| 1945 ᠤᠨ ᠤ ᠨᠠᠢᠮᠠᠨ ᠰᠠᠷᠠ ᠳᠤ ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠪᠠᠭᠤᠵᠤ ᠦᠭᠭᠦ ᠠᠴᠠ ᠡᠮᠤᠨᠠ᠂ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤ ᠴᠤᠬᠤᠮ ᠬᠡᠴᠢᠨᠠᠨ | ᠮᠠᠯ ᠲᠠᠢ ᠪᠠᠶᠢᠬᠰᠠᠨ ᠲᠤᠬᠠᠢ ᠡᠳᠤᠬᠡ ᠬᠦᠷᠳᠡᠯᠠ ᠦᠨᠡᠨ ᠪᠤᠳᠠᠳᠠᠢ ᠲᠤᠭᠠ ᠪᠦᠷᠢᠳᠬᠡᠯ ᠬᠡᠵᠤ ᠦᠬᠡᠢ᠃ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰ ᠤᠨ ᠦᠶᠠ ᠳᠤ ᠬᠠᠭᠤᠴᠢᠨ | ᠪᠠᠷᠭᠤ ᠬᠤᠰᠢᠭᠤ ᠶᠠᠮᠤᠨ ᠤ ᠡᠳ᠋ ᠤᠨ ᠵᠠᠰᠠᠭ ᠤᠨ ᠲᠠᠰᠤᠭ ᠤᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠦᠡᠭᠭᠡᠷᠡᠭᠰᠡᠨ ᠱᠠᠰᠢ ᠨᠡᠰᠤᠳᠠᠨ ᠤ ᠡᠷᠬᠢᠴᠡᠬᠦᠯᠦᠨ | ᠬᠡᠯᠡᠭᠰᠡᠨ ᠢᠶᠠᠷ ᠶᠠᠫᠤᠨ ᠰᠦᠢᠷᠡᠬᠦ ᠠᠴᠠ ᠡᠮᠤᠨᠠ᠂ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤ 42 ᠲᠦᠮᠡᠨ ᠲᠤᠯᠤᠭᠠᠢ ᠮᠠᠯ ᠲᠠᠢ ᠪᠠᠶᠢᠭᠰᠠᠨ ᠬᠡᠨᠠ᠃ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ | ᠦᠶᠠ ᠳᠤ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠳᠤ ᠬᠤᠶᠠᠳᠠᠭᠴᠢ ᠬᠤᠰᠢᠭᠤᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠡᠬᠦᠷᠬᠡᠯᠡᠭᠰᠡᠨ ᠫᠢᠡᠭ ᠹᠦ᠋ ᠭᠤᠸᠠᠢ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ | ᠲᠠᠷᠠᠭᠠ ᠡᠷᠭᠢᠴᠡᠭᠦᠯᠦᠰᠡᠨ ᠢᠶᠠᠷ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤ 1939 ᠤᠨ ᠤ ᠦᠶᠠ ᠳᠤ 39 ᠲᠦᠮᠡᠨ ᠲᠤᠯᠤᠭᠠᠢ ᠮᠠᠯ ᠲᠠᠢ ᠪᠠᠶᠢᠵᠡᠢ ᠭᠡᠨᠠ᠃ | ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ᠂ ᠬᠦᠯᠦᠨ ᠪᠤᠶᠢᠷ ᠠᠶᠢᠮᠠᠭ ᠤᠨ ᠲᠦᠯᠦᠪᠯᠡᠭᠡ ᠶᠢᠨ ᠺᠤᠮᠢᠰ ᠠᠴᠠ ᠨᠠᠶᠢᠷᠠᠭᠤᠯᠤᠭᠰᠠᠨ ︽1946 ᠤᠨ ᠠᠴᠠ 1958 ᠤᠨ | ᠬᠦᠷᠳᠡᠯᠡᠬᠢ ᠤᠯᠤᠰ ᠠᠷᠠᠳ ᠤᠨ ᠠᠵᠤ ᠠᠬᠤᠢ ᠶᠢᠨ ᠲᠤᠭᠠ ᠪᠦᠷᠢᠳᠬᠡᠯ︾ ᠤᠨ ᠮᠡᠲ᠋ᠧᠷᠢᠶᠠᠯ ᠢ ᠦᠨᠳᠤᠰᠤᠯᠠᠪᠠᠯ᠂ ᠶᠠᠫᠤᠨ ᠪᠠᠭᠤᠵᠤ ᠦᠭᠭᠦ ᠦᠶᠠ ᠳᠤ ᠬᠠᠭᠤᠴᠢᠨ | ᠪᠠᠷᠭᠤ ᠬᠤᠰᠢᠭᠤᠨ ᠳᠤ 199,354 ᠲᠤᠯᠤᠭᠠᠢ ᠮᠠᠯ ᠪᠠᠶᠢᠬᠰᠠᠨ ᠲᠡᠮᠳᠡᠭᠯᠡᠯ ᠲᠠᠢ ᠶᠤᠮ᠃ ᠬᠡᠳᠡᠯᠠ 1945 ᠤᠨ ᠤ 8 ᠰᠠᠷᠠ ᠳᠤ ᠵᠦᠪᠯᠡᠯᠳᠤ ᠶᠢᠨ ᠤᠯᠠᠭᠠᠨ | ᠴᠡᠷᠢᠭ ᠵᠠᠫᠤᠨ ᠤ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠳᠤ ᠲᠠᠶᠢᠨ ᠵᠠᠷᠯᠠᠵᠤ᠂ ᠮᠠᠨ ᠤ ᠬᠦᠯᠦᠨ ᠪᠤᠶᠢᠷ ᠤᠷᠤᠨ ᠲᠠᠶᠢᠨ ᠤ ᠬᠦᠯ ᠳᠤ ᠲᠠᠭᠠᠷᠢᠭᠳᠠᠭᠠᠳ᠂ ᠬᠠᠭᠤᠴᠢᠨ ᠪᠠᠷᠭᠤ | ᠬᠤᠰᠢᠭᠤᠨ ᠤ ᠪᠤᠢ ᠪᠦᠬᠦᠢ ᠮᠠᠯ ᠨᠢ ᠰᠦᠢᠳᠴᠤ ᠬᠤᠬᠢᠷᠠᠪᠠ ︵ᠵᠡᠷᠢᠮ ᠲᠡᠮᠳᠡᠭᠯᠡᠯ ᠳᠤ ᠤᠷᠤᠰ ᠴᠡᠷᠢᠭ 35 ᠲᠦᠮᠡᠨ ᠮᠠᠯ ᠢ ᠲᠠᠭᠤᠵᠤ ᠰᠦᠢᠳᠬᠡᠪᠡ ᠭᠡᠵᠤ ᠪᠤᠢ︶᠃ | | ᠡᠨᠡ ᠨᠢ ᠲᠠᠶᠢᠨ ᠲᠠᠵᠢᠨ ᠠᠴᠠ ᠪᠤᠯᠤᠭᠰᠠᠨ ᠰᠢᠯᠳᠠᠭᠠᠨ ᠪᠠᠶᠢᠬᠤ ᠪᠤᠯᠪᠠᠴᠤ ᠨᠦᠬᠦᠬᠡ ᠲᠠᠯᠠ ᠪᠠᠷ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠬᠤᠰᠢᠭᠤ ᠶᠠᠮᠤᠨ ᠤ ᠭᠤᠤᠯ | ᠡᠷᠬᠡ ᠶᠢ ᠠᠳᠬᠤᠵᠤ ᠪᠠᠶᠢᠭᠰᠠᠨ ᠨᠤᠶᠠᠳ ᠲᠤ ᠪᠠᠰᠠ ᠲᠤᠭᠳᠠᠭᠰᠠᠨ ᠬᠡᠮᠵᠢᠶᠠᠨ ᠤ ᠬᠠᠷᠢᠭᠤᠴᠠᠯᠭᠠ ᠪᠠᠶᠢᠬᠤ ᠶᠤᠮ᠃ ᠤᠷᠤᠰ ᠴᠡᠷᠢᠭ ᠤᠷᠤᠵᠤ ᠢᠷᠡᠭᠰᠡᠨ ᠤ | ᠰᠡᠬᠦᠯᠡᠷ ᠬᠤᠰᠢᠭᠤ ᠶᠠᠮᠤᠨ ᠤ ᠵᠠᠷᠢᠮ ᠭᠤᠤᠯ ᠡᠷᠬᠡ ᠪᠠᠷᠢᠭᠴᠢᠳ ᠰᠠᠮᠠᠭᠤᠷᠠᠯ ᠠᠴᠠ ᠠᠶᠤᠵᠤ ᠬᠦᠳᠡᠭᠡ ᠤᠳᠤᠷ ᠢᠶᠠᠷ ᠮᠤᠬᠤᠯᠠᠭ ᠲᠡᠷᠬᠡᠨ ᠤ ᠰᠤᠨᠳᠤᠭᠤᠢ ᠳᠤ | ᠨᠢᠭᠤᠭᠳᠠᠨ ᠵᠠᠶᠢᠯᠠᠵᠤ ᠲᠤᠳᠠᠭᠠᠭᠠᠳ ᠭᠠᠷᠴᠤ ᠢᠷᠡᠬᠦ ᠦᠬᠡᠢ᠂ ᠨᠤᠳᠤᠭ ᠤᠨ ᠠᠷᠠᠳ ᠪᠤᠯᠤᠨ ᠤᠯᠠᠭᠠᠨ ᠴᠡᠷᠢᠭ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠶᠢᠨ | ᠠᠰᠠᠭᠤᠳᠠᠯ ᠢ ᠵᠤᠬᠢᠰ ᠦᠬᠡᠢ ᠰᠢᠢᠳᠪᠤᠷᠢᠯᠡᠭᠰᠡᠨ ᠠᠴᠠ ᠬᠤᠰᠢᠭᠤᠨ ᠤ ᠠᠵᠤ ᠠᠬᠤᠢ ᠪᠤᠯᠤᠨ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠳᠤ ᠬᠦᠨᠳᠤ ᠨᠤᠴᠢᠳᠠᠢ ᠬᠤᠬᠢᠷᠠᠯ | ᠤᠴᠠᠷᠠᠭᠤᠯᠵᠤ᠂ ᠠᠷᠠᠳ ᠤᠨ ᠰᠠᠳᠬᠢᠯ ᠢ ᠠᠯᠳᠠᠭᠰᠠᠨ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶ ᠠ ᠳᠤ ᠤᠯᠠᠭᠠᠨ ᠴᠡᠷᠢᠭ ᠢᠳᠡᠰᠢᠨ ᠬᠤᠨᠢ ᠮᠠᠯ ᠠᠪᠤᠨᠠ ᠬᠡᠬᠦ ᠳᠤ ᠲᠠᠳᠠᠨᠤᠰ | ᠡᠯᠳᠡᠪ ᠢᠶᠠᠷ ᠠᠷᠭᠠᠴᠠᠨ ᠦᠭᠭᠦ ᠦᠬᠡᠢ ᠪᠤᠶᠤ ᠶᠠᠨᠳᠠᠩ ᠲᠤᠷᠤᠢ ᠮᠠᠯ ᠢᠶᠠᠨ ᠰᠢᠷᠪᠢᠵᠤ ᠦᠭᠭᠦᠭᠰᠡᠨ ᠠᠴᠠ ᠤᠯᠠᠭᠠᠨ ᠴᠡᠷᠢᠭ ᠤᠨ ᠡᠭᠳᠡᠬᠦᠤ ᠶᠢ ᠬᠦᠷᠬᠡᠭᠰᠡᠨ ᠤᠴᠢᠷ | ᠴᠤ ᠪᠤᠢ᠃ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠬᠠᠭᠤᠴᠢᠨ ᠪᠠᠷᠭᠤ ᠶᠢᠨ ᠮᠠᠷᠭᠡᠯ ᠵᠤᠨ ᠮᠡᠷᠭᠡᠯ ᠤᠨ ᠵᠤᠰᠠᠯᠠᠩ ᠠᠴᠠ ᠤᠷᠤᠭᠤᠳᠠᠵᠤ ᠨᠡᠭᠦᠬᠦ ᠵᠠᠭᠤᠷᠠ ᠮᠡᠷᠭᠡᠯ ᠭᠤᠤᠯ ᠤᠨ | ᠠᠷᠤ ᠳᠠᠬᠢ ᠲᠡᠭᠡᠳᠤ ᠬᠦᠵᠦᠬᠦᠪᠴᠢ ᠶᠢᠨ ︽ᠪᠤᠭᠤᠳᠤ︾ ᠳᠤ ᠦᠳᠡᠯᠡᠵᠤ ᠪᠠᠶᠢᠭᠰᠠᠨ ᠤᠯᠠᠭᠠᠨ ᠴᠡᠷᠢᠭ ᠤᠨ ᠬᠤᠸᠠᠷᠠᠨ — ᠲᠠᠶᠢᠨ ᠤ ᠨᠢᠰᠬᠡᠯ ᠤᠨ ᠪᠠᠭᠤᠳᠠᠯ | ᠲᠡᠭᠡᠷᠠ ᠲᠠᠰᠢᠶᠠᠷᠠᠨ ᠨᠡᠬᠦᠵᠤ ᠤᠷᠤᠭᠠᠳ ᠬᠦᠮᠦᠨ ᠮᠠᠯ ᠲᠠᠢ ᠪᠠᠨ ᠤᠯᠠᠭᠠᠨ ᠴᠡᠷᠢᠭ ᠲᠤ ᠪᠠᠷᠢᠭᠳᠠᠭᠰᠠᠨ ᠶᠤᠮ᠃ ᠡᠨᠡᠬᠦ ᠬᠡᠷᠡᠭ ᠤᠴᠢᠷ ᠨᠢ ᠦᠨᠡᠨᠳᠡᠬᠡᠨ ᠮᠠᠯᠴᠢᠨ | ᠠᠷᠠᠳ ᠲᠤ ᠬᠠᠷᠢᠭᠤᠴᠠᠯᠭᠠ ᠦᠬᠡᠢ ᠶᠤᠮ᠃ ᠵᠤᠰᠠᠯᠠᠩ ᠪᠠᠭᠤᠭᠰᠠᠨ ᠮᠠᠯᠴᠢᠳ ᠵᠦᠪᠬᠡᠨ ᠦᠪᠡᠷ ᠤᠨ ᠬᠤᠰᠢᠭᠤ ᠨᠤᠳᠤᠭ ᠲᠠᠭᠠᠨ ᠵᠤᠷᠰᠢᠭᠰᠠᠨ ᠨᠡᠬᠦᠳᠡᠯ ᠤᠨ | ᠵᠠᠮ ᠢᠶᠠᠷ ᠨᠡᠬᠦᠳᠡᠯᠯᠡᠨ ᠶᠠᠪᠤᠵᠤ᠂ ᠪᠠᠶᠢᠳᠠᠯ ᠮᠡᠳᠡᠬᠦ ᠦᠬᠡᠢ ᠪᠠᠷ ᠤᠷᠤᠰ ᠴᠡᠷᠢᠭ ᠤᠨ ᠲᠦᠷ ᠴᠠᠭ ᠤᠨ ᠨᠢᠰᠬᠡᠯ ᠤᠨ ᠪᠠᠭᠤᠳᠠᠯ ᠳᠤ ᠲᠠᠰᠢᠶᠠᠷᠠᠨ ᠤᠷᠤᠭᠰᠠᠨ ᠲᠠᠳᠤᠢ | ᠬᠡᠷᠡᠭ ᠤᠴᠢᠷ ᠪᠤᠯᠬᠤ ᠶᠤᠮ᠃ ᠬᠡᠪᠡᠴᠤ ᠤᠷᠤᠰ ᠴᠡᠷᠢᠭ᠂ ᠡᠨᠡᠬᠦ ᠬᠡᠷᠡᠭ ᠤᠴᠢᠷ ᠲᠤ ︽ᠴᠡᠷᠢᠭ ᠤᠨ ᠰᠠᠭᠤᠷᠢᠨ ᠭᠠᠵᠡᠷ ᠲᠤ ᠲᠠᠭᠠᠷᠢᠨ ᠤᠷᠤᠭᠰᠠᠨ︾ ᠶᠠᠯᠠ | ᠲᠤᠯᠭᠠᠵᠤ᠂ ᠨᠡᠬᠦᠳᠡᠯ ᠤᠨ ᠠᠷᠠᠳ ᠢ ᠨᠢᠬᠡ ᠲᠤᠤᠷᠠ ᠪᠦᠬᠡᠮᠨᠡᠷᠡᠬᠦᠯᠦᠨ ᠴᠤᠭᠯᠠᠭᠤᠯᠵᠤ᠂ ᠪᠦᠷᠢᠨ ᠵᠡᠪᠰᠡᠭᠯᠡᠭᠰᠡᠨ ᠴᠡᠷᠢᠭ ᠢᠶᠠᠷ ᠪᠦᠰᠠᠯᠠᠨ᠂ ᠡᠷᠡᠭᠳᠡᠢ ᠡᠮᠡᠭᠳᠡᠢ | ᠬᠦᠭᠰᠢᠨ ᠵᠠᠯᠠᠭᠤ ᠬᠡᠤᠬᠡᠳ ᠰᠢᠳᠬᠤᠨ ᠪᠤᠢ ᠪᠦᠬᠦᠢ ᠨᠡᠬᠦᠳᠡᠯ ᠤᠨ ᠠᠷᠠᠳ ᠢ ᠬᠦᠢᠰᠤ ᠲᠡᠮᠳᠡᠷᠢᠬᠦ ᠪᠠᠷ ᠤᠷᠤᠯᠳᠤᠪᠠ᠃ ᠶᠠᠭ ᠡᠨᠡ ᠦᠶᠠ ᠳᠤ ᠤᠯᠠᠭᠠᠨ ᠴᠡᠷᠢᠭ ᠤᠨ | ᠨᠢᠬᠡᠨ ᠨᠤᠶᠠᠨ ᠢᠷᠡᠵᠤ᠂ ᠡᠨᠡᠬᠦ ᠪᠠᠶᠢᠳᠠᠯ ᠢ ᠬᠤᠷᠢᠭᠯᠠᠨ ᠵᠤᠭᠰᠤᠭᠠᠭᠠᠳ ᠮᠠᠷᠭᠡᠯ ᠵᠤᠨ ᠤ ᠨᠡᠬᠦᠳᠡᠯ ᠤᠨ ᠠᠷᠠᠳ ᠢ ᠠᠯᠪᠠᠳᠠᠯᠭᠠ ᠪᠠᠷ ᠪᠢᠯᠳᠡᠷ ᠤᠷᠤᠭᠤ ᠨᠡᠬᠦᠯᠬᠡᠵᠤ᠂ | ᠲᠤᠮᠳᠠᠳᠤ ᠵᠦᠪᠯᠡᠯᠳᠤ ᠶᠢᠨ ᠬᠢᠯᠢ ᠪᠤᠯᠬᠤ ᠦᠷᠬᠡᠨ ᠭᠤᠤᠯ ᠤᠨ ᠬᠦᠪᠡᠬᠡᠨ ᠳᠤ ᠬᠦᠬᠡᠬᠡᠨ ᠠᠪᠠᠴᠢᠵᠡᠢ᠃ ᠡᠬᠦᠨ ᠤ ᠲᠠᠷᠠᠭᠠᠪᠡᠷ ᠤᠷᠤᠰ ᠴᠡᠷᠢᠭ ᠲᠡᠨᠢᠬᠡ ᠶᠢᠨ | ᠵᠤᠰᠠᠯᠠᠩ ᠠᠴᠠ ᠪᠤᠴᠠᠵᠤ ᠪᠠᠶᠢᠭᠠ ᠬᠠᠶᠢᠯᠠᠷ ᠵᠤᠨ ᠢ ᠪᠠᠰᠠ ᠠᠯᠪᠠᠳᠠᠯᠭᠠ ᠪᠠᠷ ᠬᠢᠯᠢ ᠦᠬᠡᠳᠡ ᠠᠪᠠᠴᠢᠪᠠ᠃ ᠡᠨᠡ ᠤᠳᠠᠭᠠ ᠶᠢᠨ ᠬᠡᠷᠡᠭ ᠤᠴᠢᠷ ᠦᠨᠡᠨᠳᠡᠬᠡᠨ | ᠬᠠᠶᠢᠯᠡᠷ ᠵᠤᠨ ᠳᠤ ᠬᠤᠯᠪᠤᠭᠳᠠᠬᠤ ᠦᠬᠡᠢ ᠶᠤᠮ᠃ ᠮᠡᠷᠬᠡᠯ ᠪᠡ ᠬᠠᠶᠢᠯᠠᠷ ᠵᠤᠨ ᠤ ᠠᠶᠢᠯ ᠤᠳ ᠤᠷᠤᠰ ᠴᠡᠷᠢᠭ ᠤᠨ ᠠᠯᠪᠠᠳᠠᠯᠭᠠ ᠪᠠᠷ ᠦᠷᠬᠡᠨ ᠭᠤᠤᠯ ᠤᠨ | ᠬᠦᠪᠡᠬᠡᠨ ᠳᠤ ᠨᠡᠬᠦᠵᠤ ᠤᠴᠢᠭᠠᠳ ᠰᠠᠷᠠ ᠭᠠᠷᠤᠢ ᠰᠠᠭᠤᠭᠰᠠᠨ ᠤ ᠲᠠᠷᠠᠭᠠ᠂ ᠤᠷᠤᠰ ᠴᠡᠷᠢᠭ ᠠᠴᠠ ᠡᠷᠦᠬᠡ ᠪᠦᠷᠢ ᠳᠤ ᠲᠠᠪᠤᠨ ᠪᠤᠳᠠ ᠮᠠᠯ ᠢ ᠦᠯᠡᠳᠡᠬᠡᠵᠤ | ᠦᠭᠭᠦᠭᠡᠳ ︵ᠤᠨᠴᠠ ᠵᠠᠷᠢᠮ ᠠᠶᠢᠯ ᠨᠢ ᠬᠤᠶᠠᠷ ᠡᠷᠦᠬᠡ ᠪᠤᠯᠵᠤ ᠬᠤᠶᠠᠷ ᠬᠤᠪᠢ ᠮᠠᠯ ᠤᠯᠤᠭᠰᠨ ᠴᠤ ᠪᠤᠢ︶ ᠪᠤᠰᠤᠳ ᠪᠤᠢ ᠪᠦᠬᠦᠢ ᠮᠠᠯ ᠰᠦᠷᠦᠭ ᠢ ᠪᠦᠷ | ᠤᠯᠤᠰ ᠲᠠᠭᠠᠨ ᠲᠠᠭᠤᠨ ᠠᠪᠠᠴᠢᠵᠡᠢ᠃ ᠤᠷᠤᠰ ᠴᠡᠷᠢᠭ ᠬᠠᠭᠤᠴᠢᠨ ᠪᠠᠷᠭᠤ ᠶᠢᠨ ᠮᠠᠯ ᠢ ᠲᠠᠭᠤᠵᠤ ᠠᠪᠠᠴᠢᠬᠤ ᠳᠠᠭᠠᠨ ᠦᠷᠬᠡᠨ ᠭᠤᠤᠯ ᠢ ᠬᠡᠳᠤᠯᠬᠦ ᠦᠶᠠ ᠳᠤ | ᠲᠤᠭᠠ ᠲᠤᠮᠰᠢ ᠦᠬᠡᠢ ᠤᠯᠠᠨ ᠮᠠᠯ ᠭᠤᠤᠯ ᠳᠤ ᠤᠨᠠᠵᠤ ᠦᠬᠦᠬᠡᠳ᠂ ᠦᠬᠦᠭᠰᠡᠨ ᠮᠠᠯ ᠢᠶᠠᠷ ᠬᠦᠬᠦᠷᠬᠡ ᠬᠢᠵᠤ ᠭᠠᠷᠤᠭᠰᠠᠨ ᠭᠡᠵᠤ ᠲᠤᠬᠠᠢ ᠶᠢᠨ ᠦᠶᠠ ᠳᠤ | ᠨᠢᠳᠤ ᠪᠠᠷ ᠢᠶᠠᠨ ᠦᠵᠡᠵᠤ᠂ ᠪᠠᠶᠠ ᠪᠠᠷ ᠢᠶᠠᠨ ᠤᠷᠤᠯᠴᠠᠭᠰᠠᠨ ᠮᠠᠯᠴᠢᠳ ᠶᠠᠷᠢᠯᠴᠠᠳᠠᠭ᠃ ᠬᠤᠭᠤᠰᠤᠨ ᠪᠠᠭᠤᠴᠠ ᠳᠠᠭᠠᠨ ᠬᠤᠴᠤᠷᠤᠭᠰᠠᠨ ᠮᠠᠯᠴᠢᠳ ᠨᠡᠬᠦᠳᠡᠯ ᠤᠨ | ᠲᠡᠷᠬᠡ ᠪᠤᠯᠤᠨ ᠬᠤᠨᠢᠨ ᠤ ᠬᠠᠰᠢᠶᠠ ᠪᠠᠨ ᠤᠪᠤᠭᠠᠯᠠᠨ ᠰᠢᠳᠠᠭᠠᠵᠤ᠂ ᠦᠯᠡᠳᠡᠵᠤ ᠲᠤᠰᠤᠭᠰᠠᠨ ᠬᠡᠳᠤᠬᠡᠨ ᠮᠠᠯ ᠢᠶᠠᠨ ᠠᠪᠤᠭᠠᠳ ᠦᠷᠬᠡᠨ ᠭᠤᠤᠯ ᠤᠨ ᠬᠦᠪᠡᠭᠡ ᠠᠴᠠ | ᠦᠪᠡᠷ ᠦᠪᠡᠷᠰᠠᠳ ᠤᠨ ᠨᠤᠳᠤᠭ ᠲᠠᠭᠠᠨ ᠨᠡᠬᠦᠨ ᠢᠷᠡᠵᠡᠢ᠃ ᠰᠠᠬᠦᠯᠡᠷ ᠨᠢ ᠵᠦᠪᠯᠡᠯᠳᠤ ᠤᠯᠤᠰ ᠠᠴᠠ ᠡᠨᠡᠬᠦ ᠬᠡᠷᠡᠭ ᠤᠴᠢᠷ ᠢ ᠰᠢᠢᠳᠪᠤᠷᠢᠯᠡᠬᠦ ᠶᠢᠨ ᠲᠦᠯᠦᠬᠡ | ᠲᠠᠭᠤᠵᠤ ᠠᠪᠠᠴᠢᠭᠰᠠᠨ ᠮᠠᠯ ᠤᠨ ᠲᠤᠭᠠ ᠪᠠᠷ ᠦᠨᠠ ᠬᠠᠨᠭ᠍ᠰᠢ ᠶᠢ ᠪᠤᠳᠤᠵᠤ ᠲᠦᠯᠦᠪᠤᠷᠢ ᠶᠢᠨ ᠵᠤᠭᠤᠰ ᠮᠦᠡᠭᠭᠦ ᠦᠭᠭᠦᠭᠰᠡᠨ ᠶᠤᠮ᠃ ᠲᠤᠬᠠᠢ ᠶᠢᠨ ᠦᠶᠠ ᠶᠢᠨ | ᠬᠦᠯᠦᠨ ᠪᠤᠶᠢᠷ ᠠᠶᠢᠮᠠᠭ ᠤᠨ ᠪᠠᠷᠭᠤ ᠮᠤᠩᠭᠤᠯ ᠤᠨ ᠬᠤᠷᠰᠢᠶᠠ ᠶᠢ ᠲᠠᠷᠤᠢ ᠡᠨᠡᠬᠦ ᠵᠤᠭᠤᠰ ᠢᠶᠠᠷ ᠡᠬᠡ ᠮᠦᠡᠭᠭᠦ ᠪᠤᠯᠭᠠᠵᠤ ᠪᠠᠶᠢᠭᠤᠯᠤᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠠᠰ | ᠪᠦᠬᠦ ᠬᠤᠰᠢᠭᠤᠨ ᠤ ᠮᠠᠯ ᠢ ᠲᠤᠭᠠᠯᠠᠵᠤ ᠪᠦᠷᠢᠳᠬᠡᠬᠦ ᠶᠢᠨ ᠠᠷᠭᠠ ᠦᠬᠡᠢ᠂ ᠲᠠᠶᠢᠨ ᠤ ᠲᠠᠷᠠᠭᠠᠬᠢ 1946 ᠤᠨ ᠤ ᠪᠦᠷᠢᠳᠬᠡᠯ ᠢ ᠦᠨᠳᠤᠰᠤᠯᠠᠪᠠᠯ ᠪᠦᠬᠦ ᠬᠤᠰᠢᠭᠤ | 15072 ᠲᠤᠯᠤᠭᠠᠢ ᠮᠠᠯ ᠲᠠᠢ ᠦᠯᠡᠳᠡᠭᠰᠡᠨ ᠶᠤᠮ ᠬᠡᠨᠠ᠃ |