠠᠵᠤ᠂ ᠬᠤᠰᠢᠭᠤ ᠪᠦᠷᠢ ᠠᠴᠠ ᠬᠤᠶᠠᠷ ᠰᠤᠮᠤ ᠶᠢ | ᠬᠠᠰᠤᠵᠤ ᠪᠦᠭᠦᠳᠡ 24 ᠰᠤᠮᠤ ᠪᠤᠯᠭᠠᠵᠠᠢ᠃ ᠰᠢᠨᠡ ᠪᠠᠷᠭᠤᠴᠤᠳ ᠤᠨ ᠰᠡᠴᠡᠨ ᠬᠠᠨ ᠠᠶᠢᠮᠠᠬ ᠤᠨ ᠬᠤᠰᠢᠭᠤᠳ ᠠᠴᠠ ᠨᠡᠭᠦᠵᠤ ᠢᠷᠡᠭᠰᠡᠨ ᠲᠤᠪᠴᠢ ᠪᠠᠶᠢᠳᠠᠯ | ᠡᠶᠢᠮᠤ ᠪᠢᠯᠡ᠃ | | ᠵᠠᠭᠦᠯᠳᠡ᠄ | ︵1︶ ᠰᠤᠩᠭᠤᠤᠯ ᠪ᠊ · ᠨᠠᠴᠤᠬᠳᠤᠷᠵᠢ᠂ ︽ᠰᠢᠨᠡ ᠪᠠᠷᠭᠤ ᠶᠢᠨ ᠤᠷᠤᠰ ᠲᠤ ᠪᠤᠰᠴᠤ ᠤᠴᠢᠬᠰᠨᠨ ᠲᠤᠬᠠᠢ ᠦᠭᠦᠯᠡᠬᠦ ᠨᠢ︾᠂ 2011 ᠤᠨ᠃ | ︵2︶ ᠨᠠᠮᠰᠠᠷᠠᠢ᠂ ︽ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠮᠤᠩᠭᠤᠯ ᠬᠤᠰᠢᠭᠤ ᠴᠢᠭᠤᠯᠭᠠᠨ︾᠂ ᠦᠪᠤᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ | 2011 ᠤᠨ᠃ | ︵3︶ ︵4︶ ︵5︶ ︵6︶ ᠼ᠊ · ᠰᠤᠨᠤᠮᠳᠠᠬᠪᠠ᠂ ︽ᠮᠤᠩᠭᠤᠯ ᠤᠯᠤᠰ ᠤᠨ ᠵᠠᠰᠠᠬ ᠵᠠᠬᠢᠷᠭᠠᠨ ᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ | ᠰᠢᠨᠡᠴᠢᠯᠡᠯᠳᠡ ︵1691 — 1997︶︾᠂ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠ᠂ 1998 ᠤᠨ | |