| ᠮᠣᠩᠭᠤᠯ ᠬᠥᠮᠥᠨ ᠡᠷᠲᠡ ᠤᠷᠢᠳᠤ ᠠᠴᠠ ᠪᠠᠨ ᠠᠶᠢᠯ ᠳᠤ ᠪᠠᠭᠤᠵᠤ ᠴᠠᠢ ᠤᠰᠤ ᠤᠤᠭᠤᠬᠤ ᠪᠤᠶᠤ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ ᠳᠡᠭᠡᠨ᠂ ᠠᠶᠢᠯ ᠤᠨ | ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠪᠣᠣᠪᠤ ᠪᠤᠭᠤᠷᠰᠤᠭ᠂ ᠰᠢᠬᠢᠷ ᠵᠢᠮᠢᠰ᠂ ᠬᠤᠷᠤᠳ ᠴᠠᠭᠠ ᠪᠤᠶᠤ ᠮᠢᠬᠠ ᠰᠢᠭᠦᠰᠦ ᠶᠢ ᠳᠠᠪᠠᠭ᠂ ᠰᠠᠪᠠ ᠶᠢ ᠨᠢ ᠬᠤᠭᠤᠰᠤᠷᠠᠲᠠᠯᠠ ᠢᠳᠡᠬᠦ᠂ | ᠤᠤᠭᠤᠬᠤ ᠶᠢ ᠮᠠᠰᠢᠳᠠ ᠴᠡᠭᠡᠷᠯᠡᠳᠡᠭ᠃ ᠡᠭᠦᠨ ᠢ ᠰᠠᠪᠠ ᠬᠤᠭᠤᠰᠤᠯᠠᠬᠤ ᠦᠭᠡᠢ ᠶᠣᠰᠣᠨ ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠳᠠᠪᠠᠭ ︵ᠫᠢᠯᠠ︶ ᠬᠤᠭᠤᠰᠤᠯᠠᠬᠤ ᠦᠭᠡᠢ ᠶᠣᠰᠣᠨ | ᠴᠤ ᠭᠡᠳᠡᠭ᠃ | ᠮᠣᠩᠭᠤᠯ ᠬᠥᠮᠥᠨ ᠵᠣᠴᠢᠨᠰᠠᠭ᠃ ᠮᠣᠩᠭᠤᠯ ᠨᠤᠲᠤᠭ ᠥᠷᠭᠡᠨ ᠠᠭᠤᠳᠠᠮ᠂ ᠵᠠᠮ ᠮᠥᠷ ᠬᠤᠯᠠ᠂ ᠶᠠᠪᠤᠵᠤ ᠰᠠᠭᠤᠬᠤ ᠴᠠᠭ ᠤᠷᠳᠦ᠃ ᠬᠡᠨ ᠳᠤ ᠪᠤᠯᠤᠭᠰᠨ ᠴᠤ᠂ | ᠬᠡᠵᠢᠶᠡ᠂ ᠶᠠᠮᠠᠷ ᠴᠠᠭ ᠦᠶᠡ ᠳᠤ ᠴᠤ ᠭᠡᠰᠡᠨ᠂ ᠠᠶᠢᠯ ᠳᠤ ᠣᠴᠢᠵᠤ ᠵᠣᠴᠢᠯᠠᠭᠳᠠᠬᠤ ᠪᠤᠶᠤ ᠵᠠᠮ ᠮᠥᠷ ᠬᠥᠭᠡᠭᠡᠵᠦ ᠶᠠᠪᠤᠵᠤ ᠪᠠᠶᠢᠭᠠᠳ ᠠᠶᠢᠯ ᠳᠤ ᠪᠠᠭᠤᠵᠤ ᠰᠠᠭᠤᠵᠤ | ᠴᠠᠢ ᠤᠰᠤ ᠤᠤᠭᠤᠬᠤ᠂ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ ᠶᠠᠪᠤᠳᠠᠯ ᠤᠯᠠᠨ ᠲᠣᠬᠢᠶᠠᠯᠳᠤᠳᠠᠭ᠃ ᠠᠯᠢ ᠨᠢᠭᠡᠨ ᠠᠶᠢᠯ ᠡᠷᠦᠭᠡ ᠳᠤ ᠨᠢ ᠴᠤ ᠭᠡᠰᠡᠨ᠂ ᠵᠠᠯᠠᠭᠰᠠᠨ ᠵᠣᠴᠢᠨ | ᠢᠷᠡᠬᠦ ᠪᠤᠶᠤ ᠵᠠᠮ ᠮᠥᠷ ᠶᠠᠪᠤᠵᠤ ᠬᠥᠭᠡᠭᠡᠵᠦ ᠪᠠᠶᠢᠭᠰᠠᠨ ᠬᠥᠮᠥᠨ ᠪᠠᠭᠤᠵᠤ ᠰᠠᠭᠤᠭᠠᠳ ᠭᠠᠷᠬᠤ ᠶᠠᠪᠤᠳᠠᠯ ᠴᠤ ᠵᠥᠩᠳᠡᠭᠡᠨ ᠲᠣᠬᠢᠶᠠᠯᠳᠤᠳᠠᠭ᠃ ᠪᠠᠭᠤᠭᠠᠳ ᠯᠠ | ᠭᠠᠷᠳᠠᠭ᠂ ᠪᠤᠴᠠᠭᠠᠳ ᠯᠠ ᠮᠣᠷᠳᠠᠳᠠᠭ᠃ ᠠᠯᠢ ᠨᠢᠭᠡᠨ ᠠᠶᠢᠯ ᠡᠷᠦᠭᠡ ᠨᠢ ᠪᠣᠯᠤᠭᠰᠠᠨ ᠴᠤ᠂ ᠲᠠᠨᠢᠬᠤ᠂ ᠲᠠᠨᠢᠬᠤ ᠦᠭᠡᠢ ᠬᠥᠮᠥᠨ ᠢᠷᠠᠯᠠ ᠭᠡᠳ ︽ᠴᠠᠢ ᠴᠤ ᠦᠭᠡᠢ᠂ | ᠴᠢᠷᠠᠢ ᠴᠤ ᠦᠭᠡᠢ︾ ᠴᠡᠮᠪᠡᠶᠢᠵᠦ ᠳᠠᠮᠪᠠᠶᠢᠵᠤ ᠰᠠᠭᠤᠭᠠᠳ ᠥᠩᠭᠡᠷᠡᠭᠡᠴᠢᠬᠡᠳᠡᠭ ᠦᠭᠡᠢ᠃ ᠬᠡᠨ ᠨᠢ ᠢᠷᠡᠭᠰᠡᠨ ᠴᠤ ᠬᠠᠮᠢᠶᠠ ᠦᠭᠡᠢ᠂ ᠪᠣᠣᠪᠤ | ᠪᠤᠭᠤᠷᠰᠤᠭ ᠢᠶᠠᠨ ᠭᠠᠷᠭᠠᠵᠤ᠂ ᠰᠢᠬᠢᠷ ᠵᠢᠮᠢᠰ ᠢᠶᠠᠨ ᠲᠠᠯᠪᠢᠵᠤ᠂ ᠴᠠᠢ ᠤᠰᠤ ᠪᠠᠨ ᠠᠶᠠᠭᠠᠯᠠᠵᠤ ᠦᠭᠳᠡᠭ᠃ | ᠠᠶᠢᠯ ᠳᠤ ᠵᠠᠯᠠᠭᠳᠠᠵᠤ ᠣᠴᠢᠭᠰᠠᠨ ᠵᠣᠴᠢᠨ ᠪᠤᠶᠤ ᠵᠠᠮ ᠢᠶᠠᠷ ᠢᠶᠠᠨ ᠬᠦᠷᠦᠭᠰᠡᠨ ᠭᠡᠶᠢᠴᠢᠨ ᠭᠡᠰᠡᠨ ᠴᠤ᠂ ᠬᠡᠨ ᠨᠢ ᠴᠤ ᠪᠣᠯᠤᠭᠰᠠᠨ᠂ ᠶᠠᠮᠠᠷ ᠪᠠᠶᠢᠳᠠᠯ ᠳᠣᠣᠷᠠ ᠴᠤ | ᠭᠡᠰᠡᠨ᠂ ︽ᠢᠳᠠ᠂ ᠤᠤᠭᠤ ᠭᠡᠰᠡᠨ ᠶᠤᠮ᠂ ᠡᠷᠢᠶᠡ ᠦᠭᠡᠢ ᠶᠤᠮ᠂ ᠵᠢᠷᠤᠭᠠ ᠦᠭᠡᠢ ᠶᠤᠮ᠃ ᠲᠠᠯᠪᠢᠭᠠᠳ ᠥᠭᠴᠢᠬᠡᠭᠰᠡᠨ ᠶᠤᠮ ᠴᠢᠨᠢ᠂ ᠳᠠᠪᠠᠭ ᠢ ᠨᠢ | ᠬᠤᠭᠤᠰᠤᠷᠠᠲᠠᠯᠠ ᠢᠳᠡᠴᠢᠬᠡᠶᠡ᠂ ᠤᠤᠭᠤᠴᠢᠬᠠᠶᠠ᠂ ᠪᠠᠷᠠᠭᠠᠴᠢᠬᠠᠶᠠ︾ ᠭᠡᠳ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠶᠠᠭᠤᠮᠠ ᠶᠢ ᠨᠢ ︵ᠪᠤᠳᠠᠭᠠ᠂ ᠬᠤᠭᠤᠯᠠ ᠴᠤ ᠪᠠᠭᠲᠠᠨᠠ︶ ᠳᠠᠪᠠᠭ | ᠰᠠᠪᠠ ᠶᠢ ᠨᠢ ᠬᠤᠭᠤᠰᠤᠷᠠᠲᠠᠯᠠ ᠢᠳᠡᠴᠢᠬᠡᠳᠡᠭ ᠦᠭᠡᠢ᠂ ᠤᠤᠭᠤᠴᠢᠬᠠᠳᠠᠭ ᠦᠭᠡᠢ᠃ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠶᠠᠭᠤᠮᠠ ᠨᠢ ᠠᠷᠪᠢᠨ - ᠬᠦᠷᠦᠯᠴᠡᠭᠡᠲᠡᠢ ᠪᠣᠯ | ᠴᠠᠳᠲᠠᠯᠠ ᠪᠤᠶᠤ ᠥᠯ ᠢᠶᠠᠨ ᠳᠠᠷᠤᠵᠤ ᠠᠩᠭᠠᠭᠠ ᠴᠠᠩᠭᠠᠭᠠ ᠪᠠᠨ ᠳᠠᠶᠢᠯᠳᠠᠯᠠ ᠢᠳᠡᠵᠦ ᠤᠤᠭᠤᠵᠤ᠂ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠶᠠᠭᠤᠮᠠ ᠨᠢ ᠪᠠᠭᠠ᠂ ᠴᠥᠭᠡᠨ᠂ | ᠬᠦᠷᠦᠯᠴᠡᠭᠡ ᠪᠠᠷ ᠠᠨᠠᠢ ᠰᠢᠭ᠋ ᠪᠣᠯ ᠠᠮᠬᠠᠷᠠᠭᠠᠳ ᠪᠤᠶᠤ ᠠᠮᠰᠠᠭᠠᠳ ᠲᠠᠯᠪᠢᠴᠢᠬᠠᠳᠠᠭ᠃ ᠠᠩᠭᠠᠭᠠ ᠴᠠᠩᠭᠠᠭᠠ ᠪᠠᠨ ᠪᠠᠭᠠ ᠳᠠᠷᠤᠭᠠᠳ ᠪᠣᠯᠭᠠᠴᠢᠬᠠᠳᠠᠭ᠃ | ᠶᠠᠭᠠᠬᠢᠵᠤ ᠶᠡᠭᠡ ᠥᠯᠥᠰᠴᠦ ᠬᠠᠷᠠᠩᠭᠠᠰᠴᠤ ᠠᠩᠭᠠᠵᠤ ᠴᠠᠩᠭᠠᠵᠤ ᠪᠠᠶᠢᠭᠰᠠᠨ ᠴᠤ᠂ ︽ᠬᠡᠰᠢᠭ︾᠂ ︽ᠳᠡᠭᠡᠵᠢ︾᠂ ︽ᠪᠤᠶᠠᠨ︾ ᠢ ᠨᠢ ᠦᠯᠡᠳᠡᠭᠡᠶᠡ ᠭᠡᠳ᠂ | ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠪᠤᠳᠠᠭᠠ᠂ ᠬᠤᠭᠤᠯᠠ ᠪᠤᠶᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠠᠴᠠ ᠨᠢ ᠳᠠᠪᠠᠭ᠂ ᠰᠠᠪᠠ᠂ ᠬᠡᠷᠡᠭᠰᠡᠯ ᠤᠨ ᠬᠢᠨᠢ ᠢᠷᠤᠭᠠᠷ ᠲᠤ ᠨᠢᠭᠡ ᠬᠤᠶᠠᠷ ᠬᠡᠰᠡᠭ | ︵ᠰᠢᠷᠬᠡᠭ︶ ᠪᠤᠶᠤ ᠨᠢᠭᠡ ᠬᠤᠶᠠᠷ ᠤᠤᠭᠤᠴᠢ ︵ᠠᠮᠠ︶ ᠴᠤ ᠭᠡᠰᠡᠨ ᠦᠯᠡᠳᠡᠭᠡᠵᠦ ᠥᠭᠭᠦᠭᠡᠳ ᠮᠣᠷᠳᠠᠳᠠᠭ᠃ | ᠮᠣᠩᠭᠤᠯᠴᠤᠳ᠂ ᠠᠶᠢᠯ ᠳᠤ ᠣᠴᠢᠭᠰᠠᠨ ᠭᠡᠶᠢᠴᠢᠨ ᠵᠣᠴᠢᠨ ᠠᠶᠢᠯ ᠤᠨ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠶᠠᠭᠤᠮᠠ ᠶᠢ ᠳᠠᠪᠠᠭ᠂ ᠰᠠᠪᠠ ᠶᠢ ᠨᠢ ᠬᠤᠭᠤᠰᠤᠷᠠᠲᠠᠯᠠ ᠢᠳᠡᠬᠦ | ᠤᠤᠭᠤᠬᠤ ᠨᠢ ᠶᠣᠰᠣ ᠦᠭᠡᠢ ᠮᠣᠷᠠᠯ ᠦᠭᠡᠢ᠂ ᠶᠠᠭᠤᠮᠠ ᠮᠡᠳᠡᠬᠦ ᠦᠭᠡᠢ ᠶᠢᠨ ᠬᠢ︔ ᠪᠤᠰᠤᠳ ᠲᠤ ᠪᠣᠷᠣ ᠪᠦᠳᠦᠭᠦᠯᠢᠭ᠂ ᠦᠯᠦᠩᠭᠡᠷ ᠬᠤᠪᠳᠤᠭ ᠭᠡᠵᠦ ᠬᠡᠯᠡᠭᠳᠡᠨᠡ᠂ | ᠬᠠᠷᠠᠭᠳᠠᠨᠠ ᠭᠡᠵᠦ ᠦᠵᠡᠳᠡᠭ᠃ | ᠠᠶᠢᠯ ᠳᠤ ᠵᠠᠯᠠᠭᠳᠠᠵᠤ ᠵᠣᠴᠢᠯᠠᠭᠳᠠᠬᠤ ᠪᠤᠶᠤ ᠠᠮᠢ ᠪᠠᠷ ᠢᠶᠠᠨ - ᠵᠠᠮ ᠢᠶᠠᠷ ᠢᠶᠠᠨ ᠣᠴᠢᠵᠤ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ᠂ ᠴᠠᠢ ᠤᠰᠤ ᠤᠤᠭᠤᠬᠤ ᠳᠤ᠂ | ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ ᠵᠦᠢᠯᠡᠰ ᠪᠤᠶᠤ ᠮᠡᠳᠡᠬᠦ ᠴᠢᠬᠤᠯᠠ ᠲᠠᠢ ᠵᠦᠢᠯᠡᠰ ᠠᠩᠬᠠ ᠤᠷᠢᠳᠤ ᠠᠴᠠ ᠪᠠᠨ ᠠᠪᠤᠭᠠᠳ ᠡᠶᠢᠮᠦ ᠤᠯᠠᠨ︕ ᠡᠶᠢᠮᠦ ᠤᠯᠠᠨ ᠶᠣᠰᠣ | ᠭᠤᠷᠢᠮ ᠲᠠᠢ︕ | ᠤᠳᠤ ᠴᠤ ᠭᠡᠰᠡᠨ᠂ ᠬᠡᠨ ᠬᠥᠮᠥᠨ ᠬᠡᠷᠪᠡ ᠠᠶᠢᠯ ᠳᠤ ᠵᠠᠯᠠᠭᠳᠠᠵᠤ ᠵᠣᠴᠢᠨ ᠪᠤᠯᠬᠤ ᠪᠤᠶᠤ ᠠᠶᠢᠯᠴᠢᠯᠠᠵᠤ ᠲᠣᠭᠤᠷᠢᠵᠤ ᠣᠴᠢᠭᠠᠳ᠂ ᠴᠠᠢ ᠤᠰᠤ ᠤᠤᠭᠤᠬᠤ᠂ | ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ᠂ ᠵᠢᠴᠢ ᠠᠶᠢᠯ ᠤᠨ ᠲᠠᠯᠪᠢᠵᠤ ᠦᠬᠦᠭᠰᠡᠨ ᠪᠣᠣᠪᠤ ᠪᠤᠭᠤᠷᠰᠤᠭ᠂ ᠰᠢᠬᠢᠷ ᠵᠢᠮᠢᠰ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠢᠳᠡᠵᠦ | ᠤᠤᠭᠤᠬᠤ ᠳᠠᠭᠠᠨ᠂ ᠡᠷᠢᠶᠡᠯᠡᠵᠦ ᠨᠠᠷᠢᠯᠠᠬᠤ ᠶᠢ ᠮᠠᠳᠠᠯ ᠦᠭᠡᠢ ᠪᠠᠷ ᠳᠠᠪᠠᠭ ᠰᠠᠪᠠ ᠶᠢ ᠨᠢ ᠬᠤᠭᠤᠰᠤᠷᠠᠲᠠᠯᠠ ᠢᠳᠡᠴᠢᠬᠡᠬᠦ᠂ ᠤᠤᠭᠤᠴᠢᠬᠠᠬᠤ ᠶᠤᠮ ᠪᠣᠯ᠂ ᠳᠠᠷᠠ | ᠴᠣᠬᠤᠮ ᠶᠣᠰᠣ ᠦᠭᠡᠢ ᠮᠣᠷᠠᠯ ᠦᠭᠡᠢ᠂ ᠶᠠᠭᠤᠮᠠ ᠮᠡᠳᠡᠬᠦ ᠦᠭᠡᠢ᠂ ᠪᠣᠷᠣ ᠪᠦᠳᠦᠭᠦᠯᠢᠭ᠂ ᠦᠯᠦᠩᠭᠡᠷ ᠬᠤᠪᠳᠤᠭ ᠠᠮᠢᠳᠠᠨ ᠭᠡᠵᠦ ᠥᠷᠥᠭᠡᠯ ᠪᠤᠰᠤᠳ ᠲᠤ | ᠬᠡᠯᠡᠭᠳᠡᠬᠦ᠂ ᠬᠠᠷᠠᠭᠳᠠᠬᠤ ᠨᠢ ᠳᠠᠷᠠ ᠪᠢᠯᠡ︕ | ᠥᠨᠥ ᠴᠠᠭ ᠤᠨ ᠬᠡᠦᠬᠡᠳ ᠪᠠᠭᠠᠴᠤᠳ ᠡᠭᠦᠨ ᠢ ︵ᠮᠣᠩᠭᠤᠯᠴᠤᠳ ᠤᠨ ᠰᠠᠪᠠ ᠬᠤᠭᠤᠰᠤᠯᠠᠬᠤ ᠦᠭᠡᠢ ᠶᠣᠰᠣᠨ ᠢ︶ ᠲᠠᠨᠠᠷ ᠮᠠᠳᠠᠵᠦ ᠠᠪ︕ ᠰᠠᠨᠠᠭᠠ | ᠪᠤᠳᠤᠯ ᠳᠠᠭᠠᠨ ᠠᠪᠴᠤ ᠰᠠᠬᠢᠵᠤ ᠬᠢᠴᠢᠶᠠᠮᠵᠢᠯᠠᠵᠦ ᠶᠠᠪᠤ︕ ᠠᠶᠢᠯ ᠠᠶᠢᠮᠠᠭ ᠢᠶᠠᠷ ᠢᠶᠠᠨ ᠠᠶᠢᠯᠴᠢᠯᠠᠵᠤ ᠲᠣᠭᠤᠷᠢᠵᠤ ᠣᠴᠢᠬᠤ ᠳᠠᠭᠠᠨ᠂ ᠴᠠᠢ ᠤᠰᠤ | ᠤᠤᠭᠤᠵᠤ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ ᠪᠤᠶᠤ ︽ᠢᠳᠠ᠂ ᠤᠤᠭᠤ︾ ᠭᠡᠵᠦ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠨᠢ ᠢᠳᠡᠵᠦ ᠤᠤᠭᠤᠬᠤ ᠳᠠᠭᠠᠨ᠂ ᠡᠪ | ᠵᠦᠢ ᠶᠢ ᠨᠢ ᠬᠠᠷᠠᠵᠤ᠂ ᠡᠷᠢᠶᠡᠯᠡᠵᠦ ᠨᠠᠷᠢᠯᠠᠵᠤ - ᠲᠡᠩᠴᠡᠭᠦᠯᠵᠦ ᠵᠣᠬᠢᠴᠠᠭᠤᠯᠵᠤ ᠢᠳᠡᠵᠦ ᠤᠤᠭᠤᠵᠤ ᠰᠤᠷ︕ ᠪᠢᠲᠡᠭᠡᠢ ᠯᠠ ᠳᠠᠪᠠᠭ᠂ ᠰᠠᠪᠠ ᠶᠢ ᠨᠢᠬᠢᠯᠠᠶᠢᠳᠠᠯᠠ | ᠲᠠᠭᠠᠷᠴᠤᠭ ᠤᠭᠤᠲᠠ ᠶᠢ ᠨᠢ ᠣᠩᠭᠤᠶᠢᠲᠠᠯᠠ ᠢᠳᠡᠴᠢᠬᠡ᠂ ᠤᠤᠭᠤᠴᠢᠬᠠ︕ |