| ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠭᠠᠨᠵᠤᠤᠷ ᠰᠦᠮᠡ ᠶᠢ 1784 ᠣᠨ ᠳᠤ ᠪᠤᠶᠠᠨᠲᠤ ᠪᠦᠷᠢᠳᠦ ᠬᠡᠮᠡᠬᠦ ᠭᠠᠵᠠᠷ ᠲᠤ ᠪᠠᠷᠢᠵᠠᠢ᠃ ᠡᠨᠡ ᠰᠥᠮᠡ ᠳᠤ ᠵᠢᠯ | ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 7 — 15 ᠤ ᠡᠳᠦᠷ ᠬᠦᠷᠲᠡᠯᠡ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠯᠠᠮᠠ ᠨᠠᠷ ᠴᠤᠭᠯᠠᠷᠠᠵᠤ ᠶᠡᠭᠡ ᠬᠤᠷᠠᠯ | ᠬᠤᠷᠠᠳᠠᠭ᠃ ᠭᠠᠨᠵᠤᠤᠷ ᠴᠤᠭᠯᠠᠭᠠᠨ ᠨᠢ ᠳᠣᠯᠣᠨ ᠨᠠᠭᠤᠷ᠂ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠵᠡᠷᠭᠡ ᠭᠠᠵᠠᠷ ᠠᠴᠠ ᠬᠦᠯᠦᠨ ᠪᠥᠢᠷ ᠤᠨ ᠰᠢᠨᠡ ᠪᠠᠷᠭᠤ ᠶᠢᠨ ᠨᠤᠲᠤᠭ ᠢᠶᠠᠷ | ᠠᠷᠠᠯᠵᠢᠶᠠ ᠬᠢᠳᠡᠭ ᠬᠤᠳᠠᠯᠳᠤᠭᠠᠴᠢᠳ᠂ ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠴᠠᠭ ᠪᠤᠯᠬᠤ ᠦᠶᠡ ᠳᠤ ᠭᠠᠨᠵᠤᠤᠷ ᠰᠦᠮᠡ ᠶᠢᠨ ᠶᠡᠭᠡ ᠬᠤᠷᠠᠯ ᠢᠶᠠᠷ ᠴᠤᠭᠯᠠᠷᠠᠨ᠂ ᠡᠳ᠋ | ᠪᠠᠷᠠᠭᠠ ᠪᠠᠨ ᠪᠤᠷᠤᠯᠠᠭᠤᠯᠤᠭᠠᠳ ᠨᠤᠲᠤᠭ ᠤᠷᠤᠨ ᠳᠤ ᠪᠠᠨ ᠪᠤᠴᠠᠳᠠᠭ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠭᠠᠨᠵᠤᠤᠷ ᠴᠤᠭᠯᠠᠭᠠᠨ ᠭᠡᠵᠦ ᠨᠡᠷᠡᠰᠢᠵᠠᠢ᠃ ᠡᠨᠡ ᠬᠦ ᠴᠤᠭᠯᠠᠭᠠᠨ ᠨᠢ | ᠤᠯᠠᠮ ᠥᠷᠭᠡᠵᠢᠵᠦ᠂ 1787 ᠣᠨ ᠪᠤᠯᠬᠤ ᠳᠤ ︽ᠪᠠᠷᠭᠤ ᠶᠢᠨ ᠭᠠᠨᠵᠤᠤᠷ ᠴᠤᠭᠯᠠᠭᠠᠨ︾ ᠭᠡᠵᠦ ᠬᠤᠯᠠ ᠣᠶᠢᠷᠠ ᠳᠤ ᠪᠠᠨ ᠠᠯᠳᠠᠷᠰᠢᠪᠠ᠃ ᠵᠢᠯ ᠪᠦᠷᠢ ᠶᠢᠨ | ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 1 — 5 ᠬᠦᠷᠲᠡᠯᠡ ᠬᠢᠳᠡᠭ ᠲᠡᠷᠡ ᠬᠦ ᠴᠤᠭᠯᠠᠭᠠᠨ ᠢ ᠮᠠᠶᠢᠷᠠᠨ ᠵᠠᠩᠭᠢ ᠶᠢᠨ ᠶᠠᠮᠤᠨ ᠠᠴᠠ ᠲᠤᠰᠬᠠᠢ | ᠲᠤᠮᠢᠯᠠᠭᠰᠠᠨ ᠲᠦᠰᠢᠮᠡᠳ ᠤᠨ ᠬᠠᠮᠢᠶᠠᠷᠤᠯᠲᠠ ᠳᠤᠤᠷᠠ ᠭᠠᠨᠵᠤᠤᠷ ᠰᠦᠮᠡ ᠠᠴᠠ ᠵᠠᠶᠢᠲᠠᠢ ᠪᠠᠶᠢᠭᠠ ᠮᠡᠨᠢᠲᠤ ᠶᠢᠨ ᠭᠠᠩᠭᠠᠨ ᠤ ᠪᠠᠷᠠᠭᠤᠨ ᠡᠮᠦᠨᠠ ᠬᠢᠳᠡᠭ ᠪᠠᠶᠢᠵᠠᠢ᠃ | | 1936 ᠣᠨ ᠠᠴᠠ ᠡᠬᠢᠯᠡᠵᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠳᠤᠮᠳᠠᠭᠤᠷᠯᠠᠬᠤ ᠦᠶᠡ ᠳᠤ ︽ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠬᠢᠳᠡᠭ ᠪᠣᠯᠵᠠᠢ᠃ | 1948 ᠣᠨ ᠳᠤ ᠭᠠᠨᠵᠤᠤᠷ ᠴᠤᠭᠯᠠᠭᠠᠨ ᠢ ︽ᠬᠥᠯᠦᠨ ᠪᠥᠢᠷ ᠠᠶᠢᠮᠠᠭ ᠤᠨ ᠨᠠᠭᠠᠳᠤᠮ︾ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠭᠡᠳ 1962 ᠣᠨ ᠪᠤᠯᠲᠠᠯᠠ | ᠦᠷᠭᠦᠯᠵᠢᠯᠡᠪᠡ᠃ | ᠭᠠᠨᠵᠤᠤᠷ ᠴᠤᠭᠯᠠᠭᠠᠨ ᠳᠤ ᠡᠵᠢ ᠨᠠᠭᠤᠷ ᠤᠨ ᠳᠠᠪᠤᠰᠤ᠂ ᠪᠤᠳᠬᠠ ᠳᠠᠭᠤᠷ ᠤᠨ ᠴᠠᠷᠠᠰᠤᠨ ᠭᠡᠭᠡᠰᠦ ᠲᠠᠢ ᠰᠢᠷᠠ ᠪᠤᠯᠤ ᠲᠠᠢ ᠮᠤᠳᠤᠨ ᠲᠡᠷᠭᠡ ᠪᠠ ᠪᠦᠰ ᠪᠠᠷᠠᠭᠠ | ᠂ ᠠᠮᠤ ᠪᠤᠳᠠᠭᠠ᠂ ᠰᠢᠬᠢᠷ ᠠᠮᠲᠠᠲᠠᠨ ᠢᠶᠠᠷ ᠡᠯᠳᠡᠭ ᠳᠡᠯᠪᠡᠭ ᠪᠠᠶᠢᠵᠤ᠂ ᠠᠯᠳᠠ ᠮᠥᠩᠭᠦ᠂ ᠭᠠᠤᠯᠢ ᠵᠡᠰ᠂ ᠲᠡᠮᠦᠷ ᠮᠤᠳᠤᠨ ᠤ ᠳᠠᠷᠬᠠᠨᠴᠤᠳ ᠤᠯᠠᠨ ᠴᠤᠭᠯᠠᠷᠠᠵᠤ᠂ | ᠬᠤᠭᠤᠯᠠᠨ ᠭᠡᠷ ᠴᠦ ᠤᠯᠠᠨ ᠢᠷᠡᠳᠡᠭ᠃ ᠲᠡᠷᠡ ᠦᠶᠡ ᠳᠤ ᠬᠦᠮᠦᠰ ︽ᠭᠠᠨᠵᠤᠤᠷ ᠴᠤᠭᠯᠠᠭᠠᠨ ᠳᠤ ᠨᠤᠬᠠᠢ ᠶᠢᠨ ᠲᠤᠭᠤᠷᠠᠢ᠂ ᠨᠤᠭᠤᠭᠠᠨ ᠬᠤᠷᠠᠭᠠᠨ ᠤ | ᠠᠷᠠᠰᠤᠨ ᠠᠴᠠ ᠥᠭᠡᠷᠡ ᠪᠠᠶᠢᠬᠤ ᠦᠬᠡᠢ ᠶᠠᠭᠤᠮᠠ ᠭᠡᠵᠦ ᠦᠬᠡᠢ︾ ᠭᠡᠯᠴᠡᠳᠡᠭ ᠭᠡᠨᠡ᠃ ᠪᠠᠷᠭᠤᠴᠣᠳ ᠨᠢᠭᠡ ᠵᠢᠯ ᠳᠤ ᠬᠡᠷᠡᠭᠯᠡᠬᠦ ᠠᠮᠤ ᠪᠤᠳᠠᠭᠠ᠂ ᠪᠦᠰ ᠪᠠᠷᠠᠭᠠ᠂ | ᠴᠠᠢ ᠵᠡᠷᠭᠡ ᠵᠦᠢᠯ ᠢ ᠲᠤᠰ ᠵᠢᠯ ᠤᠨ ᠴᠤᠭᠯᠠᠭᠠᠨ ᠠᠴᠠ ᠠᠪᠤᠭᠠᠳ ᠳᠠᠷᠠᠭᠠ ᠵᠢᠯ ᠤᠨ ᠴᠤᠭᠯᠠᠭᠠᠨ ᠪᠤᠯᠲᠠᠯᠠ ᠬᠦᠶᠦᠯᠭᠡᠬᠦᠷ ᠮᠠᠶᠢᠮᠠᠢ ᠠᠴᠠ ᠪᠠᠭᠠ ᠰᠠᠭᠠ ᠶᠠᠭᠤᠮᠠ | ᠠᠪᠬᠤ ᠠᠴᠠ ᠥᠭᠡᠷᠡ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠳᠡᠭ ᠦᠬᠡᠢ᠃ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠶᠡᠭᠡ ᠬᠥᠭᠵᠢᠶᠡᠨᠲᠡᠢ ᠶᠠᠪᠤᠭᠳᠠᠳᠠᠭ᠃ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠨᠢ ᠥᠷᠭᠡᠵᠢᠭᠡᠳ ᠪᠦᠬᠦ ᠠᠶᠢᠮᠠᠭ ᠤᠨ ᠮᠠᠯᠵᠢᠬᠤ | ᠬᠤᠰᠢᠭᠤᠳ ᠠᠴᠠ ᠴᠦᠮ ᠤᠶᠠᠭᠠ ᠮᠣᠷᠢ ᠢᠷᠡᠵᠦ ᠤᠷᠤᠯᠳᠤᠳᠠᠭ ᠠᠴᠠ ᠳᠠᠩᠳᠠ ᠪᠦᠷ ᠰᠢᠯᠭᠠᠷᠠᠭᠰᠠᠨ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠪᠣᠯᠳᠠᠭ᠃ ᠪᠦᠬᠡᠴᠦᠳ ᠨᠢ | ᠭᠤᠣᠯᠳᠠᠭᠤ ᠪᠦᠬᠦ ᠠᠶᠢᠮᠠᠭ ᠤᠨ ᠬᠡᠪᠴᠢᠶᠡᠨ ᠳᠤ ᠰᠢᠯᠢᠳᠡᠭ ᠪᠦᠭᠡᠴᠦᠳ ᠤᠨ ᠤᠷᠤᠯᠳᠤᠭᠠᠨ ᠪᠤᠯᠵᠤ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ ᠤᠷᠤᠨ ᠤ ᠳᠤᠲᠤᠷᠠᠬᠢ ᠰᠢᠯᠢᠳᠡᠭ | ᠪᠦᠬᠡᠴᠦᠳ ᠢᠷᠡᠵᠦ ᠪᠠᠷᠢᠯᠳᠤᠳᠠᠭ ᠪᠣᠯᠵᠠᠢ᠃ ᠲᠦᠩᠭᠡ ᠬᠠᠷᠪᠤᠯᠭᠠ ᠴᠦ ᠶᠡᠭᠡ ᠬᠦᠭᠵᠢᠶᠡᠨᠲᠡᠢ ᠶᠠᠪᠤᠭᠳᠠᠳᠠᠭ᠃ ᠮᠡᠷᠭᠡᠨ ᠬᠠᠷᠪᠤᠭᠴᠢᠳ ᠨᠡᠯᠢᠶᠡᠳ ᠪᠠᠶᠢᠭᠰᠠᠨ᠃ | ᠪᠠᠰᠠ ᠮᠤᠩᠭᠤᠯ ᠰᠢᠲᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠳᠠᠭ᠃ ᠨᠡᠷᠡ ᠴᠤᠤ ᠲᠠᠢ ᠮᠠᠩᠯᠠᠢ ᠰᠢᠲᠠᠷᠠᠴᠢᠳ ᠴᠤᠯᠭᠤᠷᠠᠨ ᠭᠠᠷᠴᠤ ᠪᠠᠶᠢᠵᠠᠢ᠃ ᠭᠠᠨᠵᠤᠤᠷ | ᠴᠤᠭᠯᠠᠭᠠᠨ ᠪᠤᠯ ᠱᠠᠰᠢᠨ ᠤ ᠬᠤᠷᠠᠯ᠂ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ᠂ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠵᠡᠷᠭᠡ ᠣᠨᠴᠠᠯᠢᠭ ᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠤᠷᠤᠰ᠂ ᠬᠠᠯᠬᠠ᠂ | ᠦᠵᠦᠮᠦᠴᠢᠨ᠂ ᠪᠣᠳᠬᠠ ᠶᠢᠨ ᠳᠠᠭᠤᠷᠴᠤᠳ ᠪᠣᠯᠣᠨ ᠤᠯᠠᠨ ᠭᠠᠵᠠᠷ ᠤᠨ ᠠᠷᠠᠯᠵᠢᠶᠠᠴᠢᠳ ᠴᠤᠭᠯᠠᠷᠠᠭᠰᠠᠨ ᠶᠡᠭᠡ ᠴᠤᠭᠯᠠᠭᠠᠨ ᠪᠤᠯᠤᠨᠠ᠃ | | ᠨᠣᠮ ᠵᠥᠢ᠄ ᠴᠤ᠋ · ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠪᠠ᠄ ︽ᠪᠠᠷᠭᠤ ᠵᠠᠩ ᠦᠢᠯᠡ︾ ︵ᠪᠠᠷᠭᠤ ᠰᠣᠶᠤᠯ ᠤᠨ ᠴᠤᠪᠤᠷᠠᠯ ᠪᠢᠴᠢᠭ 3︶᠂ ︵ᠥᠪᠦᠷ | ᠮᠣᠩᠭᠤᠯ ᠤᠨ ᠰᠣᠶᠣᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ︶ 2004 ᠣᠨ︔ | |